တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ တောႇအီရံပ်ဇီုင်းကာန်(10)အီး ခေဲင်ဇီုင်းကပ္လိူင် ပဇာရ်ဘယ်အိုမ်
29 September 2026
တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ တောႇအီရံပ်ဇီုင်းကာန်(10)အီး ခေဲင်ဇီုင်းကပ္လိူင် ပဇာရ်ဘယ်အိုမ်
အိုမ်ယ်ုရ်၊ ကျံရ်တီမ်၊ ဆငည်း(28)
ဆဒါင်ကုင်တအာင်း
တီုင်ကောန်အီပ်ုန်ဟြေဲႈဒါင်းဟိုက်ဇာရ်-WDDဂဲ ရိူရ်ႈလေႈပ္လါႇ တောႇအီရံပ်ဇီုင်းကာန်(10)အီး ဘ္လချံန်-Focal Person ခေဲင်ဇီုင်းကပ္လိူင် ပဇာရ်ဘယ်အိုမ် လောင်ဇီုင်းကာန်ကောန်အီပ်ုန်။
ကဆီုဝ်ဘ္လချံန်ဒီန် ကဲအီဟြာင်းပ္လါႇဘေဲႇ လိုအ်ုန်မိုႈအီဂေါည်ဟာဝ်း ခေဲင်ကုင်တအာင်း၊ လိုအ်ုန်မိုႈအီဘယ်ကောႈဆဲင်ကယ်၊ လိုအ်ုန်အီဆမားကြောႈဘြာန် ကိက်ဘေဲႇဘြာန် ဒီရ်ႈဘေဲႇဘြာန်၊ လိုအ်ုန်မိုႈအီနောႈခေဲင်ဇီုင်းကာန်ကောန်အီပ်ုန်။
ကဆီုဝ်ကဲကတူႈရံရ်ႈဒီန် ကောန်အီပ်ုန် ကာည်း ကူန်ရဝ်မာဂါင် ဂေါည်ခေဲင်ကုင်တအာင်းနီန် လိုနံပ်ဆမားရေဲန် လောင်အခွါင်းအရေးကောန်အီပ်ုန်၊ ဘည်ပဇာရ်ပနိုက်လောင်ဇံက်၊ လောင်ကမိုန်ဒဲႈလံပ်ပိင်ငျာ၊ ရေဲန်ပ္လေါည်ကြောႈက္လာင်း၊ လိုတိူရ်ႈလာည်စြာင်းဟြာင်းဟိုက် ကောန်အီပ်ုန် ဂဲ ကတူႈခံပ်နဘာည်း ကာည်း ကောန်ဒဲႇ၊ လိုဟြာင်းဟိုက်စြာင်းတောန်ကျံရ်၊ လိုရံပ်လာည်ဟာဝ်း ထာန်ပ္လ ဘည်စာမ်းယိူဝ်း နှာင်းမိုႈ(3)ပကျံရ်လလ။
ပ္လါႇဘေဲႇပ်ုန်လိုဟြာင်းအယ် နှာင်းအူန်းအိုန်မိုႈရဘံန်ဆူတ်ဆူတ် ကျံရ်အူကိူရ်၊ ဆငည်း(25) ဘည်လိုဟြာင်းပ္လါႇဘေဲႇအ်ုန် ဘိူန်းဆမွံတ်- Google Form ကာည်း ရောတ်မောဟြာင်းပ္လါႇဘေဲႇ ခေဲင်တီုင်ဌာန။ ကဲအီဟြာင်းပ္လါႇဘေဲႇ အ်ုန်လိုလံပ်ကတ်ုမ်တိုပိုင် CV ၊ မိတ္တူကနံဝ်းတို။
ကဆဲင်လောင်ပ္လါႇဘေဲႇနီန် ဆာ်ႈအယ်ဆိင်နံပ်ဘည်မိုႈဘာည်းဘည်အ်ုန် ဘိူန်းအူန်း ရောတ်ဒေဲႈဆမွံတ် ခေဲင်- [email protected] ကာည်း ကနံဝ်းႎှုင်- 09-679 868 441/ 09-673 506 524 ဘိူန်းအူန်းကဆီုပ်ကဘား ဆမွံတ်ဒေဲႈအောႏ။
Website Official
www.taangland.org
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists