ကောင်ဆံရ်ဇီုင်းပိင်ငျာကုင်တအာင်း-TLECဂဲ ဆာ်ႈအွံရ်ရေဲန်ပ္လေါည်လံပ်ပိင်ငျာကာည်း ပ္လေါည်ဒဲႈဆု တကောန်ကျောင်ဂဲ ပလှံင်အိုမ်ယ်ုရ်
05 February 2026
ကောင်ဆံရ်ဇီုင်းပိင်ငျာကုင်တအာင်း-TLECဂဲ ဆာ်ႈအွံရ်ရေဲန်ပ္လေါည်လံပ်ပိင်ငျာကာည်း ပ္လေါည်ဒဲႈဆု တကောန်ကျောင်ဂဲ ပလှံင်အိုမ်ယ်ုရ်
အိုမ်ယ်ုရ်၊ ကျံရ်အာရ် ဆငည်း(5)
ဆဒါင်ကုင်တအာင်း
ကောင်ဆံရ်ဇီုင်းပိင်ငျာကုင်တအာင်း-TLECဂဲ ဆာ်ႈအွံရ်ရေဲန်ပ္လေါည် လံပ်ပိင်ငျာကာည်း ပ္လေါည်ဒဲႈဆု တကောန်ကျောင်ဂဲ ကနာည်ဆန်ုမ်ပနောဘေဲႇ 2025-2026 ပလှံင်အိုမ်ယ်ုရ်၊ အိူင်အိုမ်ယ်ုရ်၊ ခေဲင်ကုင်တအာင်း။
ပ္လေါည်လံပ်ပိင်ငျာကာည်း ပ္လေါည်ဒဲႈဆုနီန် ရေဲန်ဟာဝ်း ခည်မိုႈ ကျံရ်အာရ် ဆငည်း(2) အခိင်ခီညှာ(9)နြီ PSLF/TNLA ဂေါပ်တားချှာင်ဇီုင်းကာန်တောန်နဲ(2) ခူန်အွံရ်ဒါင်း တားပါင်လ ဟိုက်ရောတ်က္လာင်းကြောႈတံမ်းဒါႈ “ ဂေါႇမိုႈ အယ်အာဝ်ကတူႈ ပနောဒေဲႈပိင်ငျာကတီးကရီး အာည်ႇနီန် အယ်စီကတူႈခါမ်ဒေဲႈကီန်းဒည်း ကနာည်အယ်နံင်ဘယ်ခ္လေါႈဘိူန်ဒါႇ လော်င်ကီန်းဒည်းတောန်နဲကဲနီန် အယ်လိုဟံပ်ဘ္လောမ် ကဆီုဝ်လံပ်ပိင်ငျာနီန်ဒါင်းဒါင်း။ လိုပဇာရ်ဟာဝ်းဘိုး ဘည်လိုရေဲန် ကဖြောမ်ကရောမ်တောပ် ဖုင်အီဟံရ်ကဲကာည်း ပ္လံက်တံင်ဇူႈ လံပ်ဖာဆာကဲနီန်”။
ဆဲႈဒါႇဒီန် ခေဲင်ပ္လေါည်နီန် PSLF/TNLA ဂေါပ်တားချှာင်ဇီုင်းကာန်တောန်နဲ (2) ခူန်အွံရ်ဒါင်း တားပါင်လ၊ တားလှံင်တီုင်ဘြောင်ချှာင် ခူန်နားနောင်ချှို၊ ပါမောက္ခ ဒေါက်တာဟောည်၊ တာဆြာ/ယာဆြာဂဲ၊ ကောန်ကျောင်ဂဲကာည်း ကူန်ရဝ်မာဂါင်ဂဲ ကစုကပိုမ်ဂေါည်(1000)အီးလှိူဝ်း ဟိုက်ရောတ်ဒေဲႈ။
ဒါႇခူဒီန် ချဟာဝ်းဆု တကောန်ကျောင်အီအံင် Grade – 12 ခေဲင်ဆန်ုမ်ပနောဘေဲႇ 2024-2025 ကာည်း ချဒဲႈဟာဝ်းဘိုး ဆုတကောန်ကျောင် အီလေႈဂုဏ်ထူးဂဲ။ ဝါည်ဒီန် ချဒဲႈဟာဝ်းဘိုး ဆု ချှံန်အူ၊ ချှံန်အရ်၊ ချှံန်အိုည် တလီပ်ကခေ့ကတား ဘေဲႇကပါဝ်းဒိုင်း၊ အီကနိုက်နှာမ်မှည်ကဲနီန်။
ကခံပ်ကယည်ပ္လေါည် လံပ်ပိင်ငျာကာည်း ပ္လေါည်ဒဲႈဆုနီန် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း - PSLF/TNLA ခေဲင်လှံင်တောန်လှံင်ကဲနီန်မာ် ရေဲန်ဟာဝ်းဒိုႇ၊ ပ်ုန်ကယေင်ရေဲန်ဟာဝ်းပ္လေါည်နီန်မိုႈ အာဝ်မိုႈလိူည် ပနောဒဲႈဘေဲႇ တကောန်ဒဲႇဂဲ ပကျောင်အူမျိုး၊ ထုက်ရိူရ်ႈနှဲဟာဝ်းဘိုးတိူရ်; ဘည်ဖီုက်လျှံင်အီကဆီုဝ်ကဆဲင် တောပ်လံပ်ပိင်ငျာ တကောန်ဒဲႇဂဲ ဘည်နီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists