ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ပလှံင်မိူင်လိုင် ကာည်း လှံင်မိူင်ဘော်
13 July 2026
ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ပလှံင်မိူင်လိုင် ကာည်း လှံင်မိူင်ဘော်
အိုမ်ယ်ုရ်၊ ကျံရ်ပူရ် ဆငည်း(13)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ပလှံင်မိူင်လိုင် ကာည်း လှံင်မိူင်ဘော် ခေဲင်ကုင်တအာင်း။
ခေဲင်ပါင်ကတူႈကငျားနီန် ကမိုန်ဟာဝ်းလောင် ဂေါႇအရေးခံင်ယိူည်ႇနီန် ဘည်ဆမားပဲန်ဒေဲႈ ဖေးအန္တရာယ် တခေါခါႇအယ် ဘည်ပျဆနာလှေနီန် အာဝ်ႎံန်းလိူည်တံင်အရာင်းတိုအီးအယ် အီဂေါည်ခေဲင်ကုင်တအာင်းနီန် နံင်လူလှဲဝ်ႏဟာဝ်း အ်ုန်ဒဲႈဖေးကပျော လံပ်ကတ်ုမ်ခြိူဝ်းမျိုးအယ်၊ ဂေါႇဘည်ဒီန် အယ်လိုကဖြောမ်ကရောမ် ရေဲန်ဟာဝ်းဇီုင်းကာန်တီုက်ယာႈအရေးခံင်ယိူည်ႇနီန် ဒါင်းဒါင်း၊ ဘည်လိုတီုက်ယာႈဟာဝ်း ဒေင်လီပ် အရေးခံင်ယိူည်ႇကဲနီန်၊ လိုကဖြောမ်ကရောမ်စေတ်ဆေး ဘိဒေင်လီပ်ဒေဲႈအ်ုန် ကာည်း ဘည်ဥပဒေ အရေးခံင်ယိူည်ႇကဲနီန်အောႏ။
ပါင်ကတူႈကငျားနီန် ဖုင်ကာ်မ်မတီတီုက်ယာႈအရေးခံင်ယိူည်ႇ ခူန်အွံရ်တားလှကျော်၊ တားအိူင်အိုမ်ယ်ုရ် ခူန်အွံရ်တားဆမဴင်ကုင် ဆာ်ႈအွံရ်ရေဲန်ပါင်ကတူႈကငျားတောပ် ကူန်ရဝ်မာဂါင်လှံင်မိူင်ဂဲ ကာည်း ကူန်ရဝ်မာဂါင်ခမိုမီန်းကိုင်းဂဲ ခေဲင်အူနှာနီန်။
မိုႈဘိုး ခေဲင်အိူင်ရူကော၊ လှံင်မိူင်ဘော်၊ ပရဝ်နံမ်ဟာည်း ကာည်း ရဝ်လောည်မူန်မာ် ဘံန်ဟောည်ႇဒေဲႈ ကျံရ်တောရ် ဆငည်း(30)ဒိူန် ကာည်း ကျံရ်ပူရ် ဆငည်း(2)ဒိူန် ဖုင်ကာ်မ်မတီတီုက်ယာႈအရေးခံင်ယိူည်ႇ တားတီုင်ဒါင်း(2) တာမ်ခူန်အွံရ်ဒါင်း တားခြိူဝ်းမျိုး၊ တားအိူင်ရူကော ခူန်အွံရ် တားဂူႈရဲင် ကာည်း တားပလိက်အိူင် ခူန်အွံရ် တားဒိုင်းဇီဂဲ လေႈဒေင်ဒဲႈလောင်ပိင်ငျာ တကူန်ရဝ်မာဂါင်ဂဲ ဘည်မိူဝ်ႈဖေးအန္တရာယ် အရေးခံင်ယိူည်ႇ ကာည်း ဘည်မိူဝ်ႈအီအူန်းဒါဂြိုခြီုင် ကနာည်ပ်ုန်ရေဲန်ထုက်ရိူရ်ႈလေႈခံင်ယိူည်ႇ၊ ဘည်အီဒေါတိုန်းခံင်ယိူည်ႇ၊ ဘည်အီကဇိူရ်ႈကယံင်းအရေးခံင်ယိူည်ႇ၊ ဘည်မိူဝ်ႈတီႇဆ်ုမ်တံင်ဟေ ပဲန်အရေးခံင်ယိူည်ႇ၊ ဘည်ဇီုင်းအီအာဝ်တြားတောပ် ဥပဒေကဲနီန်၊ ဘည်လိုတောပ်ခေါပ်ပြာႇ ကာည်း တိူဝ်ႈလာည်းအရေးကဲနီန်။
ကူန်ရဝ်မာဂါင် အီဟိုက်ရောတ်ဒေဲႈဂဲမာ် ကဖြောမ်ကရောမ်ကမိုန်ဒဲႈဟာဝ်းခံင်ကျခံင်လ ကနာည်ဇီုင်းကာန်တီုက်ယာႈအရေးခံင်ယိူည်ႇနီန် မောကံပ်ဟြာည်ကမာ်ႈ ခေဲင်အရာပ်အရာတအာင်း ခေဲင်ပါင်ကတူႈကငျားနီန် ကစုကပိုမ်ကူန်ရဝ်မာဂါင်ဂဲ(430)အီး ဟိုက်ရောတ်ဒေဲႈ။
အီဟိုက်ရောတ်ဒေဲႈ ကူန်ရဝ်မာဂါင်ဂဲမာ် ကမိုန်ဒဲႈဟာဝ်းခံင်ကျခံင်လ ဒါႈ ကနာည်ဇီုင်းကာန် တီုက်ယာႈအရေးခံင်ယိူည်ႇ မောကံပ်ဟြာည်ကမာ်ႈဟာဝ်း နံင်ကဖြောမ်ကရောမ်ရေဲန်ဟာဝ်းတောပ် ဖုင်ကာ်မ်မတီဂဲ။ PSLF/TNLA ဖုင်ကာ်မ်မတီတီုက်ယာႈအရေးခံင်ယိူည်ႇဂဲ နံင်ဆီုပ်ရေဲန်ဟာဝ်း ပါင်ကတူႈကငျားဘည်ဒဲႈလောင်ပိင်ငျာ ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန် တီုက်ယာႈအရေးခံင်ယိူည်ႇနီန် တကူန်ရဝ်မာဂါင်ဂဲ ခေဲင်ရဝ်ကာည်း လှံင်အီကီုတ်ကဲဒိူန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists