ကုင်တအာင်း၊ ခေဲင်ကျံရ်အိုည်နီန်း ပဲန်ကားကပ္လါႇ ကာည်း ကားကဒူႈ ကောန်အီပ်ုန် (4)အီး ကာည်း ကောန်အီမာည်း(1)အီး ကတူႈဖေးဘာတ်
07 April 2026
ကုင်တအာင်း၊ ခေဲင်ကျံရ်အိုည်နီန်း ပဲန်ကားကပ္လါႇ ကာည်း ကားကဒူႈ ကောန်အီပ်ုန် (4)အီး ကာည်း ကောန်အီမာည်း(1)အီး ကတူႈဖေးဘာတ်
အိုမ်ယ်ုရ်၊ ကျံရ်ဖိုန်၊ ဆငည်း 7
ဆဒါင်ကုင်တအာင်း
ကုင်တအာင်း၊ ခေဲင်ကျံရ်အိုည်အူကျံရ်နီန်း ပလှံင်မူစယ် ကာည်း လှံင်အေဲမ်ခြီရ် ပဲန်ကားကပ္လါႇ ကာည်း ကားကဒူႈ ကစုကပိုမ်(3)လိူဝ်ႈ ခေဲင်ဒီန် ကောန်အီပ်ုန်(4)အီး ကာည်း ကောန်အီမာည်း(1)အီး ကတူႈဖေးဘာတ်ဒါင်း။
ပလှံင်မူစယ်၊ ခနား မိူင်ယု(၁၀၅)လှာ့်က်ဒိူန် ငျားပွံတ် ကျံရ်အိုည်၊ ဆငည်း(5)ဒိူန် ကားတဲင်တိုအီးအူကြောင် ပ်ုန်ရောတ် ကပုနံမ့်ပေါ် ကားဒီန်စီဘိူန်းဒေဇာ်ႈလေႈ ခေဲင်အေဲမ် တိုအီးတောပ်ဒေဲႈခေဲင်ကား ကောန်အီပ်ုန်(1)အီး ကာည်း ကောန်အီမာည်း(1)အီး ကတူႈလံက်ဘိူန်းဖေးဘာတ်ဒါင်းအောႏ။
မိုႈဘို ကျံရ်အိုည်၊ ဆငည်း(19) ပလှံင်အေဲမ်ခြီရ် ဘံန်းရောတ်တမီးပွိုင့် ကားအူကြောင်ဒီန် ဂေါႇက်ုန်လေင်ကားအ်ုန်ဇာ်ႈ ကားအ်ုန်စီဟာဝ်းဒူႈ ကညားအီမံင်ဆဲင်ကယ် ကောန်အီပ်ုန်အူအီး ကတူႈဘိူန်းဟာဝ်းဖေးဘာတ်ဒါင်း။
ဆငည်း(20)ဒိူန်မာ် ပမိူင်ယု(105)လှာ့် ကဒံက် ကျောင်အံင်သိရိမင်္ဂလာသုခ ကား ကာည်း ဆဲင်ကယ် ပဲန်ဟာဝ်းကဒူႈ ကညားဆဲင်ကယ် ကောန်အီပ်ုန်(2)အီးဒိူန် ဘိူန်းဟာဝ်းဖေးဘာတ်ဒါင်း။
တောန်ပကျံရ် ဂေါည်ဂေါည် ပဲန်ဟာဝ်း ကားကဒူႈ၊ ကားကပ္လါႇ ဂေါႇဘည်ဒီန် ကဆီုဝ် ကူန်ရဝ်မာဂါင်အယ်ဂဲမာ် လိုမိူဝ်ႈဆဒိဘည်ဒါဟာဝ်းတဒေင်။ ကဆီုဝ် ကညားကားမာ် အာဝ်လိုဘံက်ကားနှာင်းရဲင်ဘ္လောမ်၊ အာဝ်ဘိူန်းဒါခံင်ယိူည်ႇစီမံင်ကား၊ လိုတောပ်ခေါပ်ပြာႇ ကတီးကရီး။ ဆဲႈဒီန် ကညားကားဂဲ လိုတောပ်ဟာဝ်းခေါပ်ကပြာႇဒေင် တောပ်ဟာဝ်းဘည်အခိင်ဒါင်းဒါင်းယ်ာ့။ ကနာည်ပယောမ်ဖေးအန္တရာယ်ကားကပ္လါႇ ကာည်း ကားကဒူႈနီန် လိုကဖြောမ်တောပ်ဟာဝ်းဘည်ခေါပ်ပြာႇ ကတီးကရီး။
#PSLF/TNLA
#တီုင်ပ္လေႈလေႈဆဒါင်
Comment Lists