ပလှံင်အိုမ်ယ်ုရ် ရဝ်ဟူခီန် ဂေါႇငံရ်အီကီုတ်အူန်း ပဲန်ငံရ်က္လိုႇကဆူမ်းဟာဝ်း ယုင်စာက်မျံမ်
28 April 2026
ပလှံင်အိုမ်ယ်ုရ် ရဝ်ဟူခီန် ဂေါႇငံရ်အီကီုတ်အူန်း ပဲန်ငံရ်က္လိုႇကဆူမ်းဟာဝ်း ယုင်စာက်မျံမ်
အိုမ်ယ်ုရ်၊ ကျံရ်ဖိုန်၊ ဆငည်း(28)
ဆဒါင်ကုင်တအာင်း
ကုင်တအာင်း၊ ပလှံင်အိုမ်ယ်ုရ် ရဝ်ဟူခီန် ဇူႈတငံရ်အီကီုတ်အူန်း ပဲန်ငံရ်က္လိုႇကဆူမ်းဟာဝ်း ယုင်စာက်မျံမ်အူယုင်။
ဘည်မိုႈအ်ုန် ကျံရ်ဖိုန် ဆငည်း(11) အခိင်ရမှိူဝ်(12:15)မိနေတ်ဒိူန် ဂါင်ယုင်စာက်မျံမ် တာအံင်ဇီး အဆာက်(49)ဆန်ုမ် အခိင်ကဲဟိုတ်မျံမ်ခေဲင်ယုင်စာက် ငံရ်အီကီုတ်အူန်း စီဇူႈပဲန်ငံရ်က္လိုႇဟာဝ်း ယုင်စာက်မျံမ်ကဲဘည်ဒီန်။
ဂေါႇပဲန်ငံရ်က္လိုႇဘည်ဒီန် မျံမ်အီမ်း(10)ကပျာဝ်း၊ မျံမ်ပ်ုန်နဲပ်အူန်း(50)ကပျာဝ်း ကာည်း တောပ်ဘိုး ဂြိုခြီုင်ယုင်စာက်မျံမ် ကစုကပိုမ် ကဆူမ်းဟာဝ်း ရိူန်း(130)ဆဲန်ထာန်နီန်။ ဒီပဲန်ငံရ်က္လိုႇဒီန် တံပ်အွံရ်ပ်ုန်လောတ်ကပီုန်တအာင်း (PSLF/TNLA) ဖုင်ပျံတ်ယံတ်ဂဲ ကာည်း ကူန်ရဝ်မာဂါင်ဂဲ ကဖြောမ်ဒေဘယ်ပျံတ်ဟာဝ်းငံရ် ခီုတ်အခိင်။
မိုႈဘိုး ဘံန်ဟောည်ႇဒေဲႈ ကျံရ်ဖိုန် ဆငည်း(25)ဒိူန်မာ် ပလှံင်ကုင်ငှေါ ရဝ်မိုဘ္လောႇဒဲႇ ဂေါႇကဲပတံက်ငံရ်တေရ် စီပဲန်ငံရ်က္လိုႇဟာဝ်း ဂါင်အူဂါင်။
ဘည်ကဆီုဝ်ကူန်ရဝ်မာဂါင်ဂဲ ကနာည်လောတ်ဒါႇဖေးငံရ်နီန် ကူန်ရဝ်မာဂါင်ဂဲ တောန်ကဝ် လိုအူန်းမိူဝ်ႈဆဒိ၊ လိုမိူဝ်ႈသတ္တိ လိုကဖြောမ်ကရောမ်ရေဲန်တောပ်ဟာဝ်း ကာည်း ဆာ်ပဲန်ငံရ်က္လိုႇဘည်နီန်မာ် လိုဟြာင်းဟာဝ်း တဖုင်ပျံတ်ယံတ်ငံရ်ချာ်န်းချာ်န်း ။
ဇိုချီုကဇေန်နီး ဂေါႇမိုႈဟည်ရောတ်ဒေဲႈ ချီုင်ခေါႈချီုင်မှည် ဘည်ကဆီုဝ်ကူန်ရဝ်မာဂါင်ဂဲ လိုအူန်းမိူဝ်ႈဆဒိ လိုရေဲန်မိူဝ်ႈ ကနာည်နံင်ဒံန်ခြဲအန္တရာယ်ဖေးငံရ်။ ဒါင်းဒါင်းအ်ုန် လိုအူန်းအိုမ်ပျြံင်၊ အိုမ်ပျြံင်စာက်၊ ပ္လါႇစေ၊ ဂြူဒါ၊ ဟေ၊ ဟြံင်၊ ဓနိ၊ ပ္လံင် မျိုးအီက္လိုႇငှိူည်ကဲနီန် ကတီးကရီး။
ဆဲႈဒါႇဒီန် ဘည်ဒါအယ်တငံရ်မာ် လိုပျံတ်ဟာဝ်းကတီးကရီး၊ လိုစေတ်ဆေး ဘဲတ်ထရီ၊ ဆိုလာပျား ပ်ုန်ဒါအယ်၊ ဆာ်ဟောည်ႇဒါငံရ်ရာင်မာ် လိုစေတ်ဆေး ဘိဟာဝ်းခလိုတ်အ်ုန် ကာည်း ဂေါႇအယ် မည်ဒဲႈအ်ုန်ပဲန်ငံရ်က္လိုႇ လိုအူန်းမိူဝ်ႈဆဒိဒါင်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists