ရေဲန်ဟောည်ႇပ္လေါည်ႎိူဝ်ႈႎါင်ပနော ဘည်အွံရ်ကောန်အီပ်ုန် ကျောင်(SheLeads Academy) လိူဝ်ႈ(1)
07 May 2026
ရေဲန်ဟောည်ႇပ္လေါည်ႎိူဝ်ႈႎါင်ပနော ဘည်အွံရ်ကောန်အီပ်ုန် ကျောင်(SheLeads Academy) လိူဝ်ႈ(1)
အိုမ်ယ်ုရ်၊ ကျံရ်ဖံန် ဆငည်း(7)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ် ဘံန်ဟောည်ႇဒေဲႈ ကျံရ်ဖံန် ဆငည်း(4)ဒိူန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ် ဆာ်ႈအွံရ်ရေဲန်ဟောည်ႇပ္လေါည်ႎိူဝ်ႈႎါင်ပနော ဘည်အွံရ်ကောန်အီပ်ုန် ကျောင်(SheLeads Academy) လိူဝ်ႈ(1)။
ကခံပ်ကယည်ပ္လေါည်နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်ကျော်၊ တာမ်အီအွံရ်(1) ကောင်ဆံရ်ကုင်တအာင်း ဒီဒီမိုခံမ်၊ အီရံပ်ဇီုင်းကပ္လိူင်တီုင်ဌာနဂဲ ကာည်း ကူန်ရဝ်မာဂါင်ဂဲ ကစုကပိုမ်(75)အီး ဟိုကရောတ်ဒေဲႈ။
ကျောင်ႎါင်ပနောဘည်အွံရ်ကောန်အီပ်ုန်နီန် ကဆီုဝ်ဘည်ဘ္လအီဘိူန်းဟိုက်မိုႈ အဆာက်(18)ဆန်ုမ် ရောတ် အဆာက်(27)ဆန်ုမ် ကဆီုဝ်ဘည်ဘ္လလံပ်ပိင်ငျာ အီမိုႈလံပ်ပိင်ငျာဆနီတ်ပြီမ် လိုမိုႈအီအံင်(10)တာန်း ကာည်း လံပ်ပိင်ငျာဆနီတ်ကမာည်း လိုမိုႈအီအံင် Grade (12)တာန်း ။
ကျောင်ႎိူဝ်ႈပနော လိူဝ်ႈ(1)နီန် ကောန်ကျောင်အီဟိုက်ဂေါည်(10)အီး နံင်ကကာႈပဲန် Semester (3)လှေ ပနောဟာဝ်းလှေင်(26)ကျံရ်။ ခေဲင်ဇိုချီုင်ႎါင်ပနောနီန် နံင်ပနောဟာဝ်း တံင်ရျံရ်ႈအခွါင်းအရေးတိုအီး ကာည်း ဘည်အခွါင်းအရေးကောန်အီပ်ုန်၊ ဘေဲႈအိင်ဂလိက် ကာည်း ဘည်လိုကတာရ်ႈဒါင်းဟိုက်ဇာရ် တိုပြီမ်အယ်အောႏ။
ဘည်ပ်ုန်ကယေင်ႎိူဝ်ႈကျောင်နီန်မိုႈ ခေဲင်ဖုင်ကပါင်း တံပ်အွံရ်ပ်ုန်လောတ်ကပီုန်တအာင်း-PSLF/TNLA မောကံပ်ဘယ်ကဖြောမ်ကရောမ်ရေဲန်တောပ်မှယ်နီန် ကာည်း မောကံပ်မိူဝ်ႈအီဘယ်ဆာ်ႈအွံရ် အခါန်းကဏ္ဍတောန်နဲ၊ ကဏ္ဍကောန်အီပ်ုန်၊ ကဏ္ဍလံပ်အရေးတီုင်ကုင် ကာည်း ဇီုင်းကာန်ဘည်ဘ္လမူဝါဒကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists