ကုင်တအာင်း ခေဲင်ကျံရ်ဖိုန်နီး ဖုင်ပလိက်ကုင်တအာင်းဂဲ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(5)အီး ကာည်း တိုအီးခံင်ယိူည်ႇ(9)အီး
04 May 2026
ကုင်တအာင်း ခေဲင်ကျံရ်ဖိုန်နီး ဖုင်ပလိက်ကုင်တအာင်းဂဲ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(5)အီး ကာည်း တိုအီးခံင်ယိူည်ႇ(9)အီး
အိုမ်ယ်ုရ်၊ ကျံရ်ဖိုန်၊ ဆငည်း(28)
ဆဒါင်ကုင်တအာင်း
ကုင်တအာင်း ခေဲင်ကျံရ်ဖိုန်နီး ဖုင်ပလိက်ကုင်တအာင်းဂဲ ဘိူန်းတိုည်းတိုအီး ကဇိူရ်ႈကယံင်းခံင်ယိူည်ႇ(4)အီး ကာည်း တိုအီးခံင်ယိူည်ႇ(10)အီး ပလှံင်အေဲမ်ခြီရ်၊ လှံင်မိူင်းလိုင်း၊ လှံင်အိုမ်ယ်ုရ် ကာည်း လှံင်ကုင်ငှေါအောႏ။
ပလှံင်အေဲမ်ခြီရ် ဘံန်ဟောည်ႇဒေဲႈ ကျံရ်ဖိုန်၊ ဆငည်း(4) အခိင် ဖုင်ပလိက်ကုင်တအာင်းဂဲ စေတ်မေန်းဟာဝ်း ခေဲင်အရာပ်အရာဒီန် ဘိူန်းတိုည်း ကောန်အီမာည်း ကဇိူရ်ႈကယံင်းခံင်ယိူည်ႇ (2)အီး ကာည်း တိုအီဒါခံင်ယိူည်ႇ(8)အီးဂဲဒီန် ဘိူန်းတိုည်းကဂေါပ်တောပ် ကအာင်းဆနံမ်ပဲန်နောႈမှာည် (182)ကအာင်း ကာည်း ဂြိုခြီုင်ပ်ုန်ဒါတခံင်ယိူည်ႇတောန်နဲအောႏ။
ဆဲႈဒီန် လှံင်မိူင်းလိုင်း ဘံန်ဟောည်ႇဒေဲႈ ကျံရ်ဖိုန်၊ ဆငည်း(5) ဖုင်ပလိက်ကုင်တအာင်းဂဲ ဘိူန်းတိုည်း ကောန်အီမာည်း ကဇိူရ်ႈကယံင်းခံင်ယိူည်ႇ (1)အီး ကအာင်းဆနံမ်ပဲန်နောႈမှာည် ကော့်ဆ့ပ်ပျာ(386)ကော့် ကာည်း ဂြိုခြီုင်းပ်ုန်ဒါတခံင်ယိူည်ႇတောန်နဲအောႏ။
မိုႈဘို ကျံရ်ဖိုန်၊ ဆငည်း(7) ဖုင်ပလိက်ကုင်တအာင်းဂဲ ဘိူန်းတိုည်း ကောန်အီပ်ုန် ကဇိူရ်ႈကယံင်းခံင်ယိူည်ႇ (1)အီး တောပ် ခံင်ယိူည်ႇလူည်ႇ ကော့်ဆ့ပ်ပျာ(142)ကော့် ကအာင်းဆနံမ်ပဲန်နောႈမှာည် (1)ထုတ်အောႏ။
ပလှံင်အိုမ်ယ်ုရ်၊ ကျံရ်ဖိုန်၊ ဆငည်း(11) အခိင် ဖုင်ပလိက်ကုင်တအာင်းဂဲ စေတ်မေန်းဟာဝ်း ခေဲင်အရာပ်အရာဒီန် ဘိူန်းတိုည်း ကောန်အီမာည်း ကဇိူရ်ႈကယံင်းခံင်ယိူည်ႇ (1)အီး။
မိုႈဘိုး ပလှံင်ကုင်ငှေါ၊ ရဝ်တိုမူန် ကျံရ်ဖိုန်၊ ဆငည်း(23) အခိင် ခီညှာ(10:00)နြီ အခိင်ဖုင်ပလိက်ကုင်တအာင်း ကပါ်ႇတိူရ်ႈယာမ်းဒိူန် ဘိူန်းတိုည်း တိုအီးဒါခံင်ယိူည်ႇ တာအိုက်လူ ဘိူန်းအဆာက်(58)ဆန်ုမ် ကဂေါပ်တောပ် ကအာင်းဆနံမ်ပဲန်နောႈမှာည် (3)ထုတ် ကာည်း ခံင်ယိူည်ႇႎံင်း( -109.0)ဂရမ်အောႏ။
ဆာ်မိုႈ ပ်ုန်ဘိူန်းတိုည်းတိုအီးကဇိူရ်ႈကယံင်း ကာည်း တိုအီးဒါခံင်ယိူည်ႇကဲနီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းဘြဲဆာင်းဒဲႈအကျံင်ဂဲ ပဂါင်ဆငါးကာည်း နှာင်းဆီုပ်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ။
ပ်ုန်ကယေင်တံပ်အွံရ်ပ်ုန်လောတ်ကပီုန်တအာင်း-PSLF/TNLA ရေဲန်ဇီုင်းကာန်တီုက်ယာႈ အရေး ခံင်ယိူည်ႇနီန်မိုႈ တိုအီးဒါခံင်ယိူည်ႇခေဲင်အရာပ်တကြာက်အယ်ကာည်း တိုအီးကဇိူရ်ႈကယံင်း ခံင်ယိူည်ႇကဲနီန် မောကံပ်ယောမ်ဟာဝ်း၊ မောကံပ်ဘယ်ထိင်ဒံန်ခြဲဒဲႈ ဘံန်နံင်ဒေဲႈ ကောန်တဘိုက်ဂဲကာည်း မောကံပ်ဘယ်ရေဲန်ပဇာရ်ဒဲႈ လံပ်ကတ်ုမ်ဇိုဇာတ်တိုအီးယေန်ငံင်။ ဆဲႈဒီန် မောကံပ်ဇီုင်းကာန် ဘ္လီုက်လှူပ်တြားဥပဒေ ကတာ်န်းကႎျှံန်း ၊ ခေါခါႇကနာည်ကူန်ရဝ်မာဂါင်ဂဲ ကာည်း ပ်ုန်နံပ်ပ်ုန်ဆမား ဇိုဇာတ်တိုအီးအယ် မောကံပ်ကဟိုက်ကဟာဝ်းဒေဲႈအောႏ။
#PSLF/TNLA
#တင်ပ္လေႈလေႈဆဒါင်
Comment Lists