တံပ်အွံရ်ပ်ုန်လောတ်ကပီုန်တအာင်း-PSLF/TNLA ကောန်ဆီုက်/ကောန်နာန်း ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ကဲပ်ညှိူဝ်ခေဲင်ရောင်အိုမ် ပလှံင်ရူကော
29 May 2026
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကောန်ဆီုက်/ကောန်နာန်း ကာည်း ကူန်ရဝ်မာဂါင်ဂဲ ကစုကပိုမ်ဒေ ရေဲန်ဟာဝ်းဆပဲဆငါး ကဲပ်ညှိူဝ်ခေဲင်ရောင်အိုမ် ပလှံင်ရူကော
ရူကော၊ ကျံရ်ဖံန်၊ ဆငည်း(29)
ဆဒါင်ကုင်တအာင်း
ကုင်တအာင်း၊ အိူင်ရူကော၊ ပလှံင်ရူကော တံပ်အွံရ်ပ်ုန်လောတ်ကပီုန်တအာင်း-PSLF/TNLA ခေဲင်တီုဌာနကောန်ဆီုက်/ကောန်နာန်းဂဲ ကာည်း ကူန်ရဝ်မာဂါင် ကစုကပိုမ်ဒေ ရေဲန်ဟာဝ်းဆပဲဆငါး ကဲပ်ညျှိူဝ်ခေဲင်ရောင်အိုမ် ဆငည်း(27)ဒိူန်အောႏ။
ရောင်အိုမ်ဒီန် တောန်ဆန်ုမ်ဆာ်ရောတ်အခိင်က္လာင်း ပဲန်ဟာဝ်းအိုမ်ဒါင်း ဂေါပ်ဘည်ဒီန် ဖုင်ဆပဲဆငါးဂဲ ကာည်း တောန်တီုင်ဌာန ဆာ်အွံရ် ကယေင်ကနာည် ကူန်ရဝ်မာဂါင်ဂဲ လောတ်ဒါႇဖေးအန္တရာယ်အိုမ်ဒါင်း ကစုကပိုမ်ဒေ တောပ်ကူန်ရဝ်မာဂါင်ဂဲ ရေဲန်ဟာဝ်းဆပဲဆငါး။
ညျှိူဝ်၊ ခါည်၊ ခေဲင်ရောင်အိုမ်ဒီန် တံင်ဟေအီလာက်ရီမ်းဒေတောန်ဒီန်မာ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ခေဲင်တီုဌာနကောန်ဆီုက်/ကောန်နာန်းဂဲ ကာည်း ကူန်ရဝ်မာဂါင် ကစုကပိုမ် ထာန်ဂေါည်တိုအီး(100)အီလေႈ ရေဲန်ဟာဝ်းဆပဲဆငါးအောႏ။
ဘံန်ဟောည်ႇဒေဲႈ ဆန်ုမ်2025၊ ကျံရ်ဖိုန်၊ ဆငည်း(8) ပလှံင်ရူကော ပရောင်အိုမ်ဒီန် ပဲန်ဟာဝ်းအိုမ်ဒါင်း တံပ်အွံရ်ပ်ုန်လောတ်ကပီုန်တအာင်း-PSLF/TNLA ခေဲင်တီုဌာနကောန်ဆီုက်/ကောန်နာန်းဂဲ အီဂေါည်ခေဲင်လှံင်ရူကော ကာည်း ကူန်ရဝ်မာဂါင် ကစုကပိုမ် ရေဲန်ဟာဝ်းဆပဲဆငါး။
#PSLF/TNLA
#တီုင်ပ္လေႈလေႈဆဒါင်
Comment Lists