ပရဝ်စူမိူင် ကောန်အီပ်ုန်(2)အီး ကတူႈအံင်ဟူည်ႇ ယံမ်းဟာဝ်း ပလှံင်အိုမ်ယ်ုရ်
29 September 2026
ပရဝ်စူမိူင် ကောန်အီပ်ုန်(2)အီး ကတူႈအံင်ဟူည်ႇ ယံမ်းဟာဝ်း ပလှံင်အိုမ်ယ်ုရ်
အိုမ်ယ်ုရ်၊ ကျံရ်တီမ်၊ ဆငည်း(25)
ဆဒါင်ကုင်တအာင်း
ကုင်တအာင်း၊ လှံင်အိုမ်ယ်ုရ်၊ ခမိုကွံန်ဟည်၊ ရဝ်စူမိူင် အခိင်ပ်ုတ်မျံမ် ကောန်အီပ်ုန်(2)အီး စိကတူႈအံင်ဟူည်ႇ ကျံရ်တီမ်၊ ဆငည်း(19) ကာည်း ဆငည်း(20) ယံမ်းဟာဝ်းအောႏ။
ကျံရ်တီမ်၊ ဆငည်း(19)၊ အခိင်ရဆံန်ထာန်နီန် ယာမိုးထေး ဘိူန်းအဆာက်(47)ဆန်ုမ် ကာည်း ယာလှမျဲင် ဘိူန်းအဆာက်(49)ဆန်ုမ် အခိင်ဂါရ်ပ်ုတ်မျံမ် စိကတူႈအံင်ဟူည်ႇဟာဝ်းအောႏ။
ဂေါႇကတူႈအံင်ဟူည်ႇဘည်ဒီန် ယာမိုးထေးနီန် အခိင်ညှံမ်တိုန်းပယုင်ဆနံမ် ကျံရ်တီမ်, ဆငည်း(19) အခိင်ရမှိူဝ်(6:00)နြီ ယံမ်းဟာဝ်းပွံဝ်ခေဲင်ဂါင်ဘည်ဒီန်အောႏ။
ယာလှမျဲင်ဒီန် တိုန်းဟိုက်ပယုင်ဆနံမ်း လှံင်အိုမ်ယ်ုရ်၊ ကဇေန်းနီးအ်ုန်ဟိုက်ယုင်အောႏ။ ဘည်က္လာင်းဒါႈတာဆြာဝူန်းဒီန် ဘံန်ဟောည်ႇကတူႈအံင်ဟူည်ႇ ငါည် ကာည်း တိုပိုင်ပါ်တိုမော ပဲန်ဖိူမ်ဒည်း၊ ပဲန်နှာမ်းဇာ်ႈ ကာည်း ပဲန်ယံမ်းဘီရ်။
ဂေါႇပဲန်ဖေးအန္တရာယ်ဒါင်းဘည်ဒီန် တာဆြာဝူန် စိဆီတ်ဒဲႈဆနံမ်ဒဲန်ဘြဲတို ဘံန်ဟောည်ႇဒီန် စိတိူဝ်ႈႎီရ်ပဂါင် ရောတ်ကျံရ်တီမ်၊ ဆငည်း(20)၊ အခိင်ခီညှာ (5:00)နြီ ယံမ်းဟာဝ်းအောႏ။
ဆာ်ႈအယ်ကတူႈ ဖျံရ် ကာည်း ႎါႇပ်ုန်ဟံရ်ဟူည်ႇ ဆာ်ႈပဲန်ဖိူမ်ဒည်း၊ ငါည် ကာည်း တိုပိုင်အံတ်၊ ပဲန်ကိင်မာဝ်း၊ ပဲန်ယံမ်းဘီရ်ကဲဂဲဒီန် ပဲန်ဖေးအန္တရာယ်ဒါင်း လိုတိုန်းပယုင်ဆနံမ် ချာ်န်းချာ်န်း ဆနံမ်းဟာဝ်းအောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists