ဖုင်ဘေဲႇတအာင်း-TLA ဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပရဝ်ပါင်လဲင်
05 February 2026
ဖုင်ဘေဲႇတအာင်း-TLA ဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပရဝ်ပါင်လဲင်
မာဝ်းႎံင်း၊ ကျံရ်အာရ် ဆငည်း(5)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်ပါင်လဲင်၊ လှံင်မာဝ်းႎံင်း၊ ခေဲင်ကုင်တအာင်းအောႏ။
ပ္လေါည်ပ္လိုတ်ႎါင်ပနောနီန် ဖုင်ဘေဲႇတအာင်း-TLAဂဲ ဆာ်ႈအွံရ်ဟောည်ႇရေဲန်ဟာဝ်း ပရဝ်ပါင်လဲင် ခည်မိုႈ ကျံရ်အာရ် ဆငည်း(2)ဒိူန်။ ႎါင်ပနောဒီန် အီဟိုက်မိုႈ စဝ်ဆာင်ခါ(1)ပါး၊ ကောန်အီမာည်း(13)အီး ကာည်း ကောန်အီပ်ုန်(34) ကစုကပိုမ်ဂေါည်(48)အီး ဟိုက်ဒေဲႈပနော။
ႎါည်ဒီန် ဖုင်ဘေဲႇတအာင်း-TLAဂဲ စီအာပ်ဒဲႈဟာဝ်းပ္လါႇဘေဲႇလှိုပ်ဂုင် (Certificates) တအီဟိုက်ဟောည်ႇ ႎါင်ပနောဘေဲႇတအာင်းနီန်။
ပ္လေါည်ပ္လိုတ်ႎါင်ပနောဒီန် အီရံပ်ဇီုင်းကပ္လိူင် တီုင်ဌာနလှံင်ဂဲ၊ အီရံပ်ဇီုင်းကပ္လိူင် TLAဂဲ၊ တာဆြာ/ယာဆြာဂဲ၊ ကောန်ႎါင်ပနောဂဲ ကာည်း ကူန်ရဝ်မာဂါင်ဂဲ ကစုကပိုမ်ဂေါည်(200)အီး ဟိုက်ရောတ်ဒေဲႈအောႏ။
ဘံန်ဟောည်ႇဒေဲႈ ကျံရ်ကိူရ်အာရ်၊ ဆငည်း(7)ဒိူန်မာ် ဖုင်ဘေဲႇတအာင်း-TLAဂဲ ႎိူဝ်ႈပနောဟောည်ႇဟာဝ်း ႎါင်ပနောပ္လံက်တံင်ဇူႈဘေဲႇတအာင်း ပလှံင်မာဝ်းႎံင်း၊ ရဝ်နောင်ဆီန် ကစုကပိုမ် ကောန်ႎါင်ပနော ဂေါည် (79)အီး ဟိုက်ဟောည်ႇဟာဝ်း ႎါင်ပနောဘေဲႇတအာင်နီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists