PSLF/TNLA တီုင်ဌာနဂဲ ကစုကပိုမ် ဟာဝ်းတီႇဆ်ုမ်တံင်ပိုႈ၊ တံင်ပ္လေ တေဲင်ဆိုရ်ကဒံင်ဖြား လှံင်အိုမ်ယ်ုရ်
18 May 2026
PSLF/TNLA တီုင်ဌာနဂဲ ကစုကပိုမ် ဟာဝ်းတီႇဆ်ုမ်တံင်ပိုႈ၊ တံင်ပ္လေ တေဲင်ဆိုရ်ကဒံင်ဖြား လှံင်အိုမ်ယ်ုရ်
အိုမ်ယ်ုရ်၊ ကျံရ်ဖံန် ဆငည်း(18)
ဆဒါင်ကုင်တအာင်း
ကျံရ်ဖံန် ဆငည်း(15)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ် ဟာဝ်းတီႇဆ်ုမ် တံင်ပိုႈ၊ တံင်ပ္လေ(1000)လှိူဝ်း တေဲင်ဆိုရ်ကဒံင်ဖြား ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ဘည်ကယေင်ရေဲန်တီႇဆ်ုမ်ဟာဝ်း တံင်ပိုႈ၊ တံင်ပ္လေနီန်မိုႈ ကနာည်ခေဲင်ဇီုင်းကာန်ဆဖာဝ အရာပ်အရာလံပ်ဆာယာချှီႇတခိူည်း ကနာည်ဘယ်ထိင်ခြဲ ဆဖာဝအရာပ်အရာဟိုက်ဇာရ် ကာည်း ထုင်မှိူမ်ထုင်ရိုဘိုဇေန် မောကံပ်ဆာယာချှီႇတခိူည်း ဒါင်းဒါင်းအ်ုန် တီဆ်ုမ်ဟာဝ်း တံင်ပိုႈဆေင်ပါန်း၊ ပိုႈစေင် ကာည်း ကာမ်ကော်ကဲနီန်။
ဆဲႈဒါႇဒီန် ပ်ုန်တီႇဆ်ုမ်ဟာဝ်းနီန် နှာင်းတိုဆံတ်ကဲ အာဝ်ဘိူန်းလီပ်ကဝ် ကနာည်ဘယ်ဒံန်ခြဲတံင်ပိုႈ၊ တံင်ပ္လေကဲနီန် ရေဲန်ခြဲကပါ်ႇကပံန်ဒဲႈဟာဝ်း။ ဇီုင်းကာန်တီႇဆ်ုမ်နီန် ကူန်ရဝ်မာဂါင်ဂဲမာ် လီပ်ကရောမ်ရေဲန်တောပ်ဟာဝ်း။
PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်တိုအီး(200)လှိူဝ်း ရောတ်ဒေဲႈ ကရောမ်တီႇဆ်ုမ်ဟာဝ်း။
မောကံပ်ဆဖာဝအရာပ်အရာ ဆာယာချှီႇတခိူည်း ကာည်း မောကံပ်ဘိူန်းရလှဲဝ်ဒါဒီလှု PSLF/TNLA ဆာ်ႈအွံရ် ဆီုပ်တီႇဆ်ုမ်ဟာဝ်းဘိုး ပိုႈစေင်၊ ကာမ်ကော်၊ ခယေ၊ ဆေင်ပါန်းလ၊ ဆေင်ခိုပါန်း၊ ရေသင်းဝင်၊ ငုဝါ၊ ငုရွှေ၊ ငုစပ်၊ သပြေဘူတ၊ ပိတောက်၊ အုန်းပွါး ကာည်း အာကျုံးလမ်းကဲနီန်။
ဇီုင်းကာန်တီႇဆ်ုမ် တံင်ပိုႈ ကာည်း တံင်ပ္လေနီန် နှာင်းတီႇဆ်ုမ်ဟာဝ်း ပလှံင်အိုမ်ယ်ုရ် တံင်ဟေ(15270)ကတံင်၊ ပလှံင်ရူကော တံင်ဟေ(6900)ကတံင်၊ ပလှံင်အိုမ်ငျံရ် တံင်ဟေ (12300)ကတံင်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists