17 September 2026

ကော်ဆံရ်ဇီုင်းပိင်ငျာတအာင်း- TLECဂဲ ဘယ်ရေဲန်ဟောည်ႇပါင်ကမိုန်လောင်ဇီုင်းကာန် Teacher Manual ကာည်း Education Policy

အိုမ်ယ်ုရ်၊ ကျံရ်တီမ်၊ ဆငည်း(16)

ဆဒါင်ကုင်တအာင်း

ကုင်တအာင်း၊ ကော်ဆံရ်ဇီုင်းပိင်ငျာတအာင်း- TLECဂဲ ဘယ်ရေဲန်ဟောည်ႇပါင်ကမိုန်လောင်ဇီုင်းကာန် Teacher Manual ကာည်း Education Policy(ကဆီုဝ်မူဝါဒလောင်ပိင်ငျာ) နီန် ကနာည်ဘည်ပနောဘေဲႇဒါင်းဇာရ်၊ ပ်ုန်လိုဒီဘ္လောမ်ဒါင်း ကာည်း ပ်ုန်ဇာ်ႈလအ်ုန် ကယေင်‌ရေဲန်ဟာဝ်း ပါင်ကမိုန်လောင်ဇီုင်းကာန် ကျံရ်တီမ်၊ ဆငည်း(10) ကာည်း ဆငည်း(11)အောႏ။

‌ခေဲင်ပါင်ကတူႈကငျားဒီန် ကမိုန်ဟာဝ်းလောင် ဘည်ပနောဘေဲႇ၊ ဘည်နှဲရဒေင်ပနောဘေဲႇ ကာည်း ဘည်ပ်ုန်‌ရေဲန်အလှီးအခ်ုပနောဘေဲႇ တာဆြာ/ယာဆြာဂဲ အူန်းအ်ုန်ပဲန်အမဒါင်းကမိုန်ဟာဝ်း။ ကျောင်ဂေါည်ခေဲင်အရာပ်အရာမာ် ဘည်ကတူႈ တိူရ်ႈလိူဝ်ႈယိူဝ်းကီန်းဒည်း တာဆြာ/ယာဆြာဂဲ  ကာည်း ပ်ုန်လိုအမဒါင်းအ်ုန် ကနာည်ဘယ်ပဘိုပနိုက်ဒဲႈ ပံပ်နှဲရဒေင်ဒီန် ကမိုန်ဘြဲဆာဟာဝ်းအောႏ။

ဆဲႈဒီန် ခေဲင်အရာပ်အရာတအာင်းအယ် ကနာည်ပဇာရ်ဘည်ပနောဘေဲႇ၊ နှာင်းကောန်ကျောင်ဂဲ လှဲမ်ဘေဲႇတောန်ကဒါႇ မာ်ကံပ်ဘယ်ရေဲန်လေႈ ကဆီုဝ်အွံရ်ဇီုင်းပိင်ငျာဂဲ ဘည်ဒါဟာဝ်းအယ် မူဝါဒ (Education Policy) ကဇန်းနီန် မာ်ကာပ်ခါမ်ဒါင်းကကျိူည်ငိူပ်မေန်း ကမိုန်ဟာဝ်းအောႏ။

ခေဲင်ပါင်ကမိုန်ဒီန် လူမ်လှံင်ဇီုင်းပိင်ငျာ၊ အွံရ်ဇီုင်းပိင်ငျာ ကာည်း တာမ်အီအွံရ်ဇီုင်းပိင်ငျာ၊ ဆြာနှဲချှံန်ဇာရ်၊ အီဖ္လူမ်ကျောင်ချှံန်ဇာရ်၊ အီဖ္လူမ်ကျောင်ချှံန်ကဒည်း ကာည်း အီဖ္လူမ်ကျောင်ချှံန်တံင်ဇူႈ၊ တာဆြာ/ယာဆြာ ဖုင်တိုအီလူမ်-TLEC၊ ဖုင်အီရံပ်ဇီုင်းကပ္လိူင်ဇီုင်းပိင်ငျာ ကဏ္ဍပိင်ငျာတောန်နဲ၊ အီရံပ်ဇီုင်းပိင်ငျာဂဲ ဟိုက်ရောတ် ဘည်ကတူႈတိူရ်ႈလိူဝ်ႈယိူဝ်းဂဲ ဒဲႈဟာဝ်းခံင်ကျခံင်လ လီပ်တောႇကမိုန်ဟာဝ်းအောႏ။

ကဆီုဝ် ကော်ဆံရ်ဇီုင်းပိင်ငျာတအာင်း- TLECဂဲ ကဇေန်းနီး မူဝါဒ ကာည်း ပံပ်နှဲရဒေင်ဘည်ပနောဘေဲႇဒီန် ႎီရ်ဘြဲဆာဟာဝ်း နှာင်းကာပ်ဇာ်ႈလ ဘည်ပနောဘေဲႇကာပ်‌ရောတ် အီနံင်ဒေဲႈနီန် နှဲဒဲႈဘည်ပနောဆနီတ်တမာည်းအောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း