ခေဲင်ဇံင်စုင်ပလှံင်အေဲမ်ခြီရ် ဇူႈတပ္လေါည်ကခေ့ကတားပ္လေခုင် ရေဲန်ဟာဝ်းမိူဝ်ႈနောႈဖိူမ် ကခေ့ကတားနှာမ်မှည်၊ဘည်လိုမိူဝ်ႈတာင်ကမေဲႈလည်ကမီုတ်ကာည်းဘည်လိုကဖြောမ်ကရောမ်
03 November 2026
ခေဲင်ဇံင်စုင်ပလှံင်အေဲမ်ခြီရ် ဇူႈတပ္လေါည်ကခေ့ကတားပ္လေခုင် ရေဲန်ဟာဝ်းမိူဝ်ႈနောႈဖိူမ် ကခေ့ကတားနှာမ်မှည်၊ဘည်လိုမိူဝ်ႈတာင်ကမေဲႈလည်ကမီုတ်ကာည်းဘည်လိုကဖြောမ်ကရောမ်
အေဲမ်ခြီရ်၊ ကျံရ်အူကိူရ် ဆငည်း(16)
ဆဒါင်ကုင်တအာင်း
ကုင်တအာင်း၊ ပလှံင်အေဲမ်ခြီရ်၊ ခေဲင်ခနားဇံင်စုင်ကဲ ပ်ုန်ကယေင်ရေဲန်ဟာဝ်း မောကံပ်ကောန်တဘိုက်ဂဲ မိူဝ်ႈနောႈဖိူမ်ကခေ့ကတားနှာမ်မှည်၊ ဘည်လိုမိူဝ်ႈတာင်ကမေဲႈလည်ကမီုတ်ကာည်းဘည်လိုကဖြောမ်ကရောမ် ဇူႈရေဲန်ဟာဝ်း ပ္လေါည်ကခေ့ကတားပ္လေခုင် ခည်မိုႈကျံရ်အူကိူရ် ဆငည်း(12)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တာမ်တားတီုင်အွံရ်(1) တာမ်ခူန်ချုဒါင်း ဇိုက်ဇာရ် ဟိုက်ရောတ်။
ကခံပ်ကယည်ရေဲန်ပ္လေါည်ႎိူဝ်ႈပ္လေခုင်ကခေ့ကတားနီန် PSLF/TNLA တာမ်တားတီုင်အွံရ်(1) တာမ်ခူန်ချုဒါင်း ဇိုက်ဇာရ် က္လာင်းကြောႈတံမ်းဒါႈ ဘည်လိုပဇာရ်ဒဲႈကူန်ရဝ်မာဂါင်ဂဲ မိူဝ်ႈနောႈဖိူမ် ကနိုက်နှာမ်မှည်၊ ဘည်ကဖြောမ်ကရောမ် ခေဲင်ခနားဇံင်၊ ဘည်လိုလည်ကမေဲႈကမီုတ်ခနားအယ်၊ ဒါႇခူဒီန် ဇူႈတံင်ရျံရ်ႈမိူဝ်ႈနောႈဖိူမ်ကနိုက်နှာမ်မှည်နီန် အ်ုန်အရေးဒါင်း ကနာည်နံင်ဟြေဲႈဒါင်း ဟိုက်ဇာရ်လှံင်။ ဆဲႈဒါႇဒီန် PSLF/TNLA ဂေါပ်တားချှာင်ဇီုင်းကာန် တောန်နဲ(1) ခူန်အွံရ်ချု အိုမ်တမာဝ်း၊ ဖုင်ဘေဲႇဘာန်းကာည်း ထုင်မှိူမ် ဆျှံမ်ကာည်း ခိုလိုင်လီရှောကဲမာ် က္လာင်းဟာဝ်းဘိုးကြောႈတံမ်းအောႏ။
ပ္လေါည်ကခေ့ကတားပ္လေခုင်ဒီန် အီလီပ်ကာ်မ်မတီချှာင်ဇီုင်းကာန်လှံင်ဂဲ အီပဲန်ဆာ်ႈအွံရ်ကာ်မ်မတီဂဲ ရံပ်ဇီုင်းကပ္လိူင်ရေဲန်ဟာဝ်း၊ ဆဲႈဒါႇဒီန် ကနာည်နံင်ဘယ်ရေဲန်ဟောည်ႇဟာဝ်း ပ္လေါည်ကခေ့ကတားနီန် ပ္လကကာႈဇီုင်းကာန်တောပ်ဘာည်းအီဆီုဝ်ကဆဲင်အ်ုန် မိူဝ်ႈဖုင်အီဘြဲဆားပါင်၊ ဖုင်အီရံပ်လာည်းဇီုင်းလံပ်ကတ်ုမ်၊ ဖုင်ဆနံမ်ကာည်း ဖုင်အီဇီုင်းဒဴင်(4)အီး နံင်ရံပ်ဇီုင်းကပ္လိူင်ရေဲန်ဟာဝ်း။
