ကော်မတီကနာည်ငိူပ်စေတ်မေန်းဒဲႈ ဆဲင်ပ်ုန်ဟောမ်ပ်ုန်ဒါ ကာည်း ဆဲင်ဆနံမ် ခေဲင်လှံင်အေဲမ်ခြီရ်
17 September 2026
ကော်မတီကနာည်ငိူပ်စေတ်မေန်းဒဲႈ ဆဲင်ပ်ုန်ဟောမ်ပ်ုန်ဒါ ကာည်း ဆဲင်ဆနံမ် ခေဲင်လှံင်အေဲမ်ခြီရ်
အေဲမ်ခြီရ်၊ ကျံရ်တီမ်၊ ဆငည်း(17)
ဆဒါင်ကုင်တအာင်း
ကုင်တအာင်း၊ လှံင်အေဲမ်ခြီရ် ကျံရ်တီမ်၊ ဆငည်း(15)ဒိူန် ကော်မတီကနာည်ငိူပ်စေတ်မေန်းဒဲႈဂဲ ကယေင် ကနာည်ကူန်ရဝ်မာဂါင်ဂဲ လောတ်ဖေး တေဲင်ရိူရ်ႈကူမ်တောန်နဲ ကာည်း ဆနံမ်တောန်နဲ။ ကဆီုဝ် ကညားဆဲင်ဂဲမာ် မိူဝ်ႈလာ့် ယံင်းဆဲင်ဇာ်ႈလ ဂေါႇဘည်ဒီန် တောႇစေတ်မေန်းဟာဝ်း ခေဲင်လှံင်။
ခေဲင်စေတ်မေန်းဒီန် ဆဲင်ဆနံမ်ဂဲ မိူဝ်ႈလေႈကနံဝ်ဘိူန်းယံင်းယောည် / ယံင်းတရူမ်တဇူပ်၊ မိူဝ်ႈလာ့်တောပ်ခေါပ်ပြာႇထာန်ပ္လချူအူန်း၊ မိူဝ်ႈလာ့်ခေါပ်ပြာႇအူန်းဆနံမ်ကတီးကရီး၊ မိူဝ်ႈလာ့်အီယံင်း ဆနံမ်ကယော ကာည်း ဆနံမ်ဒီတ်ဒိုႇ။
ဆဲႈဒီန် ကဆီုဝ်ဂဲအီယံင်းဆနံမ်ဒီန် လိုဟြာင်းကနံဝ်းဆဲင်၊ လိုတောႇခေါပ်ပြာႇပ္လချူ ဘည်လိုအူန်းဆနံမ်ထီင်ခြဲ ကာည်း လိုယံင်းဆနံမ်အီကျအီပဲန် ၊ ခေါပ်ပြာႇပ်ုန်လိုတောႇမာ် ကဘ္လာင်းဆာင်ဟာဝ်းအူန်းအောႏ။
ဆဲႈဒီန် ဆဲင်ယံင်းဆနံမ်မံန်ဒီဒိူန် ယိူဝ်ႈ ဆနံမ်ကယော ကာည်း ဆနံမ်ဒီတ်ဒိုႇမာ် ကဲဆီုပ်ယံင်းဟာဝ်း ဂေါႇဘည်ဒီန် ပ္လူဆဒီအာဝ်ဘိူန်းဆီုပ်ယံင်းဟာဝ်း။ လိုတောႇခေါပ်ပြာႇ ပ်ုန်ပ္လချအူန်း ကာည်း အာဝ်ဘိူန်းယာ့်ဆီုပ်ယံင်းဟာဝ်း ဆနံမ်ဒီတ်ဒိုႇ ကာည်း ဆနံမ်ကယောဒီန် ဆာ်ယိူဝ်းဘည်ဆီုပ်ယံင်းဟာဝ်းဒီန် နှာင်းလာည်ဟာဝ်းအရေးတောပ်ဘည် ပ်ုန်ပ္လချုအူန်းအောႏ။
အီနှာင်းပဲန်ဖေးတကူန်ရဝ်မာဂါင်ဂဲ ဆနံမ်ဒီတ်ဒိုႇ ကာည်း ပ်ုန်ဟောမ်ပ်ုန်ဒါတောန်နဲ အာဝ်ဘိူန်းယံင်း ကာည်း ပ်ုန်ဟောမ်ပ်ုန်ဒါ အီကျအီဇာ်ႈလလိူည် ဘိူန်းယံင်းဟာဝ်း မာ်ကူန်ရဝ်မာဂါင်ဂဲ ဘိူန်းရိူရ်ႈကတီးကရီး ဂေါႇဘည်ဒီန် ကော်မတီကနာည်ငိူပ်စေတ်မေန်းဒဲႈဂဲ ဆီုပ်စေတ်မေန်းဟာဝ်း ဆဲင်ဂေါည်ခေဲင်အေဲမ်ခြီရ်တောန်ဒီ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists