10 February 2026

ခေဲင်ဆန်ုမ်2025 နီန် PSLF/TNLA လူမ်တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်လေႈဒေင်ဒဲႈလော်င်ပိင်ငျာ ခေဲင်ရဝ်(344)ရဝ်

အိုမ်ယ်ုရ်၊ ကျံရ်အာရ် ဆငည်း(10)

ဆဒါင်ကုင်တအာင်း

တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာန ကောန်အီပ်ုန်ဟြေဲႈဒါင်းဟိုက်ဇာရ်ဂဲ ခေဲင်အူဆန်ုမ်၊ ဆန်ုမ်2025နီန် ဘယ်လေႈဒေင် ဒဲႈလော်င်ပိင်ငျာ ခေဲင်ရဝ်(344)ရဝ်အောႏ။

တီုင်ဌာနကောန်အီပ်ုန်ဟြေဲႈဒါင်းဟိုက်ဇာရ်ဂဲ ရေဲန်ဇီုင်းကာန်  ဒဲႈဟာဝ်းလော်င်ပိင်ငျာ ဘည်ပ္လေဲဝ်လူည်ႇအခွါင်းအရေး ခေဲင်ရဝ်ဂါင်၊ လံပ်ခေါခါႇကာည်း ကောန်အီပ်ုန်၊ ဘည်ပျောတခိူည်းရဟောမ်ရမာကာည်း ကောန်အီပ်ုန်၊ လံပ်ပိင်ငျာ ကာည်းကောန်အီပ်ုန်၊ အရေးခံင်ယိူည်ႇကာည်း ကောန်အီပ်ုန်၊ ဘည်ကောန်အီပ်ုန်ခံတ်ဇေဝ်း၊ လံပ်ဘြောင်ရိူန်းခြီရ်ကာည်း ကောန်အီပ်ုန်၊ အခွါင်းအရေးကာည်း ကောန်အီပ်ုန်၊ ဘည်ကောန်အီပ်ုန် ဘိူန်းဘ္လူတ်ဟောမ်ဂြိုခြီုင်ဥစ္စာ၊ ဘည်ကကာ်ႈအဆာင်းရဟောမ်ရမာ ဘည်အခွါင်းအရေး ကောန်ဒဲႇ၊ ဘည်ခ္လါည်းအဆာက်အူကိူရ် ဟိုက်နှာတေဲင်၊ ဘည်ဒဲႈပိင်ငျာကဆီုဝ်လိင်ကာည်း ဘည်ခေါခါႇအဆီုပ်ခြိူဝ်းကဲနီန်။

ပ်ုန်လေႈဒေင်ဒဲႈလော်င်ပိင်ငျာနီန်မိုႈ ခေဲင်အိူင်အိုမ်ယ်ုရ်၊ လှံင်အိုမ်ယ်ုရ်၊ လှံင်ရူကော၊ လှံင်အိုမ်ငျံရ်ကာည်း လှံင်ကုင်ငှေါ ကစုကပိုမ်ရဝ်(118)ရဝ်၊ ကူန်ရဝ်မာဂါင်ဂဲဂေါည်(7121)အီး၊ ခေဲင်အိူင်မာဝ်းႎံင်း၊ လှံင်မာဝ်းႎံင်းကာည်း လှံင်ဆဘော ကစုကပိုမ်ရဝ်(28)ရဝ်၊ ကူန်ရဝ်မာဂါင်ဂဲဂေါည်(1172)အီး၊ မိုႈဘိုး ပအိူင်မိုဂူႈ လှံင်မိုဂူႈ၊ လှံင်မှိူမ်မီုတ်ကာည်း လှံင်မိူင်လိုင် ကစုကပိုမ်ရဝ်(55)ရဝ်၊ ကူန်ရဝ်မာဂါင်ဂဲဂေါည်(2446)အီး ဟိုက်ရောတ်ဒေဲႈ။

ဆဲႈဒါႇဒီန် ဒဲႈဟာဝ်းဘိုး လော်င်ပိင်ငျာကဲနီန် ပအိူင်ကိုက်ခည်း၊ လှံင်က်ုက်ခည်းကာည်း လှံင်နံမ်ကာ ကစုကပိုမ်ရဝ်(23)ရဝ်၊ ကူန်ရဝ်မာဂါင်ဂဲဂေါည်(1053)အီး၊ မိုႈဘိုး ပအိူင်အေဲမ်ခြီရ်၊ လှံင်အေဲမ်ခြီရ်၊ လှံင်မူစဲ၊ လှံင်အေဲမ်ငူည် ကစုကပိုမ်ရဝ်(105)၊ ကူန်ရဝ်မာဂါင်ဂဲဂေါည်(5844)အီးကာည်း ပလှံင်မိူင်ယော် ရဝ်(15)ရဝ် ကစုကပိုမ်ဂေါည်(745)အီးကဲနီန်အောႏ။

ဘည်ကဆီုဝ်PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဒါင်းဒါင်းအ်ုန် ကဲရေဲန်ဟာဝ်းဇီုင်းကာန် ဒံန်ခြဲဒဲႈဘည်ပ္လေဲဝ်အခါင်းအရေး တေဲင်ကောန်အီပ်ုန်ဂဲ၊ ရေဲန်ဇီုင်းကာန် လံပ်နှဘာည်း တေဲင်ကောန်အီပ်ုန်ဂဲ ယောမ်ဟာဝ်း၊ ဘည်ဖီုက်လျှံင်ပဇာရ်ဒဲႈ ပ်ုန်လိုနံပ်ဆမာ ကောန်အီပ်ုန်ဂဲ၊ ရေဲန်ဇီုင်းကာန် လံပ်ဆာ်ႈဟိုရ် ဒဲႈလော်င်ပိင်ငျာ တကူန်ရဝ်မာဂါင်ဂဲ၊ ဒဲႈလော်င်ပိင်ငျာ ဘည်ဟျံင်ႎဲ့ကာည်း ဘည်လိုဘယ်ချှာင် ကပါ်ႇကပံန်ရိူန်းလီပ်ရိူန်းလေႈတဂါင်ကဲနီန်။

ဆဲႈဒါႇဒီန် ခေဲင်ဆန်ုမ်2025နီန် ပဲန်ဟာဝ်းအမှုပ္လေဲဝ်လူည်ႇအခွါင်းအရေး တေဲင်ကောန်အီပ်ုန်ဂဲ(81)မှု၊ ဘည်ပဲန်ဟာဝ်းအမှုဂဲဒီန် လံပ်ဒံန်ခြဲကာည်း အီရေဲန်ဇီုင်းကာန်ကဇောည်ဂဲ ဆီုပ်တခေါရ်ရေဲန်ဟာဝ်း ဇီုင်းကာန်အချာက်အ်ုန်။ ဘည်ကဆီုဝ် အီကတူႈခါမ်ပ္လေဲဝ်လူည်ႇအခွါင်းအရေးကဲဒီန်မာ် ကနာည်ဘယ်ဒံန်ခြဲအခွါင်းအရေးကဲနီန် ဘိူန်းအူန်းဟြာင်းဟိုက်ဒေဲႈ ဒီကဆီုဝ်အဆဲင်တီုင်ဌာနဂဲ လောတ်လောတ်လာပ်လာပ်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း