ပ္လေါည်ကခေ့ကတားပ္လေခုင်ဒီန် ခေဲင်လှံင်အေဲမ်ခြီရ် ဇံင်(14)ဇံင် နံင်လီပ်ကခေ့ကတားဟာဝ်း စူမ်အီလီပ်ကခေ့ကတားကဲဒီန် ကကာႈပ္လပဲန်(4)အုပ်စု။ အုပ်စု(1)မိုႈ ဇံင်ပေါက်နေ၊ ပေါက်တိုက်၊ နောင်ဆန့်ကာည်း ဇံင်ကောင်တံပ်၊ အုပ်စု(2)မိုႈ ဇံင်အံင်မင်ဂလာ၊ ဝိန်းဆာ၊ ဟိုက်ကတ်ကာည်း ဇံင်သာယာကိုင်း၊ အုပ်စု(3)မိုႈ ဇံင်မိုးခံမ်၊ စျေးတန်း(က္လာႈ)ကာည်း ဇံင်မာန်နား၊ အုပ်စု(4)မိုႈ ဇံင်မာန်စံမ်၊ အံင်ချှာန်သာကာည်း ဇံင်ကောင်နောင်မို ကဲနံင်လီပ်ကခေ့ကတားဟာဝ်း။
ပ္လေါည်ကခေ့ကတားနီန် နံင်ဇူႈရေဲန်ဟာဝ်း ကျံရ်အူကိူရ်ဆငည်း(12)ရောတ်ဆငည်း(25) လှေင်(14)ဆငည်း မိူဝ်ႈစူမ်အုပ်စု(19)ပွဲ၊ ကွာတားဖိုင်နယ်(4)ပွဲ၊ ဆီမီးဖိုင်နယ်(2)ပွဲ ကာည်း ဗိုလ်လုပွဲ။ ဆာ်မိုႈ စူမ်အီဘိူန်းဆုကဲ နံင်အာပ်ချဒဲႈဟာဝ်း ဆုဖလား၊ ဆုရိူန်း၊ ဆုႎံရ်ငေါခြီရ်၊ ကာည်း ဆုႎံရ်ငေါရိူန်းကဲနီန်။ ဆဲႈဒါႇဒီန် ဖုင်ကာ်မ်မတီဒဴင်ကဲ နံင်ကပိုမ်ရံရ်ႈအာပ်ချဒဲႈဟာဝ်းဘိုး ဆုကညာဂိုး(ဂိုးသမား)၊ ဆုအီဂေါည်နှာဘံန်း (နောက်တန်း)၊ ဆုအီဂေါည်ကဒည်(အလယ်တန်း)ကာည်း ဆုအီဂေါည်နှာအာည်ႇ (အရှေ့တန်း)၊ ဆုအီချဲမ်ခေဲင်ဇိုချီုင်ရေဲန်ပ္လေါည်ကခေ့ကတား၊ ဆုချှူပ်စာပ်ခြီရ်ကာည်း ဆုဖုင်အီဆပဲဆငါးကဲနီန်။
ပ္လေါည်ႎိူဝ်ႈပါင်ကခေ့ကတားဒီန် PSLF/TNLAတာမ်တားတီုင်အွံရ်(1) တာမ်ခူန်ချုဒါင်း ဇိုက်ဇာရ်၊ ဂေါပ်တားချှာင်ဇီုင်းကာန်တောန်နဲ(1) ခူန်အွံရ်ချု အိုမ်တမာဝ်း၊ ဖုင်ဘေဲႇဘာန်း ကာည်း ထုင်မှိူမ်ဆျှံမ်ဂဲ၊ ဖုင်ဘေဲႇဘာန်း ကာည်း ထုင်မှိူမ်ခိုလိုင်လီရှောဂဲကာည်း ကူန်ရဝ်မာဂါင်ဂဲ ကစုကပိုမ်ဂေါည်(1000)အီး ဟိုက်ရောတ်ဒေဲႈ။
ဘည်ကယေင်ရေဲန်ဟာဝ်းပ္လေါည်ကခေ့ကတားနီန်မိုႈ ပဇာရ်ဒဲႈ ကောန်တဘိုက်ဂဲ မိူဝ်ႈလံပ်ရဲင်ခေဲင်ခေါခါႇပိုင်းတိုကာည်း ရဲင်ဘ္လောမ်နောႈဖိူမ် ၊ ရေဲန်ဒဲႈဟာဝ်း မောကံပ်ဇိုဇာတ်ကောန်တဘိုက်ဂဲ အာဝ်မိူဝ်ႈဒါလောင်ခံင်ယိူည်ႇကာည်း ဇူႈတကနိုက်နှာမ်မှည်နီန် မောကံပ်ကောန်တဘိုက်ဂဲ မိူဝ်ႈနောႈဆိင်ကဖြောမ်ကရောမ်၊ မိူဝ်ႈတာင်ကမေဲႈလည်ကမီုတ်ခနားဂဲအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists