ခေဲင်ကျံရ်ပူရ်နီန်၊ ကော်ဆံရ်တီုင်ခေါခါႇကုင်တအာင်းဂဲ လေႈဒေင် တိူဝ်ႈမေန်းခေါခါႇ ကာည်း ရေဲန်ဇီုင်းကာန်ဒံန်ခြဲခေါခါႇ မာကောန်ဒဲႇ ကာည်း ကောန်ဒဲႇ ပရဝ်(9)ရဝ်
04 August 2026
ခေဲင်ကျံရ်ပူရ်နီန်၊ ကော်ဆံရ်တီုင်ခေါခါႇကုင်တအာင်းဂဲ လေႈဒေင် တိူဝ်ႈမေန်းခေါခါႇ ကာည်း ရေဲန်ဇီုင်းကာန်ဒံန်ခြဲခေါခါႇ မာကောန်ဒဲႇ ကာည်း ကောန်ဒဲႇ ပရဝ်(9)ရဝ်
အိုမ်ယ်ုရ်၊ ကျံရ်တာရ်၊ ဆငည်း(4)
ဆဒါင်ကုင်တအာင်း
ခေဲင်ကျံရ်ပူရ်နီန်၊ ကော်ဆံရ်တီုင်ခေါခါႇကုင်တအာင်းဂဲ လေႈဒေင် တိူဝ်ႈမေန်းခေါခါႇ ကာည်း ရေဲန်ဇီုင်းကာန်ဒံန်ခြဲခေါခါႇ ကနာည်နှာင်းပ်ုန်ဒေဲႈတောန်မျိုး တမာကောန်ဒဲႇ ကာည်း တကောန်ဒဲႇအဆာက်(2)ဆန်ုမ်၊ မာကောန်ဒဲႇအီဒဲႈဘူ ပရဝ်(9)ရဝ် ခေဲင်ကုင်တအာင်း။
ဇီုင်းကာန်နှံက်တိူဝ်ႈမေန်းခေါခါႇ ကာည်း ပ်ုန်ဟောမ် မာကောန်ဒဲႇ ကာည်း တကောန်ဒဲႇအဆာက်(2)ဆန်ုမ်၊ မာကောန်ဒဲႇအီဒဲႈဘူ၊ မာကောန်ဒဲႇဂေါည်တိုဇံဂဲဒီန် စေတ်မေန်းဟာဝ်း နှာမ်း ဒံန်ခြဲဟာဝ်း ကနာည်နှာင်းလောတ်ဒါ ရောဂါဆိုင်ဆိုနာ ပလှံင်အိုမ်ယ်ုရ်၊ ရဝ်ပါင်နှီမ်။
ခေဲင်ဇီုင်းကာန်ဒီန် ကမိုန်က္လာင်းဟာဝ်း အ်ုန်အီကဆီုဝ်ကဆဲင်လောင် ခေါခါႇ မာကောန်ဒဲႇ ကာည်း ကောန်ဒဲႇအဆာက်(2)ဆန်ုမ်၊ ကနာည်ကောန်ဒဲႇနှာင်းမိူဝ်ႈပ်ုန်ဟောမ် ဘည်မာ်လိုတံင်နှဲဟာဝ်းအရာင် ခေဲင်လှံင်အိုမ်ယ်ုရ်နီန်၊ ရဝ်(6)ရဝ် ကာည်း ပလှံင်ရူကော၊ ရဝ်(3)ရဝ် လေႈဒေင်ဒဲႈဟာတ်းပိင်ငျာ အ်ုန်အီကဆီုဝ်ကဆဲင် တမာကောန်ဒဲႇအောႏ။
ခေဲင်လေႈဒေင်ဒဲႈဟာဝ်းပိင်ငျာဒီန် ကော်ဆံရ်တီုင်ခေါခါႇ ဒဲႈဟာဝ်းဆဒိ အခိင်ဂေါည်တိုဇံ ကာည်း ဘံန်ဟောည်ႇမိူဝ်ႈကောန်ဒဲႇ ပ်ုန်အာဝ်ဘိူန်းဟောမ်၊ ပ်ုန်လိုႎဲႈ ဂေါည်မိုႈတောပ်ဟာဝ်းဘည်ဒါႈ အရာပ်ရာထုင်မှိူမ်။ ဂေါပ်တောပ်ဟာဝ်းထုင်မှိူမ်ဘည်ဒီန် အဟာရပ်ုန်ဟောမ်မာ် အာဝ်ကိုမ်ကနာည် မာကောန်ဒဲႇ ကာည်း ကောန်ဒဲႇ။ ဂေါပ်ဘည်ဒီန် လိုပဇာရ်အဟာရပ်ုန်ဟောမ် မာကောန်ဒဲႇ ကာာည်း ကောန်ဒဲႇ။
ကနာည်နှာင်းဘိူန်းဒံန်ခြဲဟာဝ်း ရောဂါဒီန် ပ်ုန်လိုနံပ်၊ ပ်ုန်လိုတောပ် ကော်ဆံရ်တီုင်ခေါခါႇ ဒဲႈဟာဝ်းပိင်ငျာ တဲဝ်၊ ပ္လေ အီလေႈဒေဲႈခေဲင်အရာပ်အရာ ယံင်း၊ ကား၊ ကတံမ်တောန်မျိုး ပ်ုန်ဟောမ်အီမိူဝ်ႈအဟာရဒီန် တောပ်လိူည်အဆာက်အယ် ဒဲႈဟာဝ်းကောန်ဒဲႇဂဲဟောမ် နှာင်းကဲဘိူန်းဒေ အီငါမ်း ရေဲန်ဒဲႈဟာဝ်းနှာမ်းမဲည်။
ခေါခါႇကံမ်ဖာ ထုတ်လေႈပ္လါႇဘေဲႇ ကောန်ဒဲႇကတူႈအာဟာရဘြေ့ဒီန် ယံမ်းဂီုန်းဒါႇခူရ် ကောန်ဒဲႇဂဲမိူဝ်းအဟာရတောန်မျိုး နှာင်းဇာရ်ဟာဝ်းပွံတ်(4)ဆ ရောတ် (11)ဆထာန်ီန်။ ဆဲႈဒီန် ဆန်ုမ်2020ဒိူန် ခေဲင်ကံမ်ဖာ ကောန်ဒဲႇ အဆာက်(5)ဆန်ုမ်လေႈရခြူမ် ကတူႈယံမ်း (45)ဆ ကတူႈအဟာရဘြေ့ဒီန်အောႏ။
ခေဲင်ကုင်တအာင်း၊ ကော်ဆံရ်တီုင်ခေါခါႇကုင်တအာင်းဂဲ တိူဝ်ႈမေန် ကောန်ဒဲႇအီဂေါည် ခေဲင်ကုင်တအာင်း ဂေါပ်အာဝ်ကတူႈအဟာရဒီန် ယံမ်းမော် နှာင်းအ်ုန်ပယော့်ဟာဝ်း။ ကယေင်ဘည်ဒီန် ဆန်ုမ်2026၊ ကျံရ်ပူရ်၊ ရဝ်(28)ရဝ် ဘဉ်ဒေလေႈဒေင် ဒဲႈဟာဝ်းပိင်ငျာ အီကဆီုဝ်ကဆဲင် တမာကောန်ဒဲႇ ကာည်း ကောန်ဒဲႇအဆာက်ညှံမ်နိုက်ဒီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists