PSLF/TNLA ဖုင်ဆပဲဆငါး ဆာ်ႈအွံရ် ဝီရ်ဘြဲဆားဒေင်အ်ုန်အီလူလှဲဝ်ႏ ခေဲင်ဇံင် လှံင်ရူကော မောကံပ်ပဲန်ဒေင်ကွန်ကရစ်
06 May 2026
PSLF/TNLA ဖုင်ဆပဲဆငါး ဆာ်ႈအွံရ် ဝီရ်ဘြဲဆားဒေင်အ်ုန်အီလူလှဲဝ်ႏ ခေဲင်ဇံင် လှံင်ရူကော မောကံပ်ပဲန်ဒေင်ကွန်ကရစ်
ရူကော၊ ကျံရ်ဖံန်၊ ဆငည်း(6)
ဆဒါင်ကုင်တအာင်း
ကုင်တအာင်း၊ အိူင်ရူကော၊ လှံင်ရူကော၊ တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ဆပဲဆငါး ဆာ်ႈအွံရ် ဝီရ်ဘြဲဆားဒေင်အ်ုန်အီလူလှဲဝ်ႏ ခေဲင်ဇံင် မောကံပ်ပဲန်ဒေင်ကွန်ကရစ် နှာင်းကူန်ရဝ်မာဂါင်ဂဲ ကံပ်ဘိူန်းဒေဒါဟာဝ်းဝီရ်ငှိူည်တောန်ဆငည်း။
ဆန်ုမ်2026 ဇူႈကျံရ်အိုည် ဆငည်း(3)ဒိူန် ရောတ် ကျံရ်ဖိုန် ဆငည်း(၂၈)ဒိူန် ဒေင်အ်ုန်အီလူလှဲဝ်ႏ ခေဲင်ဇံင် လှံင်ရူကော ဘြဲဆားတာရ်ႈပဲန် ဒေင်ကွန်ကရစ် ကာည်း ဝီရ်ကိူဝ်ႈရေဲန်ဟာဝ်းဘိုး ရောင်အိုမ်။
ဒေင်ပ်ုန်ဝီရ်ဘြဲဆားရေဲန်ဟာဝ်းကဲဒီန်မိုႈ ဇံင်မျိုးမ ဒေင်ချှဲယ်ရီ ကာည်း ဒေင်ဇံင်အံင်ချှံန်သာ ႎါည်ဝီရ်ဘြဲဆားရေဲန်ဟာဝ်းဒေင်ကဲဒီန် ကူန်ရဝ်မာဂါင်ဂဲမာ် ဟည်ဘိူန်းဒါဟာဝ်းဝီရ်ငှိူည် ကာည်း မိူဝ်ႈလံပ်ကတ်ုမ်မှယ်အာည်ႇနီန်။
ဆဲႈဒါႇဒီန် ကျံရ်ဖိုန် ဆငည်း(22)ဒိူန်မာ် ခေဲင်ဇံင်မျိုးမ ဇိုချီုင်ဘြည်က္လာည်းနီန် မောအိုမ်ကံပ်ဘိူန်းလှည်လေႈတေဲင်ဒေင်ကတီးကရီး ကာည်း မောဒေင်ကံပ်အာဝ်လူလှဲဝ်ႏ ကိူဝ်ႈရေဲန်ဟာဝ်းရောင်အိုမ်၊ ဆာင်လာင်းတောႈဝါႈဟာဝ်းဘြည်ယူပ် ကာည်း ညိူဝ်တောပ်ဒေင်ဒါင်း။
ကဆီုဝ်ဖုင်ဆပဲဆငါးလှံင်ဂဲ ဘည်ကဇေန်နီး ကဲဆီုပ်ရေဲန်ဟာဝ်းအူန်း အီကီုတ်အူန်း ပ်ုန်လိုဘြဲဆားဒေင်၊ ကပု၊ ဒီလိုကိူဝ်ႈရောင်အိုမ် ကာည်း ဇီုင်းကာန်ဘည်လိုရေဲန်ဒေင်ဒဲႈအ်ုန်ကဝါႈ ခေဲင်လှံင်ရူကော။
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဘည်ကဆီုဝ်ဖုင်ဆပဲဆငါးဂဲ ပ်ုန်ကယေင် ရေဲန်ဒဲႈဟာဝ်း မောကူန်ရဝ်မာဂါင်ဂဲ ကံပ်ဘိူန်းဟာဝ်းဝီရ်ငှိူည် ကာည်း မောဇီုင်းကာန်ကံပ်ကတာရ်ႈဒါင်းဟိုက်ဇာရ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists