ဖုင်ရိူရ်ႈတီႇဆ်ုမ်မျံမ်ဂဲ ရေဲန်ပါင်ကတူႈကငျား တောပ်ကညားအီရေဲန်ဇီုင်းကာန်မျံမ် ပလှံင်အိုမ်ယ်ုရ်
14 July 2026
ဖုင်ရိူရ်ႈတီႇဆ်ုမ်မျံမ်ဂဲ ရေဲန်ပါင်ကတူႈကငျား တောပ်ကညားအီရေဲန်ဇီုင်းကာန်မျံမ် ပလှံင်အိုမ်ယ်ုရ်
အိုမ်ယ်ုရ်၊ ကျံရ်ပူရ်၊ ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ကျံရ်ပူရ်၊ ဆငည်း(9) ပရဝ်ရဝ်ခ်ုရ် ပ်ုန်ကယေင် ဖုင်ရေဲန်ယံင်းမျံမ်တအာင်းဂဲ ရေဲန်ပါင်ကတူႈကငျား တောပ်ကညားအီရေဲန်ဇီုင်းကာန်မျံမ် လောင်ဇီုင်းကာန်မျံမ်ကတာႈဒါင်းဇာရ်ဒါႇခူနီန်၊ ကနာည်နှာင်းဘိူန်းငေါ်ႈခံန်ဒါင်း၊ ကနာည်နံင်ဘယ်ရိူရ်ႈလေႈမျံမ်ပေန်၊ ကမိုန်ဟာဝ်းလောင်ဇီုင်းကာန်မျံမ်တောန်နဲ။
ခေဲင်ပါင်ကတူႈကငျားဒီန် တီုင်ဘြောင်ချှာင် တာလှံင် ခူန်နာန်း-နောင်ချို၊ တာဘြောင်ချှာင်ရဝ်၊ ကူန်ရဝ်မာဂါင်ဂဲ ကာည်း ဖုင်ရေဲန်ယံင်းမျံမ်တအာင်း ဟိုက်ရောတ်ဒေဲႈအောႏ။ခေဲင်ပါင်ကတူႈကငျားဒီန် အီရံပ်ဇီုင်းကပ္လိူင် ဖုင်ရေဲန်ယံင်းမျံမ်တအာင်း “က္လာင်း”ဘည်ကတူႈကီန်းဒည်း ခနား တေဲင်တီႇဆ်ုမ်မျံမ် ကာည်း ဘည်ထုတ်ရိူရ်ႈလေႈမျံမ်။ ဆမွံတ် ကဘ္လာင်းဟာဝ်းနိပိင်ငျာ အ်ုန်ကဆီုဝ်ကဆဲင် ဘည်ထုတ်ရိူရ်ႈမျံမ် ကာည်း ဘည်တီႇဆ်ုမ်မျံမ် တောန်နဲ။
ဆဲႈဒီန် အီရံပ်ဇီုင်းကပ္လိူင်မာ် က္လာင်းဟာဝ်းဘို နှာင်းဒဲႈဟာဝ်းႎါင်ပနော အီကဆီုဝ်ကဆဲင် လောင်မျံမ် တောန်ပကျံရ် ဘည်တီႇဆ်ုမ်၊ ဘည်ရိူရ်ႈလေႈမျံမ်၊ မျံမ်ခေါႈ မျံမ်ပ်ုန်ထုက်လေႈကုမ္ပဏီဂဲ ခေဲင်အရာပ်အရာတအာင်း၊ Green Tea၊ Red Tea၊ မျံမ်ခေါႈငါမ်၊ မျံမ်အီမ်း၊ မျံမ်လု ကာည်း ညောတ်မျံမ် ပ်ုန်ထုက်လေႈခေဲင်အရာပ်အရာတောန်နဲ၊ အီပေါရောတ်ဒေဲႈ ကူန်ရဝ်မာဂါင်ဂဲမာ် တျံင်တခေါရ်ဟာဝ်းတိူရ်ႈ ဘည်မိုႈအိုမ်ဇံန်မျံမ် ကာည်း ပျြံင်အိုမ်မျံမ် ပ်ုန်ထုက်လေႈ ခေဲင်အရာပ်အရာတအာင်း။
မိုႈဘို ပရဝ်ရဝ်ခ်ုရ် ဘယ်ရေဲန်ဇီုင်းကာန်တီႇဆ်ုမ်မျံမ် ပေန်တိူဝ်ႈဒါမာ် ဟိုက်ရောတ်ဒေဲႈ ကမိုန်ကငျားတောပ်ပွံတ် ကူန်ရဝ်မာဂါင်ဂဲ ဆဖောဘယ်ရေဲန်ကတာည်းသာသနာ့။
ဘံန်ဟောည်ႇဒေဲႈ ကျံရ်ပူရ်၊ ဆငည်း(1)ဒိူန်မာ် ဖုင်ရိူရ်ႈတီႇဆ်ုမ်မျံမ် ရေဲန်ပါင်ကမိုန်ကတူႈကငျားတောပ် တာဘြောင်ချှာင်ဇံင် ကာည်း တာဘြောင်ရဝ်။ ဖုင်ရေဲန်ယံင်းမျံမ်တအာင်းဂဲ ကနာည်ဘယ်ရိူရ်ႈလေႈမျံမ်ကျ၊ အခါန်းကဏ္ဍ ဘည်ရေဲန်ထုက်လေႈမျံမ်ဂဲ၊ ဘည်အရေးဒါင်းဇီုင်းကာန်မျံမ် ကနာည်ဘြောင်ရိူန်းခြီရ် ကာည်း မောအီးကံပ်တိူဝ်ႈကနေဲႈမှယ်ဒေဲႈ ထုင်ရိုဘိုဇေန်မျံမ်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists