ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ပလှံင်ကုင်ငှေါ
14 July 2026
ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ပလှံင်ကုင်ငှေါ
အိုမ်ယ်ုရ်၊ ကျံရ်ပူရ် ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ကာည်း ခမိုပါလဲင်၊ ခမိုခူန်ခါ၊ ခမိုကွန်ဆလာမ်ကဲနီန် ဘံန်ဟောည်ႇဒေဲႈ ကျံရ်ပူရ်ဆငည်း(12)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ၊ ပဇာရ်ဒဲႈဘည်လိုကူန်ရဝ်မာဂါင်ဂဲ ကဖြောမ်ကရောမ်တောပ်ကာည်း ပဇာရ်ဒဲႈလောင်ပိင်ငျာ ဘည်လိုနံပ်ဖေးအန္တရာယ်အရေးခံင်ယိူည်ႇ ကဲနီန်အောႏ။
ခေဲင်ပါင်ကတူႈကငျားနီန် ကမိုန်ဟာဝ်းလောင် ဂေါႇအရေးခံင်ယိူည်ႇနီန် ဘည်ဆမားပဲန်ဒေဲႈ ဖေးအန္တရာယ် တခေါခါႇ၊ လံပ်ကႎှံက်အယ်ကာည်း လံပ်ဘြောင်ရိူန်းခြီရ်အယ် ဘည်ပျဆနာလှေနီန် အာဝ်ႎံန်းလိူည်တံင်အရာင်းတိုအီးအယ် အီဂေါည်ခေဲင်ကုင်တအာင်းနီန် နံင်လူလှဲဝ်ႏဟာဝ်း အ်ုန်ဒဲႈဖေးကပျော လံပ်ကတ်ုမ်ခြိူဝ်းမျိုးအယ်၊ ဂေါႇဘည်ဒီန် အီရံပ်ဇီုင်းကပ္လိူင်ဂဲ ဒဲႈဟာဝ်းလောင်ပိင်ငျာ ဘည်လိုကဖြောမ်ကရောမ် ရေဲန်ဟာဝ်းဇီုင်းကာန်တီုက်ယာႈအရေးခံင်ယိူည်ႇနီန် ဒါင်းဒါင်း၊ ဆဲႈဒီန် ကမိုန်ဟာဝ်းဘိုးဒါႈ အယ်လိုတီုက်ယာႈဟာဝ်း ဒေင်လီပ် အရေးခံင်ယိူည်ႇကဲနီန်၊ လိုကဖြောမ်ကရောမ်စေတ်ဆေး ဘိဒေင်လီပ်ဒေဲႈအ်ုန် ကာည်း ဘည်ဥပဒေ အရေးခံင်ယိူည်ႇကဲနီန်အောႏ။
ပါင်ကတူႈကငျားနီန် ဖုင်ကာ်မ်မတီတီုက်ယာႈအရေးခံင်ယိူည်ႇ ခူန်အွံရ်တားလှကျော်၊ တားအိူင်အိုမ်ယ်ုရ် ခူန်အွံရ်တားဆမဴင်ကုင်၊ တားအီချှာင်အိူင်အိုမ်ယ်ုရ် ခူန်နာန်းခေါပ်ပြာ ကာည်း တားလှံင်ကုင်ငှေါ ခူန်နာန်းဒီမိုဟံတ် ဆာ်ႈအွံရ်ရေဲန်ပါင်ကတူႈကငျားတောပ် ကူန်ရဝ်မာဂါင်လှံင်ကုင်ငှေါဂဲ၊ ပါင်ကတူႈကငျားနီန် ကူန်ရဝ်မာဂါင်ဂဲ ရဝ်(10)ရဝ် ဟိုက်ရောတ်ဒေဲႈ။
ကူန်ရဝ်မာဂါင် အီဟိုက်ရောတ်ဒေဲႈဂဲမာ် ကဖြောမ်ကရောမ်ကမိုန်ဒဲႈဟာဝ်းခံင်ကျခံင်လ ကနာည်ဇီုင်းကာန်တီုက်ယာႈအရေးခံင်ယိူည်ႇနီန် မောကံပ်ဟြာည်ကမာ်ႈ ခေဲင်အရာပ်အရာတအာင်း ခေဲင်ပါင်ကတူႈကငျားနီန် ကူန်ရဝ်မာဂါင်ဂဲကစုကပိုမ် (60)အီးလှိူဝ်း ဟိုက်ရောတ်ဒေဲႈ။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ကာ်မ်မတီတီုက်ယာႈအရေးခံင်ယိူည်ႇဂဲ ရေဲန်ဟာဝ်းဇီုင်းကာန်တီုက်ယာႈအရေးခံင်ယိူည်နီန် ဒဲႈအ်ုန်မိုႈဇီုင်းဒါင်းအူလှေ၊ ရေဲန်ဇီုင်းကာန် ဒဲႈဟာဝ်းလောင်ပိင်ငျာ တကူဝ်ရဝ်မာဂါင်ဂဲ ဘည်မိူဝ်ႈဖေးအန္တရာယ်အရေးခံင်ယိူည်ႇ၊ ကဘ္လာင်းဆာင်လာင်း ဘည်မိုႈဥပဒေခံင်ယိူည်ႇ ကာည်း ဘည်ကူန်ရဝ်မာဂါင်ဂဲ လိုကဖြောမ်ကရောမ်တောပ် လိုပဇာရ်ဆီုပ်ရေဲန်ဟာဝ်းဇီုင်းကာန်တီုက်ယာအရေးခံင်ယိူည်ႇနီန် ခေဲင်လှံင်ကာည်း ခေဲင်ရဝ် အီကီုတ်ကဲဒိူန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists