ဖုင်ဂါင်ဆပဲဆငါးဂဲ ဘြဲဆာဟာဝ်းဒေင် ခေဲင်ဇံင်၊ လှံင်အေဲမ်ခြီရ် ကနာည်နှာင်းဘိူန်းဟာဝ်းႎီရ်ကတီးကရီး
20 July 2026
ဖုင်ဂါင်ဆပဲဆငါးဂဲ ဘြဲဆာဟာဝ်းဒေင် ခေဲင်ဇံင်၊ လှံင်အေဲမ်ခြီရ် ကနာည်နှာင်းဘိူန်းဟာဝ်းႎီရ်ကတီးကရီး
အေဲမ်ခြီရ်၊ ကျံရ်ပူရ်၊ ဆငည်း(20)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဂါင်ဆပဲဆငါးဂဲ ပ်ုန်ကယေင် ဘြဲဆာဟာဝ်းဒေင် ခေဲင်ဇံင်၊ လှံင်အေဲမ်ခြီရ်ဒီန် ကနာည် ကူန်ရဝ်မာဂါင်ဂဲ ဘိူန်းဒေဟာဝ်းႎီရ်ကတီးကရီး။
ဘံန်ဟောည်ႇဒေဲႈ ကျံရ်ပူရ်၊ ဆငည်း(2)ဒိူန် ကဒါႇဇံင်အံင်မေတ္တာဒီန် ဒေင်တားအံင်မျတ် ကနာည်ကူန်ရဝ်မာဂါင်ဂဲ ဘိူန်းဒေဟာဝ်းႎီရ်ကတီးကရီး ရေဲန်ဒေင်ဒီန်ပဲန်ဒေင်မာဝ်းက္လဲတ်။ ဆဲႈဒီန် ဒေင်ခေဲင်ကုင်မာ် ဒီလူလှဲဝ်ႏအ်ုန် ႎီရ်ဘြဲဆာအ်ုန်ပဲန်ဒေင်ကွန်ကရစ်။
မိုႈဘို ဘည်ရောတ်စော်မ်းဒေဲႈ ခိင်က္လာည်းနီန် နှာင်းအာဝ်ပဲန်အိုမ်ဒါင်း ဒေင်အ်ုန်အီလူလှဲဝ်ႏ ခေဲင်အိူင်အေဲမ်ခြီရ်ဒီန် နှာင်းမိူဝ်ႈလံပ်ကတ်ုမ် တကူန်ရဝ်မာဂါင်ဂဲ ကာည်း ကညားကားဂဲ ဘိူန်းဒါဟာဝ်းဝီရ်ကတီးကရီး။
ဖုင်ဆပဲဆငါးဂဲ ဘံန်ဟောည်ႇဒေဲႈ ကျံရ်ဖိုန် ရောတ် ကျံရ်ဖံန်နီန် အီမိုႈခေဲင်လှံင် ဇံင်ဆယေးတာန်း ကာည်း ဇံင်မာန်နား ဘြဲဆားဟာဝ်း ဒေင်(2)လှေ၊ ကပု(2)လှေ ကာည်း ကိူဝ်ႈရေဲန်ဒဲႈဟာဝ်း ရောင်အိုမ်။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကဆီုဝ်ဖုင်ဆပဲဆငါးဂဲ ပ်ုန်ကယေင် ပဇာရ်ရေဲန်ဒဲႈဟာဝ်း မောဇီုင်းကာန်ကတာရ်ႈဒါင်းဟိုက်ဇာရ် ကာည်း ကူန်ရဝ်မာဂါင်ဂဲ ဘိူန်းဒါဟာဝ်းဝီရ် ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists