PSLF/TNLAဖုင်ဆပဲဆငါး ဆာ်ႈအွံရ်ဝီရ်ဘြဲဆားဒေင် ကာည်း ကပု အ်ုန်အီလူလှဲဝ်ႏ ခေဲင်ဇံင် လှံင်အေဲမ်ခြီရ်
12 May 2026
PSLF/TNLAဖုင်ဆပဲဆငါး ဆာ်ႈအွံရ်ဝီရ်ဘြဲဆားဒေင် ကာည်း ကပု အ်ုန်အီလူလှဲဝ်ႏ ခေဲင်ဇံင် လှံင်အေဲမ်ခြီရ်
အေဲမ်ခြီရ်၊ ကျံရ်ဖံန် ဆငည်း(12)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ခြီရ် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ဆပဲဆငါး ဆာ်အွံရ်ဝီရ်ဘြဲဆား ဒေင် ကာည်း ကပု အ်ုန်အီလူလှဲဝ်ႏ ပဲန်ဒေင်ကွန်ကရစ် ဘည်ကယေင်ဘြဲဆားဒေင်ခေဲင်ဇံင်ကဲနီန်မိုႈ နှာင်းမိူဝ်ႈလံပ်ကတ်ုမ် တကူန်ရဝ်မာဂါင်ဂဲ ဘိူန်းဒါဟာဝ်းဝီရ်ကတီးကရီး။
ဖုင်ဆပဲဆငါးဂဲ ဘံန်ဟောည်ႇဒေဲႈ ကျံရ်ဖိုန် ရောတ် ကျံရ်ဖံန်နီန် အီမိုႈခေဲင်လှံင် ဇံင်ဆယေးတာန်း ကာည်း ဇံင်မာန်နား ဘြဲဆားဟာဝ်း ဒေင်(2)လှေ၊ ကပု(2)လှေ ကာည်း ကိူဝ်ႈရေဲန်ဒဲႈဟာဝ်း ရောင်အိုမ်။
ဇီုင်းကာန်ဝီရ်ဘြဲဆားကဲဒီန် ဟောည်ႇဝီရ်ဘြဲဆားရေဲန်ဟာဝ်း ခေဲင်ဇံင်ဆယေးတာန်း ဒေင်(1)လှေ၊ ကပု(1)လှေ၊ ႎါည်ဟောည်ႇဝီရ်ဘြဲဆားရေဲန် ဒေင် ကာည်း ကပုဒီန် ဘည်ဟာဝ်းဝီရ် ကူန်ရဝ်မာဂါင်ဂဲမာ် မိူဝ်ႈဒေဲႈလံပ်တ်ုမ်မှယ်အာည်ႇနီန်။
ဘည်ကဇေန်နီး ဆီုပ်ရေဲန်ဟာဝ်းအူန်း ဒေင်(1)လှေ၊ ကပု(1)လှေ ကာည်း ဇီုင်းကာန် ဘည်ကိူဝ်ႈရောင်အိုမ်ကဲနီန် အီကီုတ် ခေဲင်ဇံင်မာန်နား။
မိုႈဘိုး ဘံန်ဟောည်ႇဒေဲႈ ကျံရ်ဖိုန် ဆငည်း(28)ဒိူန်မာ် ဖုင်ဆပဲဆငါးဂဲ ဆာ်ႈအွံရ် ဟောည်ႇဝီရ်ဘြဲဆား ရေဲန်ဒဲႈဟာဝ်း ဒေင် ချှဲယ်ရီခေဲင်ဇံင်မျိုးမ ကာည်း ဇံင်အံင်ချှံမ်တာ ပလှံင်ရူကော။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ကဆီုဝ်ဖုင်ဆပဲဆငါးဂဲ ပ်ုန်ကယေင် ပဇာရ်ရေဲန်ဒဲႈဟာဝ်း မောဇီုင်းကာန်ကတာရ်ႈဒါင်းဟိုက်ဇာရ် ကာည်း ကူန်ရဝ်မာဂါင်ဂဲ ဘိူန်းဒါဟာဝ်းဝီရ် ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists