08 June 2026

ကောင်ဆံရ်ခေါခါႇကုငတအာင်း-THC ကာည်း THO ကပိုမ်ဒေ ဘယ်ထိုးဟောည်ႇဒဲႈဆနံမ်းဒံန်ခြဲ တကောန်ဒဲႇ(5562)အီး ကာည်း  ကာည်း မာကောန်ဒဲႇဂေါည်တိုဇံန်(331)အီး ပလှံင်အိုမ်ယ်ုရ် ကာည်း လှံင်အိုမ်ငျံရ်

အိုမ်ယ်ုရ်၊ ကျံရ်တောရ်၊ ဆငည်း(8)
ဆဒါင်ကုင်တအာင်း

ကုင်တအာင်း၊ အိူင်အိုမ်ယ်ုရ် ကာည်း ခေဲင်အိူင်ရူကော ကောင်ဆံရ်ခေါခါႇကုငတအာင်း-THC ကာည်း THO ဆော်အွံရ် ကပိုမ်ဒေ ဘယ်ထိုးဟောည်ႇဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ကောန်ဒဲႇ(5562)အီး ကာည်း  ကာည်း မာကောန်ဒဲႇဂေါည်တိုဇံန်(331)အီး ပလှံင်အိုမ်ယ်ုရ် ကာည်း လှံင်အိုမ်ငျံရ်။

ပလှံင်အိုမ်ယ်ုရ်၊ ဘံန်ဟောည်ႇဒေဲႈ ကျံရ်ဖံန်၊ ဆငည်း(25) ‌ရောတ် ဆငည်း(29) ဘယ်ထိုးဒဲႇဆဆနံမ်းဒဲန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကောန်ဒဲႇ (4184)အီး ကာည်း မာကောန်ဒဲႇ‌ဂေါည်တိုဇံန် (318)အီး ပယုင်ဆနံမ်ဒါင်းလှံင်အိုမ်ယ်ုရ်။

မိုႈဘိုး ပလှံင်အိုမ်ငျံရ်မာ် ကျံရ်ဖံန်၊ ဆငည်း(22) ‌ရောတ် ဆငည်း(26) ပယုင်ဆနံမ်ဒါင်းလှံင်အိုမ်ငျံရ် ဟောည်ႇဘယ်ထိုးဒဲႇဆဆနံမ်းဒဲန်ခြဲ တကောန်ဒဲႇအဆာက်(5)ဆန်ုမ်လေႈရခြူမ် ကောန်ဒဲႇ (889)အီး ကာည်း မာကောန်ဒဲႇ‌ဂေါည်တိုဇံန် (5)အီး။ ကျံရ်ဖံန်၊ ဆငည်း(24) ရောတ် ဆငည်း(27)ဒိူန် ဟောည်ႇဘဉ်ထိုးဒဲႇဆနံမ်းဒံန်ခြဲ တကောန်ဒဲႇအဆာက်(5)ဆန်ုမ်လေႈရခြူမ် (489)အီး ကာည်း တမာကောန်ဒဲႇဂေါည်တိုဇံန်(8)အီး ပယုင်ဆနံမ်ဒါင်းလှံင်ရူကော။

ဆနံမ်းပ်ုန်ထိုးဒဲႈဟာဝ်းမိုႈ BCG Vaccine(ဆနံမ်းဒံန်ခြဲရောဂါတီဘီ)၊ IPV Vaccine(ဆနံမ်းဒံန်ခြဲရောဂါဆနာႇယံမ်း ပိုလီယို)၊ Pentavalent Vaccine (ဆနံမ်းဒံန်ခြဲဖံန်မျိုးကစာပ် ဆနံမ်းဆိုင်ဆိုနာ၊ ဆနံမ်းကအိုက်၊ ဆနံမ်းဘီရ်တိုပိုင်း၊ ဆနံမ်းယံင်တာ်န်းဂါ်ႈပိုင်းနောႈ(Bပိုး))၊ ဆနံမ်းရောဂါ ဆဲဝ်ခေဲင်ဟောႇ ၊ MMR Vaccine(ဆနံမ်းဒံန်ခြဲ ရောဂါကလာအာႈ)၊ JE Vaccine( ဆနံမ်းဒံန်ခြဲ ရောဂါဟောႇတာ်န်း) ကာည်း ကနာည်မာကောန်ဒဲႇတိုဇံန် Td Vaccine(ဆနံမ်းဒံန်ခြဲ ဘီရ်တိုပိုင်းကာည်း ဆိုင်ဆိုနာ)ကဲနီန်အောႏ။

ကခံပ်ကယည်ထိုးဒဲႈဆနံမ်းဒံန်ခြဲနီန် ပ်ုန်ကယေင်မိုႈ နှာင်းဘယ်ဒံန်ခြဲ ဘည်ကတံက်ရောဂါ တကောန်ဒဲႇဂဲ၊ နှာင်းကောန်ဒဲႇဂဲ ကတာရ်ႈဒါင်းဇာရ်ဒေဲႈမှယ်နီန် ကာည်း မောဟောႇဂဲ ကံပ်ကတာရ်ႈဒါင်းဇာရ်ဒေဲႈအောႏ။

ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-THCဂဲ နှာင်းရံပ်လာည်းဟာဝ်းဇီုင်းကာန် ထိုးဒဲႈဆနံမ်းဒံန်ခြဲ ကနာည်‌ခေါခါႇ ကောန်ဒဲႇ ကာည်း တမာကောန်ဒဲႇဂေါည်တိုဇံန်ဂဲဒိူန်အောႏ။

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း