တံပ်အွံရ်ပ်ုန်လောတ်ကပီုန်တအာင်း-PSLF/TNLA ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ခေဲင်ရဝ် ကာည်း ဘဲဆြာဟာဝ်းဒေအ်ုန်လူလှဲဝ်ႏ
13 July 2026
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ခေဲင်ရဝ် ကာည်း ဘဲဆြာဟာဝ်းဒေအ်ုန်လူလှဲဝ်ႏ
အိုမ်ယ်ုရ်၊ ကျံရ်ပူရ်၊ ဆငည်း(13)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ခေဲင်ရဝ်ပါင်လိုင် ကာည်း ရဝ်မာန်လီ ဘဲဆြာဟာဝ်းဘိုဒေအ်ုန်လူလှဲဝ်ႏ ရဝ်မာဝ်လူည် ကာည်း ရဝ်ရဝ်ခ်ုရ် နှာင်းအိုမ်အာဝ်ဘိူန်းရောတ်ခေဲင်ဒေမာ် ကိူဝ်ႈဟာဝ်းအိုမ်ရောင် ကဲပ်ညျှိူဝ်၊ တံင်ဟေအီလာက်ရီမ်းဒေ။
ဒေင်ဒါင်းဒီန် ဂေါပ်တံင်ညျှိူဝ်ဘ္လီုတ်ဟာဝ်းဒိုႇဒေင် ကနာည်ကူန်ရဝ်မာဂါင်ဂဲ ဟာဝ်းဝီရ်မာ်ကီန်းဒည် မိူဝ်ႈဖေးအန္တရာယ် ဂေါပ်ဘည်ဒီန် ဇူႈဆငည်း(7)၊ တံပ်အွံရ်ပ်ုန်လောတ်ကပီုန်တအာင်း-PSLF/TNLA ဆော်အွံရ်ဟာဝ်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ကယေင်ကနာည် ကူန်ရဝ်မာဂါင်ဂဲ လောတ်ဒါႇဖေးအန္တရာယ်အောႏ။
မိုႈဘို ဘံန်ဟောည်ႇဟာဝ်း ကျံရ်ပူရ်၊ ဆငည်း(7)ဒိူန် ပရဝ်မာဝ်လူည် ကာည်း ရဝ်ရဝ်ခ်ုရ် ကနာည်အရာပ်အရာချှီႇတခိူည်း ကူန်ရဝ်မာဂါင်ဂဲ ကစုကပိုမ်(300)အီး ရေဲန်ဟာဝ်းဇီုင်းဆပဲဆငါး ဘြဲဆာဟာဝ်းဒေင်အ်ုန်လူလှဲဝ်ႏ၊ ကိူဝ်ႈဟာဝ်းအိုမ်ရောင် ကနာည်အိုမ်က္လာည်းအာဝ်ဘိူန်းရောတ်ခေဲင်ဒေင်ဟာဝ်းဟာဝ်းဝီရ်ဝီရ် ကူန်ရဝ်မာဂါင်ဂဲ အောႏ။
ဘံန်ဟောည်ႇဒေဲႈ ကျံရ်ပူရ်၊ ဆငည်း(1) ရောတ် ဆငည်း(4) ဘြဲဆာဟာဝ်းဒေင်ဒါင်း ရဝ်ပါင်လုံ၊ ရဝ်ချောင်ဆာ၊ ရဝ်ပါင်ကိုင် ကာည်း ရဝ်လီလု ပရောင်အိုမ်ဒီန် ပဲန်ဟာဝ်းအိုမ်ဒါင်း တံပ်အွံရ်ပ်ုန်လောတ်ကပီုန်တအာင်း-PSLF/TNLA ကာည်း ကူန်ရဝ်မာဂါင် ကစုကပိုမ် ရေဲန်ဟာဝ်းဆပဲဆငါး။
#PSLF/TNLA
#တီုင်ပ္လေႈလေႈဆဒါင်
Comment Lists