ဖုင်ဘေဲႇတအာင်း-TLA ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပရဝ်ဟိုႎါန်ကာည်း ရဝ်နော်င်ဆီမ်း
11 December 2025
ဖုင်ဘေဲႇတအာင်း-TLA ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈဘေဲႇတအာင်း ပရဝ်ဟိုႎါန်ကာည်း ရဝ်နော်င်ဆီမ်း
ကုင်တအာင်း၊ ကျံရ်ကိူရ်အာရ် ဆငည်း(11)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်ဟိုႎါန်၊ လှံင်ကိုက်ခည်းကာည်း ရဝ်နော်င်ဆီမ်း လှံင်မာဝ်းႎံင်း၊ ခေဲင်ကုင်တအာင်းအောႏ။
ပ္လေါည်ပ္လိုတ်ႎါင်ပနော ပရဝ်ဟိုႎါန် ဖုင်ဘေဲႇတအာင်း-TLAဂဲ ဆာ်ႈအွံရ်ဟောည်ႇရေဲန်ဟာဝ်း ခည်မိုႈ ကျံရ်ကိူရ်အာရ် ဆငည်း(4)ဒိူန်။ ႎါင်ပနောဒီန် အီဟိုက်မိုႈ စဝ်ဆာင်ခါ(2)ပါး၊ ကောန်အီမာည်း(5)အီး ကာည်း ကောန်အီပ်ုန်(14) ကစုကပိုမ်ဂေါည်(21)အီး ဟိုက်ဒေဲႈပနောအောႏ။
မိုႈဘိုး ကျံရ်ကိူရ်အာရ် ဆငည်း(7)ဒိူန်မာ် ဖုင်ဘေဲႇတအာင်း-TLAဂဲ ဆာ်ႈအွံရ်ဟောည်ႇရေဲန်ဟာဝ်း ပ္လေါည်ပ္လိုတ်တ်ႎါင်ပနော ပ္လံက်တံင်ဇူႈဘေဲႇတအာင်း ပရဝ်နော်င်ဆီမ်း အီဟိုက်ပနောမိုႈ ကောန်အီမာည်း(28)အီးကာည်း ကောန်အီပ်ုန်(51) ကစုကပိုမ်ဂေါည်(79)အီးအောႏ။
ဝါည်ဒီန် ပ္လံက်တံင်ဇူႈဘေဲႇတအာင်းကဲနီး ဖုင်ဘေဲႇတအာင်း-TLAဂဲ စီအာပ်ဒဲႈဟာဝ်းပ္လါႇဘေဲႇလှိုပ်ဂုင် (Certificates) တအီဟိုက်ဟောည်ႇႎါင်ပနော ဘေဲႇတအာင်းနီးအောႏ။
ပ္လေါည်ပ္လိုတ်ႎါင်ပနောဂါရ်ဒီန် အီရံပ်ဇီုင်းကပ္လိူင် တီုင်ဌာနလှံင်ဂဲ၊ အီရံပ်ဇီုင်းကပ္လိူင် TLAဂဲ၊ တာဆြာ/ယာဆြာဂဲ၊ ကောန်ႎါင်ပနောဂဲ ကာည်း ကူန်ရဝ်မာဂါင်ဂဲ ကစုကပိုမ်ဂေါည်(300)အီး ဟိုက်ရောတ်ဒေဲႈအောႏ။
ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(23)ဒိူန်မာ် ဖုင်ဘေဲႇတအာင်း-TLAဂဲ ႎိူဝ်ႈပနောဟောည်ႇဟာဝ်း ႎါင်ပနောပ္လံက်တံင်ဇူႈ ဘေဲႇတအာင်း ပလှံင်ကိုက်ခည်း၊ ရဝ်မာန်ဆာ ကစုကပိုမ် ကောန်ႎါင်ပနော ဂေါည် (34)အီး ဟိုက်ဟောည်ႇဟာဝ်းႎါင်ပနော ဘေဲႇတအာင်နီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists