အခိင်ဖုင်ပလိက်လှံင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါ(2)အီး ပလှံင်မိူင်လိုင်
14 July 2026
အခိင်ဖုင်ပလိက်လှံင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါ(2)အီး ပလှံင်မိူင်လိုင်
မိူင်လိုင်၊ ကျံရ်ပူရ် ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ပလှံင်မိူင်လိုင်၊ အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး အရေးခံင်ယိူည်ႇ ဒီဒေင်ကကာႈပရဝ်ပါင်ခေါဒိူန် ကနာည်တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ မောကံပ်ဟြာည်ကမာ်ႈ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါခံင်ယိူည်ႇ(2)အီး။
ဘည်မိုႈဘည်ဘာည်းအ်ုန် ဘံန်ဟောည်ႇဒေဲႈ ကျံရ်ပူရ် ဆငည်း(6)ဒိူန် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ တာဆာအေး အဆာက်(51)ဆန်ုမ် ကဂေါပ်တောပ် ကအာင်ဆနံမ်ယာမ (235)ကအာင် ကာည်း ဖိင်လူည်း(2.4)kg။
ဆဲႈဒါႇဒီန် ဇိုချီုင်ရေဲန်ဇီုင်းကာန်စေတ်ဆေး ဘိူန်းတိုည်းဘိုး တိုအီးဒါခံင်ယိူည် တာအတူ အဆာက်(28)ဆန်ုမ် ကာည်း တာအည်ငါဝ် အဆာက်(36)ဆန်ုမ် ကဂေါပ်တောပ် ကအာင်ဆနံမ်ယာမ (3)ကအာင် နံင်တိူဝ်ႈလာည်းဟာဝ်းအရေးတောပ်လိူည် ဘည်ဥပဒေ။
ဘည်ကဇေန်နီး ဆာ်မိုႈပ်ုန်ဘိူန်းတိုည်းအူန်း တိုအီးကဇိူရ်ႈကယံင်းခံင်ယိူည်ႇ (1)အီးဒီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နံင်ဆီုပ်တိူဝ်ႈလာည်းဟာဝ်းအရေး တောပ်လိူည်ဘာည်းဥပဒေ တီုက်ယာႈအရေးခံင်ယိူည်ႇ။ ဆာ်မိုႈ တိုအီးဒါခံင်ယိူည်ႇ(2)အီးဂါရ်ဒီန် နှာင်းဆီုပ်ဒဲႈဟာဝ်း လောင်ပိင်ငျာ တိုန်းဟာဝ်းဂါရ် ဘြဲဆားအကျံင် ပဂါင်ဆငါး တောပ်လိူည်ဘာည်း ဇီုင်းကာန်တီုက်ယာႈအရေးခံင်ယိူည်ႇအောႏ။
ကဆီုဝ်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈအရေးခံင်ယိူည်ႇနီန် ဒဲႈအ်ုန်မိုႈဇီုင်းဒါင်းအူလှေ၊ ဆဲႈဒီန် ရေဲန်ဟာဝ်း ဘည်တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇကဲနီန် မောကံပ်ဟြာည်ကမာ်ႈ၊ ရေဲန်ဇီုင်းကာန်မောကံပ်ဘယ်ထိင်ဒဲႈ ဘံန်နံင်ဒေဲႈ (အနာဂတ်) ကောန်တဘိုက်ဂဲ ကာည်း ဇီုင်းကာန်ဘ္လီုက်လှူပ်တြားဥပဒေ၊ ဆီုပ်ရေဲန်ဟာဝ်း မောကံပ်ဘယ်ပဇာရ်ဒဲႈ ဇိုဇာတ်တိုအီးအယ် မိူဝ်ႈလံပ်ကတ်ုမ် ဘိူန်းဂေါည်လံပ်ယေင်ငံင်။
မိုႈဘိုး ဘံန်ဟောည်ႇဒေဲႈ ကျံရ်ပူရ် ခေဲင်နှာအူဒိူန်မာ် ပလှံင်ရူကော အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇ ဘိူန်းတိုည်းတိုအီးဒါခံင်ယိူည်ႇကောန်အီပ်ုန်(1)အီး ကာည်း ကောန်အီမာည်း(8)အီး နှာင်းဆီုပ်ရေဲန်ဟာဝ်း ဇီုင်းကာန်တီုက်ယာႈအရေးခံင်ယိူည်ႇနီန် ဒါင်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists