ဖုင်ခေါႇခါႇ ကောင်ဆံရ်ကုင်တအာင်း (THC) ဆာ်ႈဟိုရ်ပ္လူႈဆဒိ ကနာည်နံင်ပ္လါန်ဘေဲႇဒါကြောႈ အီငိူပ်မေန်းခေါခါႇ ကာည်း ကျောင်ကောလေတ်သိပ္ပံခေါႇခါႇ (CNHS)၊ ADN Program လိူဝ်ႈ (2)
05 February 2026
ဖုင်ခေါႇခါႇ ကောင်ဆံရ်ကုင်တအာင်း (THC) ဆာ်ႈဟိုရ်ပ္လူႈဆဒိ ကနာည်နံင်ပ္လါန်ဘေဲႇဒါကြောႈ အီငိူပ်မေန်းခေါခါႇ ကာည်း ကျောင်ကောလေတ်သိပ္ပံခေါႇခါႇ (CNHS)၊ ADN Program လိူဝ်ႈ (2)
အိုမ်ယ်ုရ်၊ ကျံရ်အာရ်၊ ဆငည်း(4)
ဆဒါင်ကုင်တအာင်း
ဖုင်ခေါႇခါႇကောင်ဆံရ်ကုင်တအာင်း (THC) ဆာ်ႈဟိုရ်ပ္လူႈဆဒိ ကနာည်နံင်ပ္လါန်ဘေဲႇဒါကြောႈ တအီနံင်ဟိုက်ကျောင် ငိူပ်မေန်းခေါခါႇ ကာည်း ကျောင်ကောလေတ်သိပ္ပံခေါႇခါႇ(CNHS)၊ ADN Program (Batch-2) လိူဝ်ႈ (2) ပ္လူႈဆဒိတဂဲ ဒေဲႈပ္လါန်ဘေဲႇ ဘံန်မိုႈကျံရ်အာရ် ဆငည်း(2)နီန်အောႏ။
ဆာ်မိုႈကောန်ကျောင် အီလိုဒေဲႈပ္လါန်ဘေဲႇဒါကြောႈ ကစုကပိုမ်ဂေါည် (45)အီး ကျံရ်(2) ဆငည်း(2) အခိင်ခီညှာ (9)နြီ လိုဒေဲႈပ္လါန်ဒါတိုပြီမ်းကဲ ဒီဘ္လချအူန်း၊ ခေဲင်ကုင်တအာင်း။
ကဲအီနံင်ဒေဲႈပ္လါန်ဘေဲႇဒါကြောႈ ပကျောင်ကောလေက်သိပ္ပံဒီန်လိုပ္လါန်ဒါ ဒီမိုႈပပ္လါန်ဘိူန်းအခွါင်းလီပ်အယ် တီုင်ယုင်ဆနံမ် လှံင်အိုမ်ယ်ုရ်၊ တီုင်ယုင်ဆနံမ် လှံင်အေဲမ်ခြီရ်၊ တီုင်ယုင်ဆနံမ် လှံင်အိုမ်ငျံရ်၊ တီုင်ယုင်ဆနံမ် လှံင်ရူကော ကာည်း တီုင်ယုင်ဆနံမ် လှံင်ကိုက်ခည်းကဲနီန်။
ဘည်ကဆီုဝ်ကောန်ကျောင် အီလီပ်ပ္လါန်ဒါကြောႈ အံင်ဟာဝ်းကဲဒီန် နံင်ဘိူန်းအခွါင်းဟိုက် ကျောင်အီငိူပ်မေန်းခေါႇခါႇ ကာည်း ကျောင်ကောလေတ်သိပ္ပံခေါႇခါႇ ကုင်တအာင်း လိူဝ်ႈ (2) ပ်ုန်နံင်ႎိူဝ်ႈဟာဝ်း ဖုင်ခေါခါႇကောင်ဆံရ် ကုင်တအာင်း(THC) ကျံရ်အာရ်၊ ဆငည်း (23)အောႏ ။
#PSLF/TNLA
#တီုင်ပ္လေႈလေႈဆဒါင်
Comment Lists