16 February 2026

ခေဲင်ဆန်ုမ်2025 PSLF/TNLA တီုင်ဘြောင်ချှာင်ဂဲ ဟောည်ႇဘြဲဆားရေဲန်ဟာဝ်းဒေင်ကာည်း ကပု တောပ်ဘည်ပ္လချှာင်(248)လှေ 

ကုင်တအာင်း၊ ကျံရ်အာရ် ဆငည်း(16)

ဆဒါင်ကုင်တအာင်း

ဆန်ုမ်2025 ခေဲင်အူဆန်ုမ်နီန် PSLF/TNLA တီုင်ဘြောင်ချှာင်ဂဲ ပ်ုန်ကယေင်ရေဲန်ဟာဝ်းဇီုင်းကာန်အရာပ်အရာပ် မောကံပ်ကတာရ်ဒါင်းဟိုက်ဇာရ်ကာည်း မောကူန်ရဝ်မာဂါင်ဂဲ ဘိူန်းဟာဝ်းဝီရ်ငှိည်ခေဲင်အိူင်အိုမ်ယ်ုမ်၊ အိူင်မာဝ်းႎံင်း၊ အိူင်မိုဂူႈ၊ အိူင်ကိုက်ခည်းကာည်း အိူင်အေဲမ်ခြီရ်ဟောည်ႇဘယ်ရေဲန်ဟာဝ်း ကပုကာည်း ဒေင် ဘည်ပ္လချှာင် ကစုကပိုမ် (248)လှေ။ 

ဘည်ပ္လချှာင်ဒေင်ကာည်းကပုကဲနီန်မိုႈ ခေဲင်အိူင်(5)အိူင် လှံင်ကာည်းရဝ်ကဲနီန် မိုႈဒေင်ကနာည်ကူန်ရဝ်မာဂါင်ဂဲဘိူန်းကတူည်ႇဟာဝ်းဝီရ် ကနာည်တာင်တိုန်းဂြို ဒါင်းဒါင်းအ်ုန် ဇီုင်းကာန်ဘည်ဝီရ်ဘြဲဆားရေဲန်ကာည်းဇီုင်းကာန်ဘည်ဝီရ်ထိင်ကဲနီန်မိုႈ ရေဲန်ဟာဝ်း ဒေင်အ်ုန်အီလူလှဲဝ်ႏ ခေဲင်ဘြည်က္လာည်းဒါင်းကာည်းဒေင်အ်ုန်အီလှေင်၊ အီဆန်ုမ်ဒိုႇကဲနီန်။ 

ဇီုင်းကာန်ပ်ုန်ဝီရ်ရေဲန်ကာည်း ဇီုင်းကာန်ဝီရ်ဘြဲဆားကဲဒီန်မိုႈ ရေဲန်ကပုကာည်းဝီရ်ဘြဲဆားကပု(36)လှေ၊ ဇီုင်းကာန်ဝီရ်ဘြဲဆားရေဲန်ဒေင်ကတ္တရာကာည်း ဘြဲဆားဒေင်ကတ္တရာ(71)လှေ၊ ရေဲန်ဒေင်ကာည်းဘြဲဆားရေဲန်ဒေင်(10)လှေ၊ ဇီုင်းကာန်ကြည်းဆနံမ်း(24)ဒီ ကာည်း တောပ်ဘိုး ဒေင်၊ကပုကာည်း ဘည်ထိင်ရံင်ကတာည်းကဲနီန် ဝီရ်ဘြဲဆားထိင်အူန်း မောကံပ်ဘိူန်း ဒါဟာဝ်းဝီရ် မှိမ်မှိမ်လလ။ 

ဆဲႈဒါႇဒီန် ဘည်ဘြဲဆားက္လိုက်ရေဲန်အိုမ်ရောင်ကာည်း ဆာင်းလာင်းအိုမ်ရောင်မိုႈ(39)လှေ၊ ဆာင်းလာင်းဟာဝ်းယူပ်ဘြည် လံက်ဝဲ/လံက်တံမ်(62)လှေ၊ ဘည်ရေဲန်ႎှါည်ခြဲဒီအိုမ်၊ ဝီရ်ဘြဲဆားလဴင်တော်အိုမ်၊ (4)လှေ၊ ဘြဲဆားဟံပ်ကတာည်း ဒေင်ဒီကတူည်ႇလှံင်(2)လှေ။ 

ကနာည်ဇီုင်းကာန်ပ်ုန်ဝီရ်ဘြဲဆား၊ ဒေင်ကာည်းကပုကဲနီန် ပ်ုန်ဒါဒိုႇဟာဝ်းရိူန်းကစုကပိုမ်မိုႈ (95519)ဆဲန်လှိဝ်း။ မိုႈဘိုး ခေဲင်ဆန်ုမ် 2026နီန်မာ် PSLF/TNLA တီုင်ဘြောင်ချှာင်ဂဲ ခေဲင်ဆန်ုမ်2026နီန်မာ် မောကူန်ရဝ်မာဂါင်ဂဲကံပ်ဘိူန်းဟာဝ်းဝီရ်ငှိည် ခနားအူရဝ်တောအူရဝ် ကာည်း ကနာည်အရာပ်အရာ ကတာရ်ႈဒါင်းဟိုက်ဇာရ်PSLF/TNLAတီုင်ဘြောင်ချှာင်ဂဲ ဆီုပ်ရေဲန်ဟာဝ်း ဒေင်ကာည်းကပုတောပ်လိူည်ဘည်ပ္လချှာင်အူန်းအောႏ။ 

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း