ပ်ုန်တိုည်းထိင်အူန်း တိုအီးဒါခံင်ယိူည်ႇ (5)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ ႎီရ်အာပ်ဒဲႈဟာဝ်း တရဟောမ်ရမာဂဲ ပလှံင်မိူင်လိုင်
14 July 2026
ပ်ုန်တိုည်းထိင်အူန်း တိုအီးဒါခံင်ယိူည်ႇ (5)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ ႎီရ်အာပ်ဒဲႈဟာဝ်း တရဟောမ်ရမာဂဲ ပလှံင်မိူင်လိုင်
မိူင်လိုင်၊ ကျံရ်ပူရ် ဆငည်း(14)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ပလှံင်မိူင်လိုင် ပ်ုန်ကယေင်မောကံပ် ကူန်ရဝ်မာဂါင်အယ်ဂဲ ႎီရ်ဘိူန်းဇိုဇာတ်ပြီမ်ဂဲ ပ်ုန်ဖုင်ပလိက်လှံင်ဂဲဘိူန်းတိုည်းထိင်အူန်း တိုအီးဒါခံင်ယိူည်ႇအီမာည်း(5)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ လှေင်(6)ကျံရ် ႎီရ်အာပ်ဒဲႈဟာဝ်း တရဟောမ်ရမာ။
ဘံန်ဟောည်ႇဒေဲႈ ကျံရ်တောရ် ဆငည်း(29) ဟည်ရေဲန်ဟောည်ႇဟာဝ်းကခံပ်အယည် ႎီရ်ဘြဲဆားဒဲႈအကျံင် တတိုအီးဒါခံင်ယိူည်ႇလှေင်(6)ကျံရ် ကဝ်အီမိုႈ တာအကန် အဆာက်(49)ဆန်ုမ်၊ တာအပီး အဆာက်(31)ဆန်ုမ်၊ တာဆာန်စာ အဆာက်(57)ဆန်ုမ်၊ တာဆာန်းဝူန်း အဆာက်(55)ဆန်ုမ် ကာည်း တာသားချှော အဆာက်(43)အဆာက် ကဲ(5)အီး ဟည်ႎီရ်အာပ်ဒဲႈဟာဝ်း တရဟောမ်ရမာဂဲ။ ကဲ(5)အီးနီန် ဖုင်ပလိက်လှံင်ကုင်တအာင်း ဘိူန်းတိုည်းဂဲ ခေဲင်လှံင်မိူင်လိုင် ႎါည်ဒီန် စီတိုန်းဟာဝ်းဂဲဘြဲဆားအကျံင် ပဂါင်ဆငါး လှေင်(6)ကျံရ်၊ ရေဲန်ဟာဝ်းဘည်ဒဲႈလောင်ပိင်ငျာ ကာည်း ႎီရ်ဒဲႈဘြဲဆားအကျံင်ဂဲ မောကံပ်ႎီရ်ကျပေန်ဒေဲႈဘာည်းအာည်ႇနီန်။
တံပ်အွံရ်ပ်ုန်လောတ်ကပီုန်တအာင်း-PSLF/TNLA တောပ်လိူည်ဘာည်းဥပဒေတီုက်ယာႈအရေးခံင်ယိူည်ႇ ပ်ုန်ဘိူန်းတိုည်းတိုအီးဒါခံင်ယိူည်ႇကဲနီန် ဆာ်မိုႈလိူဝ်ႈအူ တိုန်းဒဲႈဟာဝ်းဂဲႎီရ်ဘြဲဆားအကျံင် ပဂါင်ဆငါးလှေင်(6)ကျံရ် ဆာ်ႎီရ်စေတ်ဆေးယိူဝ်းဘိုးဂဲဒါအူလိူဝ်ႈ တောပ်လိူည်ဘာည်းဥပဒေဆံင်ကိုပ်(ခ) နှာင်းတိူဝ်ႈလာည်းဟာဝ်းအရေးဒဲႈဂဲ ႎီရ်ဘြဲဆားအကျံင် ပဂါင်ဆငါးလှေင် ခေဲင်(2)ဆန်ုမ် ရောတ်(3)ဆန်ုမ်။
ကဆီုဝ်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈအရေးခံင်ယိူည်ႇနီန် ဒဲႈအ်ုန်မိုႈဇီုင်းဒါင်းအူလှေ၊ ဆဲႈဒီန် ရေဲန်ဟာဝ်း ဘည်တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇကဲနီန် မောကံပ်ဟြာည်ကမာ်ႈ၊ ရေဲန်ဇီုင်းကာန်မောကံပ်ဘယ်ထိင်ဒဲႈ ဘံန်နံင်ဒေဲႈ (အနာဂတ်) ကောန်တဘိုက်ဂဲ ကာည်း ဇီုင်းကာန်ဘ္လီုက်လှူပ်တြားဥပဒေ၊ ဆီုပ်ရေဲန်ဟာဝ်း မောကံပ်ဘယ်ပဇာရ်ဒဲႈ ဇိုဇာတ်တိုအီးအယ် မိူဝ်ႈလံပ်ကတ်ုမ် ဘိူန်းဂေါည်လံပ်ယေင်ငံင်။
#PSLF/TNLA
#တီုင်ပ္လေႈလေႈဆဒါင်
Comment Lists