ခေဲင်လှံင်အိုမ်ယ်ုရ် အူပီအူမေန်း အခိင်ပဲန်ကအေ့ကဇာဝ်းဒီန် ကောန်အီမာည်းအူအီးလီပ်ဒံန်ခြဲ ပဲန်ယံမ်းဟာဝ်း
17 June 2026
ခေဲင်လှံင်အိုမ်ယ်ုရ် အူပီအူမေန်း အခိင်ပဲန်ကအေ့ကဇာဝ်းဒီန် ကောန်အီမာည်းအူအီးလီပ်ဒံန်ခြဲ ပဲန်ယံမ်းဟာဝ်း
အိုမ်ယ်ုရ်၊ ကျံရ်တောရ်၊ ဆငည်း(17)
ဆဒါင်ကုင်တအာင်း
ကုင်တအာင်း၊ ခေဲင်လှံင်အိုမ်ယ်ုရ်၊ ရဝ်ဟဲခံမ်း အူပီအူမေန်း အခိင်ပဲန်ပဋိပက္ခကအေ့ကဇာဝ်း ကောန်အီမာည်းအူအီးစိလီပ်ဒံန်ခြဲဒီန် ဘိူန်းဖေးဘာတ်ယံမ်းဟာဝ်း။
ဘည်ဘာည်းအ်ုန်မိုႈ ကျံရ်တောရ်၊ ဆငည်း(13)၊ အခိင်ရမှိူဝ်(၁10:30)ထာန်နီ တာဝေယံခင်းထူန်း ကာည်း အီပ်ုန်အ်ုန် ပဲန်ပဋိပက္ခကအေ့ကဇာဝ်း။ ဂေါပ်ဘည်ဒီန် တာလှမျိုး အီမိုႈကူန်အီပ်ုန်ဒီန် စိလီပ်ဒံန်ခြဲ ကနာည်နှာင်းဂါရ်အာဝ်ပဲန်ကအေ့ကဇာဝ်း။
အခိင်လီပ်ဒံန်ခြဲဒီန် မာည်းဝေယံခင်းထူန်း စိဒါတာ်င် ကာည်း ဒီဟံပ်ဆေလိပ်ငေါႈ တာလှမျိုး ကတူႈဖေး တကိင် ကာည်း ငါည်အ်ုန် ကတူႈဖေးဘာတ်ဂီုန်းဒါင်းအောႏ။
အ်ုန်အီကတူႈဖေးဘာတ်ဒီန် ဒါႈနှာင်းတိုန်းဟိုက်ပယုင်ဆနံမ်မာ် ဂေါပ်အ်ုန်ကတူႈဖေးဘာတ်ဂီုန်း ပဲန်ယံမ်းဟာဝ်းအောႏ။
ဆဲႈဒီန် ကညားအီလူည်ႇဟာဝ်းလောင်အမှုဒီန် ဂေါပ်အ်ုန်ဒဲဝ်ႈလေႈဒါဂါင် ကနာည်နှာင်းဘိူန်းတိုည်းချော်န်းချော်န်း ဖုင်ပလိက်ကုင်တအာင်းဂဲ တောပ်စေတ်ဆေတောန်ဒီအောႏ။
မိုႈဘို ဘံနဟောည်ႇဒေဲႈ ကျံရ်ဖံန်၊ ဆငည်း(2)ဒီူန်မာ် ကောန်အီမာည်း(3)အီး ပဲန်ကအေ့ကဇာဝ်း ကောန်အီမာည်းအူအီး လီပ်ဒံန်ခြဲဒိူန် ကတူႈဖေးဘာတ်ယံမ်းဟာဝ်း။
#PSLF/TNLA
#တီုင်ပ္လေႈလေႈဆဒါင်
Comment Lists