ဘယ်ရေဲန်ဟောည်ႇဟာဝ်း ပ္လေါည်ပ္လိုတ်အာပ်ဒဲႈဘွည်ႇ တကောန်ကျောင် အကယ်ဒမီပိင်ငျာတအာင်း- TEA လိူဝ်ႈ(1)
03 November 2026
ဘယ်ရေဲန်ဟောည်ႇဟာဝ်း ပ္လေါည်ပ္လိုတ်အာပ်ဒဲႈဘွည်ႇ တကောန်ကျောင် အကယ်ဒမီပိင်ငျာတအာင်း- TEA လိူဝ်ႈ(1)
အိုမ်ယ်ုရ်၊ ကျံရ်အူကိူရ်၊ ဆငည်း(14)
ဆဒါင်ကုင်တအာင်း
ကုင်တအာင်း ကျောင်ပ်ုန်ႎိူဝ်ႈအူန်း အကယ်ဒမီပိင်ငျာတအာင်း Ta’ang Education Academy -TEA လိူဝ်ႈ(1)နီန် ဘယ်ရေဲန်ဟောည်ႇဟာဝ်း ပ္လေါည်ပ္လိုတ်အာပ်ဒဲႈဘွည်ႇ တကောန်ကျောင်- PGDTED-Us ကာည်း ပ္လေါည်ပ္လိုတ်ကျောင် ကျံရ်အူကိူရ်၊ ဆငည်း(12)၊ အခိင်ခီညှာ(9:00)နြီ ပဂါင်ႎှါႈဒီအာပ်ဘွည်ႇ ခေဲင်လှံင်အိုမ်ယ်ုရ်။
ခေဲင်ပ္လေါည်အာပ်ဘွည်ႇဒီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချူဘုင်ကျော် ဟိုက်ရောတ်တံမ်းကြောႈ ကနာည်ပဇာရ်လံပ်ပိင်ငျာနီန် ဖုင်လံပ်ပိင်ငျာဂဲ လိုရီတ်မံန်ဒါင်းဇာရ် ကာည်း ဇီုင်းကာန်လံပ်ပိင်ငျာနီန် အ်ုန်မိုႈအရေးဒါင်းခေဲင်ဇီုင်းကာန်ပျိူဝ်ႇယိူဝ်ႇကုင်လှံင်အူမျိူး ခေဲင်ခါန်းကဏ္ဍအူလှေင်မော အ်ုန်အရေးဒါင်းပွံတ်ခည်းယာ့်။
ဆဲႈဒီန် မောကံပ်ဘယ်ပျေဲႈလေႈ တာဆြာ/ယာဆြာဂဲ အီမိူဝ်ႈအိုမ်လှ ခေဲင်ဖုင်ဆာ်ႈမိူဝ်ႈဒီကလူည်ႇ မောဘံပ်ဘိူန်းဘြဲဆာဟာဝ်း။ ဆာင်ချံင်ဘြဲဆာဟာဝ်း ဒီကလူည်ႇဒါင်းဒါင်း ခေဲင်လံပ်ပိင်ငျာနီန် ဆီုပ်ပျေဲႈလေႈရေဲန်ဟာဝ်းဇီုင်းကာန် လံပ်ယေန်ငံင် ကာည်း ဇီုင်းကာန်ကတာႈဒါင်းဇာရ်။
တာဆြာ/ယာဆြာဂဲ အီဟောည်ႇႎါင်ပနောနီန် အခိင်ဟိုက်ႎါင်ပနော ပနောဒဲႈလံပ်ပိင်ငျာ ကာည်း ဘည်ပနောဒဲႈဘေဲႇ မောကာပ်မီုတ်ဆမားဟာဝ်းအာည်ႇနီန်း။
ႎါင်ပနောနီန် 2026၊ ဇူႈကျံရ်အိုည် ႎိူဝ်ႈဟာဝ်းႎါင်ပနော လှေင်(6)ကျံရ်လလ ကောန်ႎါင်ပနော ကောန်အီပ်ုန်(35)အီး ကောန်ႎါင်ပနော ကောန်အီမာည်း(7)အီး ကစုကပိုမ်(42)အီး ဟိုက်ဟောည်ႇႎါင်ပနောလှေင်နီန်အောႏ။ ခေဲင်ဇီုချီုင်ႎါင်ပနောဒီန် လံပ်ပိင်ငျာနောႈပိင်ငျာ၊ စနီတ်ဘည်ပနောဒဲႈဘေဲႇ၊ ဖာဆာကဆီုဝ်မဲန်(Major)၊ ဖာဆာပနိုက်-Miner ကာည်း အီတောႇနောႈပဘိုပနောဒဲႈဟာဝ်းဘေဲႇလူမ်တအာင်း။
ခေဲင်ပ္လေါည်ပ္လိုတ်အာပ်ဒဲႈဘွည်ႇနီန် အီရံပ်ဇီုင်းကပ္လိူင်ခေဲင်တီုင်ဌာနဂဲ တံမ်းကြောႈလှိုပ်ဂုင်၊ ကောန်ႎါင်ပနောအီဟောည်ႇကျောင်နီန် ကစုကပိုမ်(42)အီး အာပ်ဒဲႈဟာဝ်းဘွည်ႇ-(PEDTED-Us။ ဆာ်ႈမိုႈ အီဟောည်ႇႎါင်ပနောဂဲနီန် နံင်လီပ်ရံပ်လာည်းဟာဝ်းဇီုင်းကာန် ခေဲင်ကျောင် ပ်ုန်ႎိူဝ်ႈကောင်ဆံရ်ဇီုင်းပိင်ငျာကုငတအာင်း- TLEC) ပဲန်တာဆြာ/ယာဆြာ ချှံန်ဇာရ် အောႏ။
ပ်ုန်ကယေင်ႎိူဝ်ႈဟာဝ်းႎါင်ပနောနီန်မိုႈ မောကံပ်ဘယ်ပျေဲႈလေႈ တာဆြာ/ယာဆြာ မိူဝ်ႈအိုမ်လှ ဘယ်ပနောဟာဝ်းကောန်ကျောင် ခေဲင်ကျောင်ပ်ုန်ႎိူဝ်ႈကောင်ဆံရ်ဇီုင်းပိင်ငျာကုငတအာင်း- TLEC)။
ခေဲင်ပ္လေါည်ပ္လိုတ်အာပ်ဒဲႈဘွည်ႇ အီဟိုက်ရောတ်ဒဲႈမိုႈ တံပ်အွံရ်ပ်ုန်လောတ်ကပီုန်တအာင်း- PSLF/TNLA တားချှာင်ဇီုင်းကာန်တောန်နဲ ခူန်ချူဘုင်ကျော်၊ အီရံပ်ဇီုင်းခေဲင်တက္ကသိုလ် ပါမောက္ခချုပ် ဒေါက်တာဟောည်၊ အီရံပ်ဇီုင်းကာန်ခေဲင်ကောင်ဆံရ်ဇီုင်းပိင်ငျာကုင်တအာင်း၊ အီရံပ်ဇီုင်းကပ္လိူင်ခေဲင်တီုင်ဌာန၊ တာြဆာ/ယာဆြာ၊ ကောန်ႎါင်ပနော ကာည်း ကူန်မာကောန်ကျောင် ကစုကပိုမ် (500)အီး ဟိုက်ရောတ်ဒဲႈအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists