ဖုင်ဘေဲႇတအာင်း-TLA ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပဇာရ်ပ်ုန်နံပ်ဆမား ပဲန်ဆြာပနောဘေဲႇတအာင်း လိူဝ်ႈ(1)
06 May 2026
ဖုင်ဘေဲႇတအာင်း-TLA ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပဇာရ်ပ်ုန်နံပ်ဆမား ပဲန်ဆြာပနောဘေဲႇတအာင်း လိူဝ်ႈ(1)
အေဲမ်ခြီရ်၊ ကျံရ်ဖံန် ဆငည်း(6)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ် ဖုင်ဘေဲႇတအာင်း-TLA ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပဇာရ်ပ်ုန်နံပ်ဆမား ပဲန်ဆြာပနောဘေဲႇတအာင်း လိူဝ်ႈ(1)။
ႎါင်ပနောပဇာရ်ပ်ုန်နံပ်ဆမား ပဲန်တာဆြာ/ယာဆြာနီန် ဇူႈႎိူဝ်ႈဟာဝ်း ဘံန်ဟောည်ႇဒေဲႈ ကျံရ်ဖိုန် ဆငည်း(21)ဒိူန် ရောတ် ကျံရ်ဖံန် ဆငည်း(2)ဒိူန် ပဟာဝ်းလှေင်(12)ကျံရ်။ ခေဲင်ႎါင်ပနောနီန် တာဆြာ/ယာဆြာ ကစုကပိုမ်ဂေါည်(23)အီး ဟိုက်ဒေဲႈပနော။
ႎါည်ဒီန် ဖုင်ဘေဲႇတအာင်း-TLA ချဒဲႈဟာဝ်းဆု တာဆြာ/ယာဆြာဂဲ အီလှဲမ်ဘေဲႇ ခေဲင်ဇိုချီုင်ႎါင်ပနော၊ အာပ်ဒဲႈဟာဝ်းလာက်မှာတ်ပဲန်ဆြာ (Certificates) တတာဆြာ/ယာဆြာဂဲ အီဟိုက်ဟောည်ႇ အံင်ႎါင်ပနောနီန်။
ပ္လေါည်ပ္လိုတ်ႎါင်ပနောနီန် အီရံပ်ဇီုင်းကပ္လိူင် ဖုင်ဘေဲႇတအာင်း-TLAဂဲ၊ ကောန်ႎါင်ပနောဂဲ ကာည်း တောပ်ဘိုး တာဆြာ/ယာဆြာ အီပနောဒဲႈဂဲ ကစုကပိုမ်ဂေါည်(40)အီးလှိူဝ်း ဟိုက်ဒေဲႈ။
ႎါင်ပနောပဇာရ်ပ်ုန်နံပ်ဆမား လိူဝ်ႈ(1)နီန် အီဟိုက်ဒေဲႈ တာဆြာ/ယာဆြာဂဲ မိုႈ အီဟောည်ႇဟိုက်ဒေဲႈ ပ်ုန်ဆာ်ႈအွံရ်ႎိူဝ်ႈဒေဲႈ ဖုင်ဘေဲႇတအာင်း-TLAဂဲ ႎါင်ပနောပဲန်ဆြာ (TOT) လိူဝ်ႈ (1)၊ လိူဝ်ႈ (2)၊ လိူဝ်ႈ (3) လိူဝ်ႈ(4) ကာည်း လိူဝ်ႈ (5) ကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists