ထုင်မှိူမ်ကာည်း ဘေဲႇဘာန်း ကနာည်ကတာရ်ႈဒါင်းဟိုက်ဇာရ် ဖုင်ဘေဲႇတအာင်း(TLA)ဂဲ ဆာ်ႈအွံရ်ရေဲန်ဟာဝ်းပ္လေါည်ကခေ့ကတား လှိုပ်ဂုင် ကနာည်ဆငည်းဘေဲႇတအာင်း ကရောပ်နိုက်လ (54)ဆန်ုမ်
11 July 2026
ထုင်မှိူမ်ကာည်း ဘေဲႇဘာန်း ကနာည်ကတာရ်ႈဒါင်းဟိုက်ဇာရ် ဖုင်ဘေဲႇတအာင်း(TLA)ဂဲ ဆာ်ႈအွံရ်ရေဲန်ဟာဝ်းပ္လေါည်ကခေ့ကတား လှိုပ်ဂုင် ကနာည်ဆငည်းဘေဲႇတအာင်း ကရောပ်နိုက်လ (54)ဆန်ုမ်
အိုမ်ယ်ုရ်၊ ကျံရ်ပူရ် ဆငည်း(11)
ဆဒါင်ကုင်တအာင်း
ပ်ုန်ကယေင်ထုင်မှိူမ် ကာည်း ဘေဲႇဘာန်း ကနာည်ကတာရ်ႈဒါင်းဟိုက်ဇာရ် ဖုင်ဘေဲႇတအာင်း(TLA)ဂဲ ဆာ်ႈအွံရ်ရေဲန်ဟာဝ်းပ္လေါည်ကခေ့ကတား လှိုပ်ဂုင်ဘံန်နံင်ရောတ်စာ်မ်းဒေဲႈ ကနာည်ဆငည်းဘေဲႇတအာင်း ကရောပ်နိုက်လ(54)ဆန်ုမ် အီဂေါည်ခေဲင်ကုင်ကပိုမ် ကာည်း ကုင်အီဟံရ် အီမိုႈ ႎါႎည်ကောန်တီုင်ကုင်အယ်ဂဲပါ်ဒိုႇဒိုည်ႇ ဘိူန်းအူန်းလီပ်ကခေ့ကတားတောပ် ပ်ုန်ရေဲန်ဟာဝ်း ပ္လေါည်ကခေ့ကတား အီကဆီုဝ်ကဆဲင် ဘေဲႇတအာင်းနီန်အောႏ။
ခေဲင်ပ္လေါည်ကခေ့ကတားနီန် အ်ုန်တောပ် ဘေဲႇကပါဝ်းဒိုင်း(Article)၊ ဘေဲႇကဆာ်မ်း(Poem)၊ ဘေဲႇကပ္လါႇ(Translation)၊ ဘေဲႇအပူမ်(Story)၊ ဘေဲႇကာတူန်း(Cartoon) ကာည်း ဘေဲႇကီရ်အရာင် (Painting)ကဲနီန်။ ကဆီုဝ်ပ္လေါည်ကခေ့ကတားနီန် ဖုင်ဘေဲႇတအာင်း(TLA)ဂဲ ပ္လအူန်းဒါႈ နံင်ရေဲန်ဟာဝ်းတောပ် ပုင်စာမ်ဘည်ပ္လေါည်ကခေ့ကတားနီန်။
အီလီပ်ပ္လေါည်ကခေ့ကတားနီန် မှာန်းအယ်ဟြာင်းဟိုက်ကဂေါပ်တောပ် အီကဆီုဝ်ကဆဲင် ဘေဲႇတအာင်းပ်ုန်ရေဲန်ပ်ုန်ကိက်အူန်းအယ် ကာည်း ဇီုဝ်၊ ဒီဂေါည်အယ်ကာည်း ဒီဘိူန်းကဆီုပ်ကဘာ ကနံဝ်တိုႎှုင်အယ် တဖုင်ဘေဲႇတအာင်း(TLA)ဂဲ ကျံရ်တာရ် ဆငည်း(23) ရဘံန်းဆူတ်ဆူတ်။
ပ်ုန်ဟြာင်းဟိုက်ဒေဲႈပ္လါႇဘေဲႇ ခေဲင်ပ္လေါည်ကခေ့ကတားနီန် ဖုင်ဘေဲတအာင်း(TLA)ဂဲ နံင်စေတ်ဆေးတိူရ်ႈဖါ်ႈ ဆာ်မိုႈအီဘိူန်းဆုကဲဒိူန် နံင်ႎီရ်ပ္လါန်ဒဲႈဟာဝ်း။ ဆာ်မိုႈ အီဘိူန်းဆုကဲဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နံင်အာပ်ချဒဲႈပ္လါႇဘေဲႇလှိုပ်ဂုင် ကာည်း ဆုရိူန်း ဘံန်နံင်ရောတ်ဒေဲႈ ပ္လေါည်လှိုပ်ဂုင် ဆငည်းဘေဲႇတအာင်း ကရောပ်နိုက်လ(54)ဆန်ုမ်။
ဘည်ရေဲန်ဟာဝ်းပ္လေါည်ကခေ့ကတား ဆငည်းဘေဲႇတအာင်းနီန်မိုႈ မောကံပ် ဘေဲႇဘာန်း၊ ကြောႈဖာဆာ ကာည်း ထုင်မှိူမ်ကတာရ်ႈဒါင်းဟိုက်ဇာရ် ရေဲန်ဟာဝ်းပဲန်ပ္လေါည်လှိုပ်ဂုင် တောန်ဆန်ုမ်ဘည်နီန်၊ ပ္လေါည်လှိုပ်ဂုင်(54)ဆန်ုမ်နီန် ဘည်ကယေင်ရေဲန်ဟာဝ်း ပ္လေါည်ကခေ့ကတားနီန်မိုႈ မောကံပ်ကောန်တဘိုက်ဂဲ ဘယ်ဒေရေဲန်လေႈဘေဲႇဘာန်း ကာည်း ဘယ်ဒေဒါကြောႈဖာဆာအယ် ကတာရ်ႈဒါင်းဇာရ်ဟာဝ်းရအာည်ႇအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists