07 September 2026

ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ (4)အီး၊ အီဒါခံင်ယိူည်ႇ(4)အီး ကာည်း အီမိူဝ်ႈအူန်းခံင်ယိူည်ႇ(3)အီး ကုင်တအာင်း၊ ခေဲင်ကျံရ်တာရ်

အိုမ်ယ်ုရ်၊ ကျံရ်တီမ်၊ ဆငည်း(7)

ဆဒါင်ကုင်တအာင်း

ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ (4)အီး၊ အီဒါခံင်ယိူည်ႇ(4)အီး ကာည်း အီမိူဝ်ႈအူန်းခံင်ယိူည်ႇ(3)အီး ကုင်တအာင်း၊ ခေဲင်ကျံရ်တာရ်နီန် လှံင်အေဲမ်ငူည်၊ လှံင်အိုမ်ငျံရ်၊ လှံင်အေဲမ်ခြီရ်၊ လှံင်မိူင်းလိုင်။

ဖုင်ပလိက်ကုင်တအာင်းဂဲ ဘိူန်းဆဒါင် ပလှံင်အေဲမ်ငူည်၊ ကျံရ်တာရ်၊ ဆငည်း(2) မိူဝ်ႈ ကောန်အီမည်း(1)အီး ဒါခံင်ယိူည်ႇ ဂေါႇဘည်ဒီန် ဖုင်ပလိက်ကုင်တအာင်းဂဲ စိဟာဝ်းစေတ်မေန်း ပဂါင်ဂေါည်အ်ုန် ယိူဝ်း ကအာင်းခံင်ယိူည်ႇ ပဲန်နောႈမှာည်(20)ကအာင်း တိုည်းဆီမ်းဟာဝ်းအောႏ။

ဆဲႈဒီန် ကျံရ်တာရ်၊ ဆငည်း(17) အခိင်ရဆံန်ထာန်နီန်း ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ အပရဝ်ဟင်ဟောင်း ဒီန် ဘိူန်းတိုည်း ခံင်ယိူည်ႇ ကအာင်းယာမ(3.7)ဂရမ် ပ်ုန်ရိူရ်ႈအူန်း ယာအီဒဲႇ ဘိူန်းအဆာက်(60)ဆန်ုမ်၊ မိုႈဘို ပရဝ်နံမ်စန်း ဖုင်ပလိက်ကုင်တအာင်းဂဲ ဘိူန်းတိုည်း တာနာည်အာန် ဒါခံင်ယိူည်ႇ ကာည်း မိူဝ်ႈအူန်းခံင်ယိူည်ႇ ဘိူန်းအဆာက်(30)ဆန်ုမ်  ကာည်း တာအိုက်ညော် ဘိူန်းအဆာက်(33)ဆန်ုမ် ဘိူန်းတိုည်းကဂေါပ်တောႇ ခံင်ယိူည်ႇလူည်(0.5)ဂရမ်၊ ကအာင်းယာမ(2.0)ဂရမ်၊  ဘိူန်းတိုည်းဘို အီဒါခံင်ယိူည်ႇ တာညီအေး ဘိူန်းအဆာက်(55)ဆန်ုမ် ကာည်း တာအိုက်ဝူန်း ဘိူန်းအဆာက်(45)ဆန်ုမ် အောႏ။

ပလှံင်အိုမ်ငျံရ်၊ ရဝ်မိူင်းယေင်၊ ကျံရ်တာရ်၊ ဆငည်း(7) ခေဲင်ဇံင်(3) ဖုင်ပလိက်ကုင်တအာင်း ကာည်း ဖုင်တီုက်ယာ်ႈအရေးခံင်ယိူည်ႇဂဲ ကစုကပိုမ်ဒေ ရေဲန်ဇီုင်းကာန်စေတ်မေန်း ဘိူန်းတိုည်း တမာည်းကျော်ခဲင်(ဒါႈ)အားတီ ဘိူန်းအဆာက်(37)ဆန်ုမ် ကရိူရ်ႈကယံင်းခံင်ယိူည်ႇ၊ ကအာင်းယာမ(370)ကအာင်း၊ ခံင်ယိူည်ႇႎံင်း ကဘဲဝ်လူည်(1)ကဘဲဝ်၊ ခံင်ယိူည်ႇကဲန်ဟံပ်ခေဲင်ကဘဲဝ်လူည်(1)ကဘဲဝ်၊ ခံင်ယိူည်ႇအိုမ် ကဘဲဝ်လူည်(2)ကဘဲဝ်၊ ဂြူစာက်ဆမားပဒူႈ ကာည်း ဆနာတ်အာဝ်လီပ်တြားအောႏ။

ကျံရ်တာရ်၊ ဆငည်း(10)မာ် ခေဲင်ဇံင်(3)ဒီန် ဘိူန်းဆဒါင်မိူဝ်ႈအီကရိူရ်ႈကယံင်းခံင်ယိူည်ႇ ဂေါႇဘည်ဒီန် စိဟာဝ်းစေတ်မေန်း ဘိူန်းတိုည်း တာမံင်မံင်လူန် ဘိူန်းအဆာက်(57)ဆန်ုမ်၊ ကဂေါက်တောႇ ယာမထုတ်ဒဲႇ(30) ကာည်း ခံင်ယိူည်ႇလူည် ဟံပ်ခေဲင်ကဘဲဝ်ဆပ်ပျာ(31)ကဘဲဝ် ဆီမ်းဟာဝ်းအောႏ။

ပလှံင်အေဲမ်ခြီရ်၊ ရဝ်ကုန်ဆာ ဘံန်ဟောည်ႇဒေဲႈ ကျံရ်တာရ်၊ ဆငည်း(23) ဘိူန်းဆဒါင် ဒါႈ ယိူဝ်းအီကရိူရ်ႈကယံင်း ခံင်ယိူည်ႇ  ဖုင်ပလိက်ကုင်တအာင်ဂဲ စိဟာဝ်းစေတ်မေန်း ဘိူန်းတိုည်း ယာမော်ခီန် ဘိူန်းအဆာက်(59)ဆန်ုမ်၊ ကအာင်းယာမ (1247)ကအာင်း၊ ခံင်ယိူည်ႇႎံင်း(316.1)ဂရမ်၊ လှာခါခူး(5)ကပျာဝ်၊ ႎှုင်(2)ပိုင် ကာည်း ဂြိုစာက်ပ်ုန်ဒါတောႇခံင်ယိူည်ႇ ဘိူန်းတိုည်းဒိုႇအောႏ။

ဆဲႈဒီန် ကျံရ်တာရ်၊ ဆငည်း(29) အခိင်ရဆံန်၊ ပလှံင်ကုင်ငေါှ၊ ရဝ်ကွန်ကောက် ဖုင်ပလိက်ကုင်တအာင်း ကာည်း ဖုင်တီုက်ယာ်ႈအရေးခံင်ယိူည်ႇ ကပိုမ်‌‌ဒေ‌ရေဲန်ဇီုင်းကာန်စေတ်‌မေန်း ဘိူန်းဒေတိုည်း အီကရိူရ်ႈကယံင်းခံင်ယိူည်ႇ တာအံင်မိုး ဘိူန်းအဆာက်(31)ဆန်ုမ်၊ ကအာင်းယာမ(193)ကအာင်း၊ ခံင်ယိူည်ႇလူည်ႇ ဟံပ်ခေဲင်ပိုက်(1)ကဒည်းလေႈ၊ ခံင်ယိူည်ႇႎံင်း(10)ဂရမ်၊ ႎှုင်(2)ပိုင် ကာည်း ရိူန်း(16)ဆဲန်လေႈ ဘိူန်းတိုည်းဟာဝ်းအောႏ။

ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း