ကျောင်ဘော်ဒါပ္လါင်ကမာည်း(N.S.E.C)ပ်ုန်ဝိူဝ်ႈအူန်း ပလှံင်ရူကော ဇူႈလာက်ခါမ်ဟာဝ်း ကောန်ကျောင်ကမာည်း
23 May 2026
ကျောင်ဘော်ဒါပ္လါင်ကမာည်း(N.S.E.C)ပ်ုန်ဝိူဝ်ႈအူန်း ပလှံင်ရူကော ဇူႈလာက်ခါမ်ဟာဝ်း ကောန်ကျောင်ကမာည်း
ရူကော၊ ကျံရ်ဖံန်၊ ဆငည်း(23)
ဆဒါင်ကုင်တအာင်း
ကုင်တအာင်း၊ ခေဲင်လှံင်ရူကော ပ်ုန်ဝိူဝ်ႈအူန်း ကျောင်ဘော်ဒါပ္လါင်ကမာည်း(New Sunshine Education Centre - N.S.E.C)ဘ်ုန်နှာင်းရောတ်ဒေဲႈ ဆန်ုမ်ပနောဘေဲႇ 2026-2027 ဇူႈလာက်ခါမ်ဟာဝ်း ကောန်ကျောင်တအာင်းကမာည်း။
ရိူရ်ႈလေႈပ္လါႇဘေဲႇဒါႈ ခေဲင်ဆန်ုမ်ပနောဘေဲႇ-2026 နှာင်းလာက်ခါမ်ဟာဝ်းလိူည် ကောန်ကျောင်အီအံင်ချှံန်ဇာရ် (150)အီး ကာည်း ကောန်ကျောင်အံင်ချှံန်ကဒည်း (50)အီး အောႏ။
အီရံပ်ဇီုင်းကပ္လိူင်း ခေဲင်ကျောင်ဘော်ဒါပ္လါင်ကမာည်း(N.S.E.C)ပ်ုန်ဝိူဝ်ႈအူန်းဒီန် အာဝ်ဝံန်းလိူည်ပနောဘေဲႇကျောင် ကနာည်ပ်ုန်နံပ်ပ်ုန်ဆမား ကောန်ကျောင်ဂဲ ကတာရ်ႈဒါင်းဇာရ် ပနောဟာဝ်း ဘေဲႇလူမ်တအာင်း ကာည်း ပဘိုးဟံပ်ဖာဆာ English Speakingအောႏ။
“ဘည်အနှေအော အ်ုန်အာဝ်ဝံန်းပနောဘေဲႇကျောင် ဘိူန်းပနောဟာဝ်းဘို ဘေဲႇလူမ်တအာင်း ကာည်း English Speakingနီး ကနာည် ကောန်တဘိုတ်တအာင်းဂဲ ကတာရ်ႈဒါင်းဇာရ် လံပ်ပိင်ငျာ ကာည်း ကြောႈဖာဆာနီန် မိုႈဒေင်ပဲန်အူလှေ။
ဆဲႈဒီန် အနှေအဆီုဝ်ကူန်ရဝ်မာဂါင်ဂဲ ကနာည်လံပ်ပိင်ငျာကောန်ႎါကတာရ်ႈဒါင်းဇာရ် ဇူႈကျံရ်ဖံန်၊ ဆငည်း(25) ဟောည်ႇဘိူန်းအံပ်ကျောင် တကျောင်ဘော်ဒါပ္လါင်ကမာည်း(N.S.E.C)ပ်ုန်ဝိူဝ်ႈအူန်း ပလှံင်ရူကောအောႏ။
လောင်ကဆီုဝ်ကဆဲင် ကနာည်ခေါပ်ပြာႇ ကာည်း ရူရ်ႈလံပ် ကျောင်ဘော်ဒါဒီန်မာ် ဘိူန်းအူန်းကဆီုပ်ကဘာဆမွံတ် တကျောင်ဘော်ဒါပ္လါင်ကမာည်း(N.S.E.C)ပ်ုန်ဝိူဝ်ႈအူန်း ပလှံင်ရူကောအောႏ။
ဘည်ပ်ုန်ကယေင်ႎိူဝ်ႈကျောင်ဘော်ဒါပ္လါင်ကမာည်း(N.S.E.C)နီန် ပိင်ငျာ၊ ကနာည်ကောန်တအာင်းဂဲ ကတာရ်ႈဒါင်းဇာရ်မှည်နီး။
#PSLF/TNLA
#တီုင်ပ္လေႈလေႈဆဒါင်
Comment Lists