ႎိူဝ်ႈဟောည်ႇဟာဝ်း ႎါင်ပနော စြေးခမို ကာည်း စြေးဇံင် လိူဝ်ႈ(9) ပလှံင်အိုမ်ယ်ုရ်
22 May 2026
ႎိူဝ်ႈဟောည်ႇဟာဝ်း ႎါင်ပနော စြေးခမို ကာည်း စြေးဇံင် လိူဝ်ႈ(9) ပလှံင်အိုမ်ယ်ုရ်
အိုမ်ယ်ုရ်၊ ကျံရ်ဖံန် ဆငည်း(22)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဆာ်ႈအွံရ် ႎိူဝ်ႈဟောည်ႇဟာဝ်းႎါင်ပနော စြေးခမို ကာည်း စြေးဇံင် လိူဝ်ႈ(9) ခည်မိုႈ ကျံရ်ဖံန် ဆငည်း(17) ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ပ္လေါည်ႎိူဝ်ႈပနောနီန် တားတီုင်ဘြောင်ချှာင်အိူင်အိုမ်ယ်ုရ်၊ တာမ်ခူန်အွံရ်ဒါင်း တားပါင်ဟည် ဟိုက်ရောတ် က္လာင်းကြောႈတံမ်း ဝါည်ဒီန် ခူန်နာန်း အုင်ကျော် ကဘ္လာင်းဆာင်လာင်းဟာဝ်း အီကဆီုဝ်ကဆဲင် ဘာည်းမိုႈ ႎါင်ပနောနီန်။
ႎါင်ပနောနီန် ကောန်ႎါင်ပနောအီမာည်း(24)အီး ကာည်း အီပ်ုန်(11)အီး ကစုကပိုမ်(35)အီး ဟိုက်ရောတ်ဒေဲႈ၊ ႎါင်ပနောနီန် နံင်ပနောဟာဝ်းလှေင်(1)ကျံရ်။
ဆဲႈဒီန် ပ္လေါည်ႎိူဝ်ႈႎါင်ပနောနီန် PSLF/TNLA တားတီုင်ဘြောင်ချှာင်အိူင်အိုမ်ယ်ုရ် တာမ်ခူန်အွံရ်ဒါင်း တားပါင်ဟည် ၊ တားလှံင်အိုမ်ယ်ုရ် ခူန်နာန်းနောင်ချှို၊ အီရံပ်ဇီုင်းကပ္လိူင်တီုင်ဌာနဂဲ ကာည်း အီဟိုက်ႎါင်ပနောဂဲ ကစုကပိုမ်(50)အီး ဟိုက်ရောတ်ဒေဲႈ။
ဘည်ကယေင်ႎိူဝ်ႈဟာဝ်း ႎါင်ပနောနီန်မိုႈ မောကံပ်ဘယ်ရေဲန်ထာမ်းဇီုင်းကာန် ဘည်ပ္လအူန်း မူဝါဒ ကာည်း ဇီုင်းကာန် နှာင်းချာ်န်းရောတ်စာ်မ်းဒီ၊ မောကံပ်ဘယ်ရေဲန်ကပါ်ႇကပံန် ဇီုင်းကာန်လံပ်ဘြောင်ချှာင်ကတီးကရီး ကာည်း ကဆီုဝ်အီထာမ်းဇီုင်းကပ္လိူင်လံပ်ဘြောင်ချှာင် ဘ္လံက်ချှံန်၊ အခွါင်းဘိူန်းရေဲန်ကဲ ကာည်း ဘည်လိုဆဖောနံပ် ဇီုင်းကပ္လိူင်ရေဲန်အယ် မောကံပ်ဘယ်ပဇာရ်ဟာဝ်းနိုက်နိုက် ဇီုင်းကပ္လိူင်အယ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists