ဖုင်တီုင်ဘြောင်ချှာင်ဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ဘြဲဆာဒေင်အ်ုန်အီလူလှဲဝ်ႏ ရေဲန်ဟာဝ်း ဆပဲဆငါး တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း လှံင်ရူကော
29 August 2026
ဖုင်တီုင်ဘြောင်ချှာင်ဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ဘြဲဆာဒေင်အ်ုန်အီလူလှဲဝ်ႏ ရေဲန်ဟာဝ်း ဆပဲဆငါး တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း လှံင်ရူကော
အိုမ်ယ်ုရ်၊ ကျံရ်တာရ်၊ ဆငည်း(29)
ဆဒါင်ကုင်တအာင်း
ကုင်တအာင်း၊ လှံင်ရူကော၊ ဖုင်တီုင်ဘြောင်ချှာင်ဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ဘြဲဆာဒေင်အ်ုန်အီလူလှဲဝ်ႏ ရေဲန်ဟာဝ်း ဆပဲဆငါး တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း လှံင်ရူကော၊ ရဝ်ထဲက်ချဲတ်၊ ရဝ်ပါင်ဆွေ ကာည်း ရဝ်စေကော်။
ရဝ်ထဲက်ချဲတ် ကာည်း ခနားရဝ်ပါင်ဆွေဒီန် ဆာ်ရောတ်အခိင်က္လာည်း ကပုမာ်လူလှဲဝ်ႏ၊ တံင်ဟေဘ်ုပ်ဘ္ဘီုတ်ဟာဝ်းဒိုႇဒေင် ဆာ်ကူန်ရဝ်မာဂါင်ဂဲဟာဝ်းႎီရ်မာ် မိူဝ်ႈကီလန်းဒည် ဂေါပ်ဘည်ဒီန် ဘံန်ဟောည်ႇဒေဲႈ ကျံရ်တာရ်၊ ဆငည်း(21)ဒိူန် ဖုင်တီုင်ဘြောင်ချှာင် ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး။
ဘံန်ဟောည်ႇဒေဲႈ ကျံရ်တာရ်၊ ဆငည်း(19) ကစုကပိုမ် ဒါရဲင်ဘ္လောမ်(200)အီးလေႈ ရေဲန်ဟာဝ်းဆပဲဆငါး ကာည်း တောႈတံင်ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း ၊ နှာင်းအိုမ်အာဝ်ဘိူန်းဒေ ရောတ်ပဒေင်ဒါင်း ရေဲန်ဟာဝ်းအိုမ်ရာင် ပလှံင်ရူကော၊ ခနားရဝ်စေကော် အောႏ။
မိုႈဘို ဘံန်ဟောည်ႇဒေဲႈ ကျံရ်တာရ်၊ ဆငည်း(14) အခိင်ရဆံန်ထာန်နီန် ပရဝ်မာ်လိုင်၊ ရဝ်မာန်းပွန်းထဲက်ချဲတ် ကာည်း ရဝ်ရေပိုင် ဒေင်ဒါင်းတောန်ဒီ ကနာည် ကူန်ရဝ်မာဂါင်ဂဲ ဘိူန်းဟာဝ်းကတီးကရီး ဆဲႈဒီန် နှာင်းဘိူန်ဒါႇ ဖေးအန္တရာယ်တောန်နဲ ဖုင်တီုင်ဘြောင်ချှာင် ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး။
Website Official
Telegram Official Channel
Telegram Link – Ta’ang TV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists