ပလှံင်အိုမ်ယ်ုရ် ကားတာင်ကူမ်အူကြောင် ပဲန်ကပ္လါႇ ကောန်အီမာည်းအူအီး ကတူႈဖေးဘာတ်
28 April 2026
ပလှံင်အိုမ်ယ်ုရ် ကားတာင်ကူမ်အူကြောင် ပဲန်ကပ္လါႇ ကောန်အီမာည်းအူအီး ကတူႈဖေးဘာတ်
အိုမ်ယ်ုရ်၊ ကျံရ်ဖိုန် ဆငည်း(28)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ တပြောရဝ်ဟိုလဲတ် ကားတာင်ကူမ်အူကြောင် ပဲန်ကပ္လါႇ ကောန်အီမာည်းအူအီး ကတူႈဖေးဘာတ်။
ဘည်မိုႈအ်ုန် ကျံရ်ဖိုန် ဆငည်း(23) အခိင်ခီညှာ(7)နြီထာန်နီန် ဇူႈကဒါႇလှံင်လာဆေ လေႈလှံင်မာန်လေး တာင်ဝီရ်ဂြိုခြီင်ပ်ုန်ဒါ အခိင်ကားဒီန် ရောတ်တေဲင်ဒေင်လေႈ တပြောရဝ်ဟိုလဲတ်ဒိူန် ဘရေက်ကားစီပဒူႈ ကားစီကပ္လါႇဇောႈလီပ်ခေဲင်လိုင်းမျံမ်။
ခေဲင်ကားဒီန် မိူဝ်ႈကညာကောႈကား ကာည်း အီတောပ်ရဘံန်းကား (1)အီး အခိင်ပဲန်ကားကပ္လါႇဒီန် အီမာည်းအီတောပ်ရဘံန်းကား ႎဲရ်ဇောႈလေႈတေဲင်ကား မိုႈလိူည်ကညာကောႈကား ဟေင်ထဲက်ဆိုး အဆာက်(22)ဆန်ုမ် ကတူႈဖေးဘာတ် တကိင်၊ တည်း ကာည်း ငါည်အ်ုန် ကဇေန်နီး တိုမ်းအ်ုန်ဆနံမ်အူန်းတို ပယုင်ဆနံမ်။
ဆဲႈဒါႇဒီန် ဘံန်ဟောည်ႇဒေဲႈ ကျံရ်ဖိုန် ဆငည်း(11)ဒိူန်မာ် ပလှံင်ကိုက်ခည်း၊ အရာပ်နံမ်ဖတ်ကာ၊ ဒေင်ဒီလေႈပါင်ဂျရော့ပ် ကားတာင်ကူမ်အူကြောင် ပဲန်ကပ္လါႇ တိုအီးလေႈဒေင်(18)အီး ကတူႈဖေးဘာတ်၊ (5)အီးယံမ်း။
ခေဲင်အရာပ်အရာကဲနီန် ဂေါည်မိူဝ်ႈပဲန်ကားကပ္လါႇ ကာည်း ကားကဒူႈ ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ ဘည်ဒါဒေင် ကာည်း ကဆီုဝ်တိုအီးကောႈကားဂဲမာ် လိုတောပ်ခေါပ်ပြာႇဘည်လို ကောႈ ကား ကာည်း ခေါပ်ပြာႇဒေင် ကတီးကရီး၊ လိုစေတ်ဆေးထိင်ကောႈကား တောပ်ဘည်အခိင်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists