ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ
27 November 2025
ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ
ဆန်ုမ်2025၊ ကျံရ် (11) ဆငည်း (27)
ဆဒါင်ကုင်တအာင်း
ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ကုင်တအာင်း၊ လှံင်ရူကော၊ အေဲမ်ခြီရ်၊ အေဲမ်ငူည်၊ ကိုက်ခည်း၊ မိူင်းယု( 105 )လှံက်၊ အိုမ်ငျံရ်၊ အိုမ်ယ်ုရ် ကာည်း ကုင်ငှေါအောႏ။
ခေဲင်ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ အီဘိူန်းကြော;က္လာင်းကနာည် PSLF/TNLA ခူန်နာန်းယေအူးက္လာင်းဒါ; ကနာည်ဆော်အွံရ်လောင်အရေးတီုင်ကုင်အာဝ်ဒါ;၊ နှာင်းဘယ်ဆော်အွံရ်ကဏ္ဍတောန်နဲအာဝ်ဒါ; ပ်ုန်ကယေင်ရေဲန်ဟာဝ်းမိုႈ ဆိင်ဒဲကောန်အီပ်ုန်ဂဲဒိုႇဒိုည်ႇ နံပ်လောင်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာနီန်၊ ဆိင်ဒဲ ကူန်ရဝ်မာဂါင်ဂဲနံပ် ဇီုင်းကာန်ပ်ုန်ရေဲန် ခေဲင်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ကာည်း လီပ်ကဖြောမ်ကရောမ်တောပ်၊ ဆိင်ဒဲ ကောန်အီပ်ုန်ဂဲပါ်ဒိုႇဒိုည်ႇ လီပ်ကဖြောမ်တောပ်၊ ဆိင်ဒဲအ်ုန်ဟြာည်ႇကမာ်ႈ ဘည်လံပ်နဘာည်းတေဲင်ကောန်အီပ်ုန် ခေဲင်အရာပ်ကုင်အယ်တအာင်အောႏ။
အီဟိုက်ရောတ်ဒေဲႈ ခေဲင်ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာနီး ဖုင်ကာ်မ်မတီကောန်အီပ်ုန်တံပ်နာန်းတအာင်းဂဲ အီရံပ်ဇီုင်းကပ္လိူင်ခေဲင်PSLF/TNLA၊ တာဆြာ/ယာဆြာ ကာည်း ကောန်ကျောင် ကစုကပိုမ် ဂေါည် (2000)အီးအောႏ။
ဘံန်ဟောည်ႇဒေဲႈ ဆန်ုမ်2024၊ ကျံရ်ကိူရ်အူ၊ ဆငည်း25 ရောက်ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ကာ်မ်မတီကောန်အီပ်ုန်တံပ်နာန်းတအာင်းဂဲမိုႈအီဆော်အွံရ်ဒေရေဲန်ဟာဝ်း ကောန်တီုင်ကုင်အရာပ်အရာ ကဲအီမိုႈ လီဆူ၊ ခါင်း၊ ဆျှံမ် ကာည်း ခြိူဝ်းမျိုတအာင်းကစုကပိုမ် (200)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists