ဖုင်ကကာႈအီကဇောည်ငိူပ်မေန်း ဆော်အွံရ်ရေဲန်ပ္လေါည်ပ္လိုတ်ႎါင်ပနော ငိူပ်မေန်းဆူနာ လိူဝ်ႈ(4)ကာည်း လိူဝ်ႈ(5)
07 August 2026
ဖုင်ကကာႈအီကဇောည်ငိူပ်မေန်း ဆော်အွံရ်ရေဲန်ပ္လေါည်ပ္လိုတ်ႎါင်ပနော ငိူပ်မေန်းဆူနာ လိူဝ်ႈ(4)ကာည်း လိူဝ်ႈ(5)
အိုမ်ယ်ုရ်၊ ကျံရ်တာရ်၊ ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ပ်ုန်ကယေင်ဖုင်ကကာႈအီကဇောည်ငိူပ်မေန်းဂဲ ႎိူဝ်ႈဟာဝ်းႎါင်ပနောနီန်း ကနာည်ပဇာရ်ဘည်လိုဒံန်ခြဲ ငိူပ်မေန်းဆူနာ ကူန်ရဝ်မာဂါင်ဂဲ။ ဘံန်ဟောည်ႇဒေဲႈ ကျံရ်ပူရ်၊ ဆငည်း(28) ရေဲန်ဟောည်ႇပ္လေါည်ပ္လိုတ်ႎါင်ပနော ဘည်ကစု အီငိူပ်မေန်းဆူနာ လိူဝ်ႈ(4) ကာည်း လိူဝ်ႈ(5)။
ဆာ်မိုႈႎါင်ပနောလိူဝ်ႈ(4) ဇူႈကျံရ်ပူရ်၊ ဆငည်း(15) ရောတ် ဆငည်း(20) လှေင်(5)ဆငည်း၊ အီဒဲႈဟာဝ်းႎါင်ပနောဒီန် အီရံပ်ဇီုင်းကာန်လူမ် တာသိန်းကျော် ဆော်အွံရ်ဒဲႈဟာဝ်း ကောန်ႎါင်ပနောအီဟိုက်ရောတ်ဒေဲႈဒီန် ကောန်အီမာည်း(35)အီး ကာည်း ကောန်အီပ်ုန်(53)အီး ကစုကပိုမ်ဂေါည်(88)အီးအောႏ။
မိုႈဘို လိူဝ်ႈ(5)ဒိူန် ဘံန်ဟောည်ႇဒေဲႈ ကျံရ်ပူရ်၊ ဆငည်း(22) ရောတ် ဆငည်း(26)ႎိူဝ်ႈဟာဝ်း ပလှံင်အိုမ်ယ်ုရ်၊ ပကျောင် အ.ထ.က(1) ကောန်ႎါင်ပနောအီမာည်း(33)အီး ကောန်ႎါင်ပနောအီပ်ုန်(45)အီး ကစုကပိုမ်ဂေါည်(78)အီး ဟိုက်ရောတ်ဒေဲႈ။
ခေဲင်ႎါင်ပနောဒီန် ကစုအီငိူပ်မေန်းဆူနာ ဆဲႈဒါႇ ပိင်ငျာဒီန် ပနောဒဲႈဟာဝ်းဘို လောင်ခေါခါႇ အီမိုႈ ရောဂါအိုမ်ချှီငါမ်း၊ ရောဂါနှာမ်းဟိုက်၊ ဘည်လိုဒံန်ခြဲရောဂါတီဘီ၊ HIV/AIDS ကာည်း ခေါခါႇအီကဆီုဝ်ကဆဲင်လောင်ဟြာင် ကာည်း ခေါခါႇတောန်နဲ။
ဘ်ုန်ဟောည်ႇႎါင်ပနောဒီန် စေတ်မေန်း ရေဲန်အခ်ုရ် ကာည်း ရေဲန်တောပ်ဘေဲႇ ထာန်ဘ္လချအူန်း(50)စနဲဒီန် ဆေဘိူန်းတိူဝ်ႈကနှဲႈအံပ်ဒဲႈဟာဝ်းပ္လါႇဘေဲႇ။ ဆဲႈဒီန် ဘည်ဘာတ်ပတ္တီး ကာည်း ဘည်ဒဲႈတCPR အီလှဲမ်ဂဲဒိူန် ဒဲႈအာဝ်ဆုတဂဲအောႏ။
ႎါင်ပနောပ်ုန်ႎိူဝ်ႈ ဖုင်ကကာႈအီကဇောည်ငိူပ်မေန်းဒီန် ကဲတောပ်လိူည်မူဝါဒ ကာည်း ဆဖာဝဖေးအန္တရာယ်၊ ဖေးအန္တရာယ်ပ်ုန်ရေဲန်တိုအီး ကာည်း တောပ်ဘည်ခူရ်က္လာည်းပဋိပက္ခ၊ ကနာည်နှာင်းဘိူန်းဒံန်ခြဲ တိုပိုင်ရာင်အယ်၊ ရဟောမ်ရမာ ကာည်း ကူန်ရဝ်မာဂါင်ဂဲ။ ဆဲႈဒီန် ႎါင်ပနောအီငိူပ်မေန်းဆူနာဒီန် လှံင် ကာည်း တောန်ရဝ် နှာင်းဂဲဘိူန်းယိူဝ်းနံပ် ကယေင်ႎိူဝ်ႈဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists