ရေဲန်ပ္လေါည် ဆငည်းအခွါင်းအရေးကံမ်ဖာ ပလှံင်ကိုက်ခည်း
12 December 2025
ရေဲန်ပ္လေါည် ဆငည်းအခွါင်းအရေးကံမ်ဖာ ပလှံင်ကိုက်ခည်း
ကိုက်ခည်း၊ ကျံရ်ကိူရ်အာရ်၊ ဆငည်း 12
ကုင်တအာင်း၊ အိူင်ကိုက်ခည်း၊ လှံင်ကိုက်ခည်း ရေဲန်ဟာဝ်းပ္လေါည်ရံပ်ရိုႈ ဘည်ရောတ်ဒေဲႈ ဆငည်းအခွါင်းအရေးကံမ်ဖာ ဆငည်း( 10)၊ ကျံရ်ကိူရ်အာရ် အောႏ။
ခေဲင်ပ္လေါည် ဆငည်းအခွါင်းအရေးကံမ်ဖာဒီန် ဒီရ်ႈဟာဝ်းဘေဲႇကဆီုဝ်ကဆဲင်လောင်အခွါင်းအရေး၊ ကမိုန် / ကဘ္လာင်း / ဆမွံတ်ဟာဝ်း ဘည်ဘာည်းအခွါင်းအရေး ကာည်း ကာနှဲဟာဝ်းဘည်ထုင်ရိုဘိုဇေဲန်အောႏ။
အီဟိုက်ရောတ်ဒဲႈ ခေဲင်ပ္လေါည်ဆငည်းအခွါင်းအရေးကံမ်ဖာ တံပ်အွံရ်ပ်ုန်လောတ်ကပီုန်တအာင်း-PSLF / TNLA အီရံပ်ဇီုင်းအပ္လိူင် ကာည်း ကူန်ရဝ်မာဂါင်ဂဲ ကစုကပိုမ်ဂေါည် (200)အီးလေ;ဟိုက်ရောတ် အောႏ။
ကျံရ်ကိူရ်အာရ် ဆငည်း( 10 ) ဘည်ရောက်စာ်မ်းဒေဲႈ ဆငည်းအခွါင်းအရေးကံမ်ဖာ ခေဲင်ကုင်တအာင်း၊ တောန်လှံင် / တောန်ကုင် ရေဲန်ဟာဝ်းပ္လေါည်ရံပ်ရိုႈဆငည်းအခွါင်းအရေးကံမ်ဖာနီး ဆဲႈဒီန် ပကုင်ကပိုမ်မျံမ်မာမော် ရေဲန်ဟာဝ်းနှဲဆန္ဒယေန်။
#PSLF/TNLA
#တီုင်ပ္လေႈလေႈဆဒါင်
Comment Lists