ပ္လေါည်ႎိူဝ်ႈထီ လိူဝ်ႈ(34)နီန် အီဘိူန်းဟာဝ်း ဆုဒါင်း(500)ဆဲန်မိုႈ မာည်းရံင်ခြိူဝ်း အီဂေါည်ပလှံင်အိုမ်ခြီရ်
02 April 2026
ပ္လေါည်ႎိူဝ်ႈထီ လိူဝ်ႈ(34)နီန် အီဘိူန်းဟာဝ်း ဆုဒါင်း(500)ဆဲန်မိုႈ မာည်းရံင်ခြိူဝ်း အီဂေါည်ပလှံင်အိုမ်ခြီရ်
အိုမ်ယ်ုရ်၊ ကျံရ်ဖိုန် ဆငည်း(2)
ဆဒါင်ကုင်တအာင်း
ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(34)နီန် အီဘိူန်းဟဝ်း ဆုဒါင်း(500)ဆဲန်မိုႈ မာည်းရံင်ခြိူဝ်း အီဂေါည်ဇံင်မာန်စာင်း၊ ရဝ်မာန်အောမ်၊ လှံင်အိုမ်ခြီရ်။
ကနာည်ရိူန်းဒူး လံပ်ပိင်ငျာကုင်တအာင်း ကောင်ဆံရ်ဇီုင်းပိင်ငျာကုင်တအာင်း-TLEC ဂဲ ဆာ်ႈအွံရ်ႎိူဝ်ႈဟာဝ်း ထီတအာင်း လိူဝ်ႈ(34)နီန် ခည်မိုႈ ကျံရ်ဖိုန် ဆငည်း(1) အခိင်ခီညှာဒိူန် ပလှံင်အိုမ်ယ်ုရ်၊ ခေဲင်ကုင်တအာင်း။
အက္ခရာဆုဒါင်း(500)ဆဲန်မိုႈ (A-01409) ဆဲႈဒါႇ ဆုဒါင်း(500)ဆဲန် အ်ုန်တောပ်ဘိုး ဆု(50)ဆဲန် အူဆု၊ ဆု(30)ဆဲန် အူဆု၊ ဆု(10)ဆဲန် အူဆု၊ ဆု(5)ဆဲန် အာရ်ဆု၊ ဆု(2)ဆဲန် အိုည်ကိူရ်ဆု၊ ဆဲႈဒါႇဆုကဲနီန် ချဒဲႈဟာဝ်းဘိုး အက္ခရာအီကနှေရ် ဂဏာန်းအီကနှေရ်နှာဘံန်းအိုည်ပိုင်း၊ အက္ခရာဆုဂဏန်း အီကနှေရ်နှာဘံန်းဖိုန်ပိုင်း ကာည်း အက္ခရာအီအာဝ်ကနှေရ် ဂဏာန်းအီကနှေရ် တဆု(500)ဆဲန်၊ ချဒဲႈဟာဝ်းဘိုး ဆုရိူန်း(30000)မူန် တအက္ခရာအီအာဝ်ကနှေရ် ဂဏန်းအီကနှေရ်(5)ပိုင်းအောႏ။
ဆဲႈဒါႇဒီန် နံင်ချဒဲႈဟာဝ်းဘိုး တကနာည်းအီယံင်းထီဂဲ ဆုပ်ုန်ပေါက်(2%)ခေဲင်ပယာႈ၊ ဆုပ်ုန်ချဒဲႈဟာဝ်း (2%)ခေဲင်ပယာႈနီန် အာဝ်မိုႈစိ နံင်တိူဝ်ႈလာည်းခေဲင်အီပေါက်ကဲနီန် မိုႈလူမ်ထီကဲ နံင်ချဒဲႈဟာဝ်း။
ဘံန်ဟောည်ႇဒေဲႈ ကျံရ်(2) ပ္လေါည်ႎိူဝ်ႈထီ လိူဝ်ႈ(33)ဒိူန် အက္ခရာဆုဒါင်း (500)ဆဲန်မိုႈ (C-70213) အီဘိူန်းဟာဝ်းမိုႈ တာတာန်းထေး ဂေါည်ပလှံင်အိုမ်ယ်ုရ်။
ကောင်ဆံရ်ဇီုင်းပိင်ငျာကုင်တအာင်း-TLEC ဂဲ ဘံန်ဟောည်ႇဒေဲႈ ဆန်ုမ်ပနောဘေဲႇ 2025-2026ဒိူန် ဘယ်ႎိူဝ်ႈဟာဝ်း ကျောင်ပနောဘေဲႇ(511)ကျောင်၊ ကောန်ကျောင်အီဟိုက်ဂေါည် (53653)အီး ကာည်း တာဆြာ/ယာဆြာအီပနောဂေါည်(2875)အီး၊ ဆာ်မိုႈ ဆန်ုမ်ပနောဘေဲႇ 2026-2027နီန် နံင်ရီန်းရဲတ်ဆီုပ်ႎိူဝ်ႈဟာဝ်းဘိုး ခေဲင်လှံင် ကျောင်အီကီုတ်ကဲဒိူန်အောႏ။
ဂေါႇဘည်ဒီန် ပ်ုန်လိုရိူန်းဒူး အီကီုတ်ကနာည်ကျောင်ကဲဒီန် ကာည်း ရိူန်းရူႈကျံရ် ကနာည်တာဆြာ/ယာဆာဂဲ ရိူန်းပ်ုန်ဘိူန်းယံင်းထီတအာင်းနီန် စီကဇောည်ဒဲႈဟာဝ်းကနာည်ရိူန်းရူႈကျံရ် တာဆြာ/ယာဆြာဂဲ၊ ဘည်ကဆီုဝ်ကူန်ရဝ်မာဂါင်ဂဲ အီဂေါည်ခေဲင်အရာပ်အရာအယ်ကဲနီန် ဆာ်အယ်ဆိင်ကဇောည်ထီဝ်း လံပ်ပိင်ငျာကောန်ကျောင်ဂဲ မှာန်းအယ်ကဇောည် ထိုးဒဲႈထီတအာင်းနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists