ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ
27 November 2025
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ
ကိုက်ခည်း၊ ကျံရ်ကိူရ်အူ၊ ဆငည်း(27)
ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ၊ လှံင်ကိုက်ခည်း၊ ခေဲင်ကုင်တအာင်းအောႏ။
ပ္လေါည်ပ္လိုတ်ႎါင်ပနောဒီန် ဖုင်ဘေဲႇတအာင်း-TLAဂဲ ဆာ်ႈအွံရ်ဟောည်ႇရေဲန်ဟာဝ်း ခည်မိုႈ ကျံရ်ကိူရ်အူ ဆငည်း(23)ဒိူန်။ ႎါင်ပနောဒီန် အီဟိုက်မိုႈ စဝ်ဆာင်ခါ(13)ပါး၊ ကောန်အီမာည်း(8)အီး ကာည်း ကောန်အီပ်ုန်(13) ကစုကပိုမ်ဂေါည်(34) ဟိုက်ဒေဲႈပနော၊ ချဒဲႈဟာဝ်းဆု တကောန်ကျောင် အီဘိူန်းဆုကဲ ခေဲင်ႎါင်ပနောဒီန်အောႏ။
ဆဲႈဒီန် ဖုင်ဘေဲႇတအာင်း-TLAဂဲ အာပ်ဒဲႈဟာဝ်းပ္လါႇဘေဲႇလှိုပ်ဂုင် (Certificates) တအီဟိုက်ဟောည်ႇ ႎါင်ပနောနီန်းအောႏ။
ပ္လေါည်ပ္လိုတ်ႎါင်ပနောဒီန် အီရံပ်ဇီုင်းကပ္လိူင် တီုင်ဌာန လှံင်ကိုက်ခည်းဂဲ၊ အီရံပ်ဇီုင်းကပ္လိူင် TLAဂဲ၊ တာဆြာ/ယာဆြာဂဲ၊ ကောန်ႎါင်ပနောဂဲ ကာည်း ကူန်ရဝ်မာဂါင်ဂဲ ကစုကပိုမ်ဂေါည်(200)အီး ဟိုက်ရောတ်ဒေဲႈအောႏ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇတအာင်းနီန် မိုႈ မောဘေဲႇတအာင်းကံပ်ဘယ်ဒေဘ္လီုက်လှူပ် ခေဲင်ကပီုန်တအာင်း၊ မောကံပ်ဘိူန်းရိူရ်ႈလေႈပံပ်ဘေဲႇတအာင်း ကနာည်ကောန်အယ်တအာင်း ကံပ်ဘိူန်းဒီရ်ႈဘေဲႇတအာင်းဂီုန်းဂီုန်း၊ မောကံပ်ဘိူန်း ႎိူဝ်ႈႎါင်ပနောဘေဲႇတအာင်း ခေဲင်ကုင်ကပီုန်တအာင်း၊ မောအယ်တအာင်း ကံပ်ဘယ်ဆမား ကိက်/ဒါႈ ကြောႈက္လာင်း၊ ဒါဘေဲႇတအာင်းတောန်အီးအောႏ။
ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(19) ဒိူန်မာ် ဖုင်ဘေဲႇတအာင်း-TLAဂဲ ႎိူဝ်ႈပနောဟောည်ႇဟာဝ်း ႎါင်ပနောပ္လံက်တံင်ဇူႈ ဘေဲႇတအာင်း ပလှံင်အေဲမ်ငူည်၊ အိူင်အေဲမ်ခြီရ် ကစုကပိုမ် ကောန်ႎါင်ပနော ဂေါည် (102)အီး ဟိုက်ဟောည်ႇဟာဝ်းႎါင်ပနောအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists