23 September 2026

အီရံပ်ဇီုင်း ခေဲင်တံပ်အွံရ်ပ်ုန်လောတ်ကပီုန်တအာင်း- PSLF/TNLA ဆာ်ႈမိူဝ်ႈအီတောႇနောႈ ကျောင်ဒီပလိုမာ ပိင်ငျာကညာဘေဲႇဆဒါင်နီန် ဘိူန်းရောတ်ဟြာင်းပ္လါႇဘေဲႇ 

 အိုမ်ယ်ုရ်၊ ကျံရ်တီမ်၊ ဆငည်း(23)

ဆဒါင်ကုင်တအာင်း

ပ်ုန်ကယေင်ႎိူဝ်ႈကျောင်နီန် ကနာည်ဘယ်ပြိူဝ်ႈ ပျေဲႈလေႈ ကောန်တဘိုက်ဂဲ ကညာဆဒါင်ချဲမ် ခေဲင်ကုင်တအာင်း ပ်ုန်နံင်ဆာ်ႈအွံရ်ႎိူဝ်ႈဟာဝ်းဖုင်ဆျှိုည်ဖီမျေဆဒါင်အေဂျင်ဆီ-SPMဂဲ ကျောင်ဒီပလိုမာပိင်ငျာကညာဘေဲႇဆဒါင် (Diploma in journalism) လိူဝ်ႈ(1)နီန် အီရံပ်ဇီုင်း ခေဲင်တံပ်အွံရ်ပ်ုန်လောတ်ကပီုန်တအာင်း- PSLF/TNLA ဆာ်ႈမိူဝ်ႈအီတောႇနောႈ ကျောင်ဒီပလိုမာ ပိင်ငျာကညာဘေဲႇဆဒါင်နီန် ဘိူန်းရောတ်ဟြာင်းပ္လါႇဘေဲႇ ‌အောႏ။

ဘည်ကဆီုဝ်အီနံင်ဟြာင်းဟိုက်ႎါင်ပနောကျောင်ဒီန် ပ်ုန်လိုမိူဝ်ႈအိုမ်လှတာန်းဘေဲႇမိုႈ အီဟောည်ႇအံင်တာန်းဘေဲႇဆနီတ်ပြီမ်(10)တာန်းကာည်း ဆနီတ်ကမာည်း(12)တာန်း။ ႎါည်ဒီန်လိုမိုႈ ကောန်တဘိုက် အီအချံင်ချဲမ်(ပေန်) အဆာက်ခနား(18)ဆန်ုမ် ရောတ်(25)ဆန်ုမ်။ ဂဲပ္လိူရ်ႈနှဲလေႈဒါႈ အ်ုန်လိုမိုႈ ကောန်တဘိုက် အီဆမားပါ်တိုပါ်နောႈ ကနာည်အရာပ်အရာအယ်ကာည်း လှေဖာဆာဆဒါင်မီဒီယာနီန်အောႏ။

ဇိုချီုင်ႎါင်ပနောကျောင်ဒီန် နံင်ပနောဒဲႈဟာဝ်း ဖာဆာဘည်ပဇာရ်ဖီုက်လျှံင်လှလံမ်း၊ ဘည်ကိက်ဆဒါင်၊ ဘည်ငါ်ႈအရာင်ဆဒါင်၊ ဘည်ဘ္လံက်ငါ်ႈအရာရည်း၊ ဘည်ကိက်ဘေဲႇကပါဝ်းဒိုင်းကာည်း ဖာဆာပိင်ငျာကညာဘေဲႇဆဒါင်ကဲအီဟံရ်၊ ဇိုချီုင်ႎါင်ပနောနီန် နံင်ပနောဟာဝ်းလှေင်(15)ကျံရ်။ ကဆီုဝ်အီဟြာင်းဟိုက်ႎါင်ပနောနီန် လိုဟြာင်းတိုန်းဟိုက် ကျံရ်တီမ်၊ ဆငည်း(30) ရဘံန်းဆူတ်ဆူတ်၊ ဆာ်ဟိုက်ဟောည်ႇဟာဝ်း ႎါင်ပနောနီန် နံင်အာပ်ဒဲႈဟာဝ်း ဘွည်ႇဒီပလိုမာကညာဘေဲႇဆဒါင် ကဆီုဝ်အီဟောည်ႇဟိုက်ႎါင်ပနောကျောင်နီန် နံင်လိုထာမ်းဟာဝ်းဇီုင်းကပ္လိူင် ခေဲင်တီုင်ဌာန ဒီဘြေ့အ်ုန် (3)ဆန်ုမ်။

ပ်ုန်ကယေင်ႎိူဝ်ႈဟာဝ်း ႎါင်ပနောကျောင်နီန်မိုႈ မောဘယ်ပြိူဝ်ႈပျေဲႈလေႈ ကောန်တဘိုက်ကာည်း အီဆမားနံပ်ကညာဘေဲႇဆဒါင်၊ မောကံပ်ဘယ်ပြိူဝ်ႈလေႈဒေဲႈ ကညာဘေဲႇဆဒါင် ခေဲင်အရာပ်အရာတအာင်း၊ ကနာည်နံင်ဘိူန်းလာည်းအချာက်ဆဒါင် လောင်ဘည်ပ္လေဲဝ်အခွါင်းအရေး ပ်ုန်ကတူႈကငျားအယ် ခေဲင်အရာပ်အရာကဇေန်နီး ကာည်းဒီကတူည်ႇလာည်းဒည်းဆဒါင်ကဲနီန်အောႏ။

ကဆီုဝ်ဂဲ အီဟြာင်းပ္လါႇဘေဲႇဒီန် ဘိူန်းလီပ်ဆမွံတ် ဟြင်းပနိုက်ခေဲင် Google Form (https://docs.google.com/forms/d/e/1FAIpQLSelfcKnAZDyYlYYd0iCVsZ6bz8vjfBIq1CGMEyCUA9syzn6Eg/viewform?usp=header) ကာည်း Facebook Page-https://www.facebook.com/share/p/19tLQJCHQj/ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း