PSLF/TNLA ဖုင်ပျံတ်ယံတ်ငံရ် ရေဲန်ပ္လေါည်ပ္လိုတ်ႎါင်ပနောပျံတ်ငံရ် ပလှံင်အိုမ်ငျံရ်
12 December 2025
PSLF/TNLA ဖုင်ပျံတ်ယံတ်ငံရ် ရေဲန်ပ္လေါည်ပ္လိုတ်ႎါင်ပနောပျံတ်ငံရ် ပလှံင်အိုမ်ငျံရ်
အိုမ်ငျံရ်၊ ကျံရ်ကိူရ်အာရ် ဆငည်း(12)
ဆဒါင်ကုင်တအာင်း
တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပျံတ်ယံတ်ငံရ်ဂဲ ဟောည်ႇရေဲန်ပ္လေါည်ပ္လိုတ် ႎါင်ပနောပျံတ်ငံရ် ခည်မိုႈ ကျံရ်ကိူရ်အာရ်၊ ဆငည်း(10)ဒိူန် ပလှံင်အိုမ်ငျံရ်၊ ခေဲင်ကုင်တအာင်းအောႏ။
ပ္လေါည်ပ္လိုတ်ႎါင်ပနောနီး ဇူႈရေဲန်ဟာဝ်း ခီညှာ(9:00)နြီ ရောတ်စာ်မ်း ရဆံန်(12:00)နြီ ခေဲင်ပ္လေါည်ပ္လိုတ်ႎါင်ပနောနီး တာမ်တားတီုင်ဘြောင်ချှာင် တာမ်ခူန်အွံရ်ဒါင်း တားအကျော် ဟိုက်ရောတ်ဒေဲႈ က္လာင်းဒါႈ “ ဘည်ကဆီုဝ် အီနှာင်းရံပ်ဟာဝ်းဇီုင်းကပ္လိူင် ကဇောည်ပျံတ်ယံတ်ငံရ်နီး လိုအူန်းနောႈဒိုင်းဒိုင်း၊ လိုအူန်းမိူဝ်ႈနောႈ စေတနာ ရေဲန်ဟာဝ်းဇီုင်းကာန် မောကံပ်ကတာရ်ႈဟိုက်ဒါင်းဇာရ်။ လိုကဇောည်ပနောဒဲႈဟာဝ်းဘိုး ပိင်ငျာပ်ုန်နံပ်အယ် တကူန်ရဝ်မာဂါင်ဂဲ ခေဲင်လှံင်၊ ခေဲင်အရာပ်အရာအယ်ကဲနီးကာည်း ဂြိုခြီုင်ပ်ုန်လိုဒါအယ် လိုရေဲန်ချှာင်တံန်းအူန်းဆေဆေ” ။
ႎါင်ပနောပျံတ်ယံတ်ငံရ်နီး ခေဲင်အိူင်အိုမ်ယ်ုရ် လှံင်အိုမ်ယ်ုရ် ကောန်တဘိုက်(13)အီး၊ ပလှံင်အိုမ်ငျံရ် ကောန်တဘိုက်(18)အီး၊ ပလှံင်ရူကော ကောန်တဘိုက်(6)အီး၊ ပလှံင်မိူင်လိုင် ကောန်တဘိုက်(7)အီးကာည်း ပလှံင်မိူင်ဘော် ကောန်တဘိုက်(6)အီး ကစုကပိုမ်ဂေါည်(50)အီး ဟိုက်ဒေဲႈပနော။ ဝါည်ဒီန် စီရေဲန်ပ္လေါည်ပ္လိုတ်ႎါင်ပနောနီး အာပ်ဒဲႈဟာဝ်း ပ္လါႇဘေဲႇလှိုပ်ဂုင် တဂဲအီဟိုက်ႎါင်ပနောနီး။
ႎါင်ပနောပျံတ်ယံတ်ငံရ်နီး ႎိူဝ်ႈဟာဝ်းလှေင်(20)ဆငည်း ခေဲင်ႎါင်ပနောဒီန် ပနောဒဲႈဂဲရေဲန်နှဲအခ်ု၊ ပိင်ငျာပျံတ်ယံတ်ငံရ်၊ ပိင်ငျာဘည်လိုတီပ်ဟြီုက်ကဇောည်၊ ပိင်ငျာဘည်လိုဆနံမ်ကာည်း ပိင်ငျာကဲအီဟံရ်အောႏ။
ပ္လေါည်ပ္လိုတ်ႎါင်ပနောနီး PSLF/TNLA အီအွံရ်တာမ်တားတီုင်ဘြောင်ချှာင် တာမ်ခူန်အွံရ်ဒါင်း တားအကျော်၊ အီအွံရ်ဖုင်ပျံတ်ယံတ်ငံရ် တာမ်ခူန်အွံရ်ဒါင်း တားတံင်ရိူန်း၊ အီရံပ်ဇီုင်းကပ္လိူင်တီုင်ဌာန လှံင်အိုမ်ငျံရ်ဂဲ၊ တာဘြောင်ချှာင်ဇံင်ဂဲ၊ အီဟိုက်ႎါင်ပနောဂဲ ကစုကပိုမ်ဂေါည်(80)အီး ဟိုက်ရောတ်ဒေဲႈ။
ႎါင်ပျံတ်ငံရ်နီး ဇူႈႎိူဝ်ႈဟာဝ်း ဘံန်ဟောည်ႇဒေဲႈ ကျံရ်ကိူရ်အူ ဆငည်း(20)ဒိူန် ခည်မိုႈ ကျံရ်ကိူရ်အာရ် ဆငည်း(10)ဒိူန် စီရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောနီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists