တက္လသိုလ် ကုင်တအာင်း ကာည်း ကော်မတီထုင်မှိူမ်ဘေဲႇဘာန်းဂဲ ကစုကပိုမ်ဒေ ႎိူဝ်ႈဟာဝ်းႎါင်ပနော ကခေ့ကတား “ကာလာည်မိုန်”
29 September 2026
တက္လသိုလ် ကုင်တအာင်း ကာည်း ကော်မတီထုင်မှိူမ်ဘေဲႇဘာန်းဂဲ ကစုကပိုမ်ဒေ ႎိူဝ်ႈဟာဝ်းႎါင်ပနော ကခေ့ကတား “ကာလာည်မိုန်”
အိုမ်ယ်ုရ်၊ ကျံရ်တီမ်၊ ဆငည်း(29)
ဆဒါင်ကုင်တအာင်း
ကုင်တအာင်း၊ လှံင်အိုမ်ယ်ုရ် ပ်ုန်ကယေင် တက္လသိုလ် ကုင်တအာင်း ကာည်း ကော်မတီထုင်မှိူမ်ဘေဲႇဘာန်းဂဲ ကစုကပိုမ်ဒေ ႎိူဝ်ႈဟာဝ်းႎါင်ပနော ကခေ့ကတား “ကာလာည်မိုန်” မောကံပ်ထုင်မှိူမ်အယ် အာဝ်ဟြာည်ကမော်ႈ နှာင်းကံပ်ဇံန်မံန်ဟာဝ်း ဂေါႇဘည်ဒီန် ချဒဲႈဆု ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော “ကာလာည်မိုန် ကျံရ်တီမ်၊ ဆငည်း(27)ဒိူန်အောႏ။
ထုင်မှိူမ်ဘေဲႇဘာန်း ကော်မတီဥက္ကဌ တာဘသောင်း တံမ်းဟာဝ်းကြောႈ ထီင်ခြဲဟာဝ်းထုင်မှိူမ်ခြိူဝ်းတအာင်း၊ နံင်ကတိုရ်ႈတည်းရံပ်လာည်ထီင်ခြဲထုင်မှိူမ် ကာည်း နံင်ကာလာည်မိုန် အာဝ်ဟြာည်ကမော်ႈ လိုပနောနံပ်လာည်အူန်း။ အခိင်ဇူႈရေဲန် ပ္လေါည်ဒီန် အခိင်ခီညှာ (9:00)နြီ ရောတ် စူန်အံပ် (4:00)နြီ ဘယ်ရေဲန်ဟောည်ႇဟာဝ်းအောႏ။
ႎါင်ပနောနီန် ဘံန်ဟောည်ႇဒေဲႈ ကျံရ်တာရ်၊ ဆငည်း(5) ဇူႈႎိူဝ်ႈဟာဝ်း ကောန်ႎါင်ပနော ကောန်အီမာည်း (20)အီး၊ ကောန်ႎါင်ပနော ကောန်အီပ်ုန်(18)အီးဒီန် ပနောဒဲႈဟာဝ်း 8ဆငည်းလလ ပနောဟာဝ်း”ကာလာည်မိုန်” အာဝ်တောႇဂြူ။ အခိင်ႎါင်ပနောဒီန် ကောန်ႎါင်ပနောဂဲ အီလှဲမ်ဘေဲႇဂဲဒိူန် ချဟာဝ်းဆု တဖုင်ဂဲ”လလံမ်း”၊ ချဟာဝ်းဒဲႈဆု တောန်ကဝ်၊ ချဆုအာဝ်ပျဲတ်ႎါင်ပနော ကာည်း ဒဲႈဟာဝ်း(Certificate)တကောန်ဂဲအောႏ။
ပ်ုန်ကယေင်ႎိူဝ်ႈဟာဝ်းႎါင်ပနောနီန် မောကံပ်ထုင်မှိူမ်ခြိူဝ်းတအာင်းအယ် အာဝ်ဟြာည်ကမော်ႈ၊ ကနာည်တိုပိုင်ရီတ်မံင်၊ နောႈဖိူမ်ရီတ်မံင်၊ ဒါႇကနာည်တိုပိုင်အယ် မောကံပ်ဆမားဒံန်ခြဲဘဝ်ဂေါအယ်၊ ခေဲင်ပ္လေါည်ထုင်မှိူမ်တအာင်းမောကံပ်ဘိူန်းလီပ်ကခေ့ကတားကာဟာဝ်း စိပဲန်ႎိူဝ်ႈအောႏ။ ဆဲႈဒီန် ခေဲင်ရဝ်မော နံင်ရီန်းရဲတ်ႎါင်ပနောဒဲႈဟာတ်း ကာလာည်မိုန် တောႇဆနာတ်။
အီဟိုက်ဒေဲႈခေဲင် ပ္လေါည်ပ္လိုတ်”ကာလာည်မိုန်”ဒီန် ထုင်မှိူမ်ဘေဲႇဘာန်းကော်မတီဥက္ကဌ တားဘသောင်း၊ အီရံပ်ဇီုင်းခေဲင် တက္ကသိုလ် ကုင်တအာင်း ဒေါက်တာဟောည်၊ တာဆြာ/ယာဆြာ အီပနောဒဲႈဟာဝ်းကောန်ကျောင်ဂဲ၊ အီရံပ်ဇီုင်းခေဲင်တီုင်ဌာန၊ ကောန်ႎါင်ပနော ကာည်း ကူန်ရဝ်မာဂါင် ကစုကပိုမ်(60)အီး ဟိုက်ရောတ်အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists