ပလှံင်အေဲမ်ခြီရ် ကာည်း လှံင်ကုင်ငေါှ ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ(2)အီး ကာည်း တိုအီဒါခံင်ယိူည်ႇ(1)အီး
27 August 2026
ပလှံင်အေဲမ်ခြီရ် ကာည်း လှံင်ကုင်ငေါှ ဖုင်ပလိက်ကုင်တအာင်းဂဲ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ(2)အီး ကာည်း တိုအီဒါခံင်ယိူည်ႇ(1)အီး
အိုမ်ယ်ုရ်၊ ကျံရ်တာရ်၊ ဆငည်း(27)
ဆဒါင်ကုင်တအာင်း
ကုင်တအာင်း၊ ပလှံင်အေဲမ်ခြီရ် ကာည်း လှံင်ကုင်ငေါှ အခိင် ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ(2)အီး ကာည်း တိုအီဒါခံင်ယိူည်ႇ(၁)အီး။
ပလှံင်အေဲမ်ခြီရ်၊ ရဝ်ကုန်ဆာ ဘံန်ဟောည်ႇဒေဲႈ ကျံရ်တာရ်၊ ဆငည်း(23) ဘိူန်းဆဒါင် ဒါႈ ယိူဝ်းအီကရိူရ်ႈကယံင်း ခံင်ယိူည်ႇ ဖုင်ပလိက်ကုင်တအာင်ဂဲ စိဟာဝ်းစေတ်မေန်း ဘိူန်းတိုည်း ယာမော်ခီန် ဘိူန်းအဆာက်(59)ဆန်ုမ်၊ ကအာင်းယာမ (1247)ကအာင်း၊ ခံင်ယိူည်ႇႎံင်း(316.1)ဂရမ်၊ လှာခါခူး(5)ကပျာဝ်၊ ႎှုင်(2)ပိုင် ကာည်း ဂြိုစာက်ပ်ုန်ဒါတောႇခံင်ယိူည်ႇ ဘိူန်းတိုည်းဒိုႇအောႏ။
ဆဲႈဒီန် ကျံရ်တာရ်၊ ဆငည်း(29) အခိင်ရဆံန်၊ ပလှံင်ကုင်ငေါှ၊ ရဝ်ကွန်ကောက် ဖုင်ပလိက်ကုင်တအာင်း ကာည်း ဖုင်တီုက်ယာ်ႈအရေးခံင်ယိူည်ႇ ကပိုမ်ဒေရေဲန်ဇီုင်းကာန်စေတ်မေန်း ဘိူန်းဒေတိုည်း အီကရိူရ်ႈကယံင်းခံင်ယိူည်ႇ တာအံင်မိုး ဘိူန်းအဆာက်(31)ဆန်ုမ်၊ ကအာင်းယာမ(193)ကအာင်း၊ ခံင်ယိူည်ႇလူည်ႇ ဟံပ်ခေဲင်ပိုက်(1)ကဒည်းလေႈ၊ ခံင်ယိူည်ႇႎံင်း(10)ဂရမ်၊ ႎှုင်(2)ပိုင် ကာည်း ရိူန်း(16)ဆဲန်လေႈ ဘိူန်းတိုည်းဟာဝ်းအောႏ။
မိုႈဘို ဖုင်ပလိက်ကုင်တအာင်းဂဲ ရေဲန်ဇီုင်းဒါင်း တီုက်ယာ်ႈအရေးခံင်ယိူည်ႇ စေတ်မေန်းဟာဝ်းခေဲင်အရာပ်အရ, ဘိူန်းတိုည်းဘို တာအိုက်အေး ဘိူန်းအဆာက်(29)ဆန်ုမ် ဒါခံင်ယိူည်ႇ ကာည်း တောႇခါခူး ဂြိုစာက်ကဆီုဝ်ကဆဲင် တောပ်ခံင်ယိူည်ႇတောန်နဲ။
ဘံန်ဟောည်ႇဒေဲႈ ကျံရ်တာရ်၊ ဆငည်း(10)၊ ပလှံင်အိုမ်ငျံရ်၊ ဇံင်(3) တံပ်နာန်းတအာင်း TNLA တီုင်တံပ်ဒါင်းဂဲ ဘိူန်းတိုည်း ကောန်အီမာည်း(2)အီး ကရိူရ်ႈကယံင်းခံင်ယိူည်ႇ ဘိုန်ဘိူန်းတိုည်းဂဲ ႎီရ်အာပ်ဒဲႈဟာဝ်း တဖုင်ပလိက်ကုင်တအာင်းဂဲ အောႏ။
ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ။
Website Official
Telegram Official Channel
Telegram Link – Ta’ang TV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists