03 November 2026

ဖုင်ပလိက်ကုင်တအာင်းဂဲ ဘိူန်းတိုည်း အီမိူဝ်ႈအူန်းခံင်ယိူည်ႇ (1)အီး ကာည်း အီကရိူရ်ႈကယံင်းခံင်ယိူည်ႇ(1)အီး ပလှံင်ရူကော ကာည်း လှံင်အိုမ်ငျံရ်

အိုမ်ယ်ုရ်၊ ကျံရ်အူကိူရ်၊ ဆငည်း(12)

ဆဒါင်ကုငိတအာင်း

ကုင်တအာင်း၊ အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာႈအရေးခံင်ယိူည်ႇ ဖုင်ပလိက်ကုင်တအာင်းဂဲ ဘိူန်းတိုည်း အီမိူဝ်ႈအူန်းခံင်ယိူည်ႇ (1)အီး ကာည်း အီကရိူရ်ႈကယံင်းခံင်ယိူည်ႇ(1)အီး ပလှံင်ရူကော ကာည်း လှံင်အိုမ်ငျံရ်အောႏ။

ဘည်မိုႈဘာည်းဘည် ကျံရ်တီမ်၊ ဆငည်း(24)၊ အခိင်စူန်အံပ်(2:00)နြီ အခိင်ဖုင်ပလိက်လှံင်ဂဲ ကာည်း ပလိက်နဲထီင် ကစုကပိုမ်ရေဲန်ဇီုင်းကာန်စေတ်မေန်း ကဒါႇ လှံင်အိုမ်ငျံရ်၊ ဇံင်‌ရွှေမျင်တာ ဒေင်ဟိုက်ကဒါႇကောင်ဆိုရ် ဘိူန်းတိုည်း တာနေလင်းကျော် ဘိူန်းအဆာက်(44)ဆန်ုမ် ယာမ-WY(274)ကအာင်း၊ ႎှုင်- Oppo(1)ပိုင် ကာည်း ဂြူစာက်ပ်ုန်ဒါခေဲင်ခံင်ယိူည်ႇ။

ဆဲႈဒီန် ကျံရ်အူကိူရ်၊ ဆငည်း(7) အခိင်စူန်အံပ်(5:00)နြီ ပလှံင်ရူကော၊ ဇံင်ဟိုခို ဆိင်ဘိူန်းဆဒါႇ ဒါႈမိူဝ်ႈအီအူန်းခံင်ယိူည်ႇခေဲင်ဂါင်  ဂေါႇဘည်ဒီန် ဖုင်ပလိက်ကုင်တအာင်းဂဲ စိဟာဝ်းစေတ်မေန်း ဘိူန်းတိုည်း ယာအေစိင် ဘိူန်းအဆာက်(49)ဆန်ုမ် ယိူဝ်ႈတောႇ ခံင်ယိူည်ႇ ယာမ-WY(250)ကအာင်း အောႏ။

ဆာ်ႈမိုႈ ကောန်အီမာည်း ကာည်း ကောန်အီပ်ုန်ဒီန် ဖုင်ပလိက်ကုင်တအာင်းဂဲ တိုည်းထီင်ခြဲအူန်း နံင်တိူဝ်ႈဟာတ်းအရေးတောပ်ဘည်ဥပဒေ တီုက်ယာႈအရေးခံင်ယိူည်ႇအောႏ။ ဆဲႈဒီန် ဆာ်ႈမိုႈအီဒါ ခံင်ယိူည်ႇဂဲဒိူန် နံင်ဒဲႈဟာဝ်းလံပ်ပိင်ငျာ တကဲအီဒါခံင်ယိူည်ႇဂဲနီန်အောႏ။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေး‌တောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း