စဝ်ဒါင်းတအာင်းဂဲ ဆော်အွံရ်ရေဲန်ပါင်ပ္လိုတ်ႎါင်ပနော ဘေဲႇတအာင်း ကာည်း ပဇာရ်ပ်ုန်ယိူဝ်းပ်ုန်နံပ်လံပ်သာသနာ လိူဝ်ႈ(အာရ်) ပလှံင်ကိုက်ခည်း
04 August 2026
စဝ်ဒါင်းတအာင်းဂဲ ဆော်အွံရ်ရေဲန်ပါင်ပ္လိုတ်ႎါင်ပနော ဘေဲႇတအာင်း ကာည်း ပဇာရ်ပ်ုန်ယိူဝ်းပ်ုန်နံပ်လံပ်သာသနာ လိူဝ်ႈ(အာရ်) ပလှံင်ကိုက်ခည်း
အိုမ်ယ်ုရ်၊ ကျံရ်တာရ်၊ ဆငည်း(4)
ဆဒါင်ကုင်တအာင်း
ကုင်တအာင်း၊ ကျံရ်ပူရ်၊ ဆငည်း(22) စဝ်ဒါင်းတအာင်းဂဲ ဆော်အွံရ်ရေဲန်ပါင်ပ္လိုတ်ႎါင်ပနော ဘေဲႇတအာင်း ကာည်း ပဇာရ်ပ်ုန်ယိူဝ်းပ်ုန်နံပ်လံပ်သာသနာ လိူဝ်ႈ(အာရ်)ပကျောင်ဆျှိူကမ္ဘာအေးပရိယတ္တိ ပလှံင်ကိုက်ခည်းအောႏ။
ကယေင်ႎိူဝ်ႈႎါင်ပနောဒီန်ကနာည်မာ်ကာပ်ဘယ်ပနောဟာဝ်းကတီးကရီးဒါဘေဲႇတအာင်း ၊ ကနာည်ဘေဲႇလူမ်တအာင်းကတာႈဒါင်းဇာရ်၊ ပဇာရ်စဝ်ဒါင်းကဲ ဆမားဟောတြားဓမ္မကဒါႇတအာင်း၊ မော်ကာပ်ဘယ်ကပ္လါႇဘေဲႇတြားကဒါႇတအာင်း အောႏ။
ခေဲင်ႎါင်ပနောဒီန် ပ်ုန်ပနောဟာဝ်း အ်ုန်မိုႈဘေဲႇလူမ်တအာင်း၊ ဘည်ကိက်ဘေဲႇအူထဲဝ်၊ ဘေဲႇတအာင်းသဒ္ဒါ ကာည်း အီကဆီုဝ်ကဆဲင်သာသနာ ပနောဒဲႈဟာဝ်း စဝ်(27)ပါး ကာည်း ကောန်ႎါင်ပနော(3)အီး ကစုကပိုမ်ဂေါည်(30)အီး ဇူႈ ဆန်ုမ်2026၊ ကျံရ်တောရ်၊ ဆငည်း(20) ရောတ် ကျံရ်ပူရ်၊ ဆငည်း(22) လှေင်(1)ပကျံရ်အောႏ။
ခေဲင်ႎါင်ပနောဒီန် စဝ်ဒါင်း ဘဒ္ဒန္တဝိမလက” က္လာင်းကြောႈသြဝါဒ” ဘေဲႇလူမ်တအာင်းနီန် အ်ုန်မိုႈကနာည်ပဇာရ်ပ်ုန်နံပ်ပ်ုန်ဆမား ကာည်း ကနာည်ကောန်တဘိုတ်ဂဲအီယိူဝ်ႇဘံန် နှာင်းနံပ်ထိင်ခြဲ ကြောႈကူန်တာမာအယ်ဂဲ၊ နှာင်းဂဲနံပ်အူန်းမိူဝ်ႈတာန်းဘို မောကံပ် ဘေဲႇဘာန်း ကာည်း ထုင်မှိူမ်ကတာရ်ႈဒါင်းဟိုက်ဇာရ် လိုပနောဒဲႈဟာဝ်းကတီးကရီး။
ဆာ်မိုႈႎါင်ပနောဒီန် စဝ်ဒါင်းတအာင်း ချှာင်ဇီုင်းကာန်တောန်နဲ စဝ်ဒါင်းသီဟနန္ဒ ကာည်း ဏဝ်ဒါင်းဝိမလ၊ စဝ်ဒါင်းစန္ဒာဝရ၊ စဝ်ဒါင်းကောသလ္လ ဆော်အွံရ်ပနောဒဲႈဟာဝ်း။
အီရောတ်ဒေဲႈ ခေဲင်ပါင်ပ္လိုတ်ႎါင်ပနော ဘေဲႇတအာင်း ကာည်း ပဇာရ်ပ်ုန်ယိူဝ်းပ်ုန်နံပ်လံပ်သာသနာ လိူဝ်ႈ(အာရ်)နီန် ဖုင်သာသနာ၊ အီရံပ်ဇီုင်းကပ္လိူင် ဖုင်ဘေဲႇလူမ်တအာင်း၊ ကောန်ႎါင်ပနော ကာည်း ကူန်ရဝ်မာဂါင်ဂဲ ကစုကပိုမ် (100)အီး ဟိုက်ရောတ်ဒေဲႈအောႏ။
မိုႈဘို ပါင်ပ္လိုတ်ႎါင်ပနော ဘေဲႇလူမ်တအာင်း ကာည်း ပါင်ကမိုန်ပ်ုန်ယိူဝ်းပ်ုန်နံပ်တြားဓမ္မ လိူဝ်ႈ(အူ)၊ ဆန်ုမ်2025၊ ကျံရ်တာရ်၊ ဆငည်း(30) ကဖြောမ်ကရောမ် ဘည်ရောတ်ဒေဲႈ ဆငည်းဘေဲႇတအာင်း ကရောပ်နိုက်လ(53)ဆန်ုမ်ဒီန် စဝ်(16)ပါး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists