ဖုင်တီုင်ဘြောင်ချှာင်လှံင်ဂဲ ရေဲန်ပါင်ကမိုန်ကတူႈကငျားတောပ် ဖုင်ရိူရ်ႈတီႇဆ်ုမ်မျံမ်၊ တာဘြောင်ချှာင်ဇံင် ကာည်း တာဘြောင်ရဝ် ပလှံင်အိုမ်ယ်ုရ်
04 July 2026
ဖုင်တီုင်ဘြောင်ချှာင်လှံင်ဂဲ ရေဲန်ပါင်ကမိုန်ကတူႈကငျားတောပ် ဖုင်ရိူရ်ႈတီႇဆ်ုမ်မျံမ်၊ တာဘြောင်ချှာင်ဇံင် ကာည်း တာဘြောင်ရဝ် ပလှံင်အိုမ်ယ်ုရ်
လှံင်အိုမ်ယ်ုရ်၊ ကျံရ်ပူရ်၊ ဆငည်း(4)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဖုင်တီုင်ဘြောင်ချှာင်လှံင်ဂဲ ရေဲန်ပါင်ကမိုန်ကတူႈကငျားတောပ် ဖုင်ရိူရ်ႈတီႇဆ်ုမ်မျံမ်၊ တာဘြောင်ချှာင်ဇံင် ကာည်း တာဘြောင်ရဝ် ကျံရ်ပူရ်၊ ဆငည်း(1)ပလှံင်အိုမ်ယ်ုရ်။
လောင်ရေဲန်ပါင်ကတူႈကငျားဒီန် ဖုင်ရိူရ်ႈတီႇဆ်ုမ်မျံမ်ဂဲ ဘိူည်ရေဲန်ဟာဝ်းလောင်မျံမ်ပဲန်ငါည်ရာင်မာ် ဂေါႇမိုႈအီရေဲန်ဟောမ်မျံမ်ဂဲ တခေါရ်တောပ်ရေဲန်ဟာဝ်းမာ်အာဝ်မိူဝ်ႈ၊ ပ်ုန်ပ္လချအူန်းခေါပြာႇ အီကဆီုဝ်ကဆဲင်လောင်မျံမ်မာ် ကဲအာဝ်တောပ်။ ဂေါပ်ဘည်ဒီန် နှာင်းရဲင်ဘ္လောမ်အာဝ်လိုဒိုႇဂီန်း တောပ်ဟာဝ်းဒေင်နီပိင်ငျာ ရေဲန်ဟာဝ်းမျံမ်အောႏ။
ဆဲႈဒီန် ကမိုန်ဟာဝ်းဘိုးဘည်ကီန်းဒည် လောင်ဒေင်ဘည်ဟာဝ်းႎီရ်၊ ငံရ်ရာင် ကာည်း ငေါႈခံန်ကူမ် ဘည်ရောတ်စော်မ်းဒေဲႈခါဝ်က္လာည်း ဆိင်မှာန်းကညားအီကရိူရ်ႈကယံင်းမျံမ်ဂဲ ထာန်ပ္လချအူန်းငေါႈခံန်မျံမ်(2500)ဒီန် အာဝ်ဆိင်ဒေဲႈယာ့် ကညားအီရိူရ်ႈမျံမ်ဂဲ ရိူရ်ႈမျံမ်အ်ုန်အီဟောည်ႇကယ်ဂဲဒိူန်အောႏ။
အီရံပ်ဇီုင်းကပ္လိူင်းဂဲ ဟိုက်ရောတ်ခေဲင်ပါင်ကတူႈကငျားနီန်း ဘည်တိူဝ်ႈလိူဝ်ႈယိူဝ်းခေဲင်အရာပ်အရာဒီဂေါည်အယ် ကာည်း ဘည်ကတူႈကီန်းဒည် ဟြာင်းကမိုန်ဟာဝ်း။ ခေဲင်ဆန်ုမ်2026နီန် နှာင်းဆီုပ်ရေဲန်ဟာဝ်းဇီုင်းကာန် လှံင်၊ ဇံင် ကာည်း ရဝ်မာ် တခိုည်းဆာယာကတာႈဒါင်းဇာရ်ဟာဝ်းအောႏ။
ခေဲင်ပါင်ကတူႈကငျားဒီန် တာပလိက်အိူင် ခူန်နာန်းဒါင်း တံင်မျံမ်၊ အီရံပ်ဇီုင်းဖုင်တီုင်ဘြောင်ချှာင် လှံင်အိုမ်ယ်ုရ် ခူန်နာန်းနောင်ချို၊ အီရံပ်ဇီုင်းကပ္လိူင်းဖုင်ရိူရ်ႈတီႇဆ်ုမ်ဇီုင်းကာန်မျံမ် ၊ ဖုင်ဂါင်ဆပဲဆငါး ခူန်နာန်းဆမဲင်ရံက်၊ တီုင်ဌာနအိုမ်ဘြည်ကတာည်း ဂေါပ်ခူန်နာန်း မည်းဂေါင်ခြီရ်၊ အီရံပ်ဇီုင်းကပ္လိူင်းခေဲင်တီုင်ဌာန ကာည်း တာဘြောင်ချှာင်ရဝ် ကစုကပိုမ် တိုအီး(40)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists