ဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲ ဆာ်အွံရ် တာဘြောင်ဇံင် ကာည်း တာဘြောင်ရဝ် ရေဲန်ပါင်ကတူႈကငျား ခေဲင်လှံင်အိုမ်ယ်ုရ်
07 August 2026
ဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲ ဆာ်အွံရ် တာဘြောင်ဇံင် ကာည်း တာဘြောင်ရဝ် ရေဲန်ပါင်ကတူႈကငျား ခေဲင်လှံင်အိုမ်ယ်ုရ်
အိုမ်ယ်ုရ်၊ ကျံရ်တာရ်၊ ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ခေဲင်လှံင်အိုမ်ယ်ုရ် ဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲ ဆာ်အွံရ် တာဘြောင်ဇံင် ကာည်း တာဘြောင်ရဝ် ရေဲန်ပါင်ကတူႈကငျား ဆငည်း(3)၊ ကျံရ်တာရ်၊ ကမိုန်ဟာဝ်း လောင်ဇီုင်းကာန်အရာပ်အရာကတာႈဒါင်းဇာရ် ကာည်း ဇီုင်းကာန်ဘြောင်ချှာင်။
ခေဲင်ပါင်ကတူႈကငျားဒီန် ကမိုန်ဟာဝ်း ကနာည်နှာင်းႎီရ်ဘြဲဆာဒေင်အ်ုန်လူလှဲဝ်ႏ၊ ခေါပ်ပြာႇဘည်လိုတောပ်ဆဲင်/ကား၊ ခေါပ်ပြာႇဘည်လိုတောပ်ဒေင်၊ လောင်ပိင်ငျာ ကာည်း ဘည်ကတာႈဒါင်းဇာရ်ကဏ္ဍလံပ်ခေါခါႇ၊ ဘည်လိုဒံန်ခြဲဆဖာဝဖေးအန္တရာယ်၊ ဘည်လိုမိူဝ်ႈလံပ်ကတ်ုမ်အရာပ်ရာ ကာည်း ဇီုင်းကာန်တီုက်ယာ်ႈအရေးခံင်ယိူည်ႇ။ ဆဲႈဒီန် ကမိုန်ဟာဝ်းဘို ဘည်မိုႈကနှဲတ်ကမည်းကဏ္ဍလောင်ဒေင် အီကဆီုဝ်ကဆဲင်တောပ် တာဘြောင်ချှာင်ဇံင် ကာည်း တာဘြောင်ချှာင်ရဝ်ဂဲ ကမိုန်ဟြာင်းဟိုက် ခေဲင်ရဝ်ဂါင် ကတူႈဒေင်လူလှဲဝ်ႏကဏ္ဍတောန်နဲဒီန် ကဒါႇ ဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲ နှာင်းဆီုပ်ရေဲန်ဟာဝ်းဇီုင်းကာန် ပ်ုန်ဟြာင်းဟိုက်ခေဲင်ပါင်ကမိုန်။
အီဟိုက်ရောတ်ဒေဲႈခေဲင်ပါင်ကတူႈကငျားဒီန် တာဘြောင်ချှာင်ဇံင် ကာည်း တာဘြောင်ချှာင်ရဝ်ဂဲ ကမိုန်ဟြာင်းဟိုက် ဘည်ကတူႈကီန်းဒည် ခေဲင်ရဝ်ဂါင် ကာည်း ဒဲႈဟာဝ်းခံင်ကျခံင်လ တဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲ ကဆီုဝ်ဖုင်ကာ်မ်မတီဇီုင်းကာန်ဘြောင်ချှာင်လှံင်ဂဲမာ် ဆီုပ်ရေဲန်ဟာဝ်းဇီုင်းကာန် ပ်ုန်ဟြာင်းဟိုက်ခေဲင်ပါင်ကမိုန်။
ဆဲႈဒီန် ခေဲင်ဆန်ုမ်2026နီန် နှာင်းဆီုပ်ရေဲန်ဟာဝ်းဇီုင်းကာန်ကတာႈဒါင်းဇာရ် ခေဲင်ဇံင်လှံင် ကာည်း ရဝ်ဂါင်၊ ဘည်ရောတ်ဒေဲႈအခိင်က္လာည်း ကနာည်ကူန်ရဝ်မာဂါင်ဂဲ ဘိူန်းဒေဟာဝ်းႎီရ်ကတီးကရီး ကမိုန်ကနာည်နှာင်းႎီရ်ဘြဲဆာဒေင် အ်ုန်အီလူလှဲဝ်ႏဒိူဝ်။
အီဟိုက်ရောတ်ဒဲႈခေဲင်ပါင်ကတူႈကငျားဒီန် တားဘာအိူင် ခူန်အွံရ် တားဆမဲင်ကုင်၊ ဒေါက်တာဟောည်၊ ဖုင်ဆပဲဆငါး ခူန်နာန်း ဆမဲင်ရံက်၊ တာပလိက်လှံင် ခူန်နာန်းနောမျံမ်၊ အီရံပ်ဇီုင်းခေဲင်တီုင်ဌာန၊ တာဘြောင်ဇံင် ကာည်း တာဘြောင်ရဝ် ကစုကပိုမ်ဂေါည် (50)အီးလေႈထာန်နီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